في ضيافة خبيرة : فارسة دبي ....( الجزء الخامس )

**المكياج عشقي** · 2008-09-09, 21:32

بسم الله الرحمن الرحيم

مساءكم ورد وجوري

ومبارك عليكم الشهر

نتقدم بالشكر لاختنا هند من راس الخيمه لسعة صدرها في الاجابه على استفسارات اخواتنا الغاليات ....كثر الله من امثالج وحفظج لاهلج وناسج

الجزء الخامس

ضيفتنا لهالاسبوع خبيرة تمتاز باسلوبها البسيط والجميل في نفس الوقت ....تعتمد على البساطه الراقيه وابراز الجمال الطبيعي للمرأه ( همسه : فروحه شو رايج بهالكلام خخخخخ )

ضيفتنا هي فارسة دبي : فرح

نتمنى من الجميع المشاركه لاكتساب اكبر قدر من المعلومات والاسرار

ونتمنى ان نكون خفيفين عليج فهالشهر الفضيل

اتحملينا *.*

المكياج عشقي

المزيد من آخر المواضيع من نفس القسم:

**المكياج عشقي** · 2008-09-09, 21:36

اول سؤال

ليش اخترتي اسم فارسة دبي؟ لا تكوني صدق فارسة؟

سؤالي الثاني

شو دراستج ومتى اكنشفتي ولعج للمكياج ومنو اللي مسك بايدج وشجعج ؟

شوشو

الباقي في الدرب

**المغتربة** · 2008-09-09, 21:42

شو الماركات اللي تفضلينها ف المكياج ؟ وشو الجحال اللي تسخدمينه و تنصحيني فيه؟

و الله يوفقج و انا احب ستايلج بصراحة ^...^

**محضوضة** · 2008-09-09, 21:49

ايش اكثر شي تحبي تستخدميه الشدو العادي او المضغوط او لستار بودر

ماهو افضل شي للمناطق الرطبه استخدام المكياج المائي او البودر

اذا رحتي او اخذتي دورة هل تفضلي انك تستخدمي اسلوبك ام اسلوبها ومن هو ماكييرش المفضل

**فارسة دبي** · 2008-09-09, 22:05

المشاركة الأصلية كتبت بواسطة المكياج عشقي

اول سؤال

ليش اخترتي اسم فارسة دبي؟ لا تكوني صدق فارسة؟

هههههههههههه ممممم اخترت... لان في سنة 1999 يوم سو حفلة في ابوظبي وكل عن الخيول و الفرسان .. وتأثرت وااايد بالخيول.. وحبيتهم.. والفرسان طبعا الله يرحمه الشيخ زايد و الشيخ محمد بن راشد يا سلاااام عجيبة كانت الحفلة.. ومن هاك اليوم قلت بيكون النك نيم فارسة دبي.. ... لــــــــــــــكن اركب الخيول.. ههه لا لا اخاف ... ممكن اتقرب منهم و اصورهم. واتأملهم.. هيه.. لكن ..اركب نو نو.. ممكن مستقبلا خخخخ ان شاااااااء الله..

سؤالي الثاني

شو دراستج ومتى اكنشفتي ولعج للمكياج ومنو اللي مسك بايدج وشجعج ؟

انا الغالية... حبيت الرسم قبل كل شي.. وكنت كل اللي في بالي اطلعه على شكل رسم و الالوان و لوحات.... وبعدين مممم يوم كنت اشوف المسلسلات اشوف وجوه الممثلات و خاصة الممثلات الهنديات.. خخخخخ كنت احب مكياجهم... ومن يومها سرت معهد لتدريب فنون المكياج وانا في الصف السادس .. وجي بديت بين اهلي.. و ربيعاتي..

شوشو

الباقي في الدرب

واناااااااااااااا بدوري اشكرج الغالية.....وعلى الاستضافة الحلوة... وكلاااااااامج غاوي.. خخخخخخخخخ و جان استحي...

**فارسة دبي** · 2008-09-09, 22:13

المشاركة الأصلية كتبت بواسطة المغتربة

شو الماركات اللي تفضلينها ف المكياج ؟ وشو الجحال اللي تسخدمينه و تنصحيني فيه؟

و الله يوفقج و انا احب ستايلج بصراحة ^...^

تراااني بطيئة في الطباعة....هههههههههههههههههههههه شوي شوي عليه.. شخبارج الغالية...

ممممم بالنسبة للجحال.. انا استخدمه من ماركة برستييج ضد الماي.... وهذا اللي استخدمه لنفسي...
وبالنسبة للماركات... اولا Makeup forever وبعدين INGLOT , KARYOLAN , BNY واشياء ثانية ماركات فرنسية شرات ايف سان لوران و HR

ومشكوووووورة الغالية... وربي يوفقج ان شاااء الله..

**رتاج _79** · 2008-09-09, 22:21

الله يحفظج

الجمهور يحب يدخل خصوصيات المشهور خخخخخخخ

متزوجه عندج بيبيهات
منو يعجبج من مكياج الخبيرات
واذا معرسه اي صالون تمكيجتي
واذا هب معرسه اي صالون مفكره تسيرين
وتعطين دورات واذا عطيتي دورات بكل مصداقيه بتعطين اسرارج المهنيه
عشووووووووووقه تشكرات لاستضافه فروحه

**فارسة دبي** · 2008-09-09, 22:26

المشاركة الأصلية كتبت بواسطة محضوضة

ايش اكثر شي تحبي تستخدميه الشدو العادي او المضغوط او لستار بودر

ماهو افضل شي للمناطق الرطبه استخدام المكياج المائي او البودر

اذا رحتي او اخذتي دورة هل تفضلي انك تستخدمي اسلوبك ام اسلوبها ومن هو ماكييرش المفضل

هلا هلا ومرحباااااااابج الغالية...

مممم افضل استخدام الشدو المضغوط اكثر.... عن لوسباودر

وبالنسبة للمناطق الرطبة..... !!! ما اقدر اقولج... انا استخد الشدو المائي اكثر في المناسبات والاعراس ..وفوقه احط الشدو المضغووووط علشان يثبت اكثر... وجي بتم المكياج لفترة اطول مع مراعات نوع البشرة... والمرطبات اللي تستخدمينهم.... يعني اذا بشرتج دهنية.. لازم تحطين مرطب خالي تماما من الزيوت... ويوم بتحطين المكيب جي بيتم فترة اطول معاج.. ولا تنسين مثبت المكياج.. وهذا يلعب دور...

جوابي لسؤالج الثالث.. هو مممم فادي قطايا... هو الافضل في نظري... واذا خذت دورة ميكب احب استخدم اسلوبي.. علشان اكون مميزة قدر المستطاع و هذا اللي يصيرلي حاليا.. يسالون 100 سؤال وليش وليش وليش ماتستخدمين الاسود.. في المكياج.. وليش ما تكوني كذا و كذا..وليش ما ترسمين على الوجه.. والخ الخ.. بس جوابي هو اللي يحب استايلي وخطوطي فاهلا بها... واللي ما يحب فاهلا بها و سهلا...

**Ryo0oM** · 2008-09-09, 22:34

بصراحه مكياجج واايد حلو وناااعم والله يوفقج ومشكووره يا صاحبه الموضوع ويعطيج العاافيه

بصراحه انا خاطري اشوف عده المكياج << اتخبل على هالسوالف خخخ

وشو افضل نوع للفرش ؟؟

واطرف موقف صادفج وانتي تمكيجين حد خخخ
واذكري لنا موقف صج كان محرج خخخ

وبسسسسسسسسس بالتوفيييييييق

**فارسة دبي** · 2008-09-09, 22:38

المشاركة الأصلية كتبت بواسطة رتاج _79

الله يحفظج

الجمهور يحب يدخل خصوصيات المشهور خخخخخخخ

متزوجه عندج بيبيهات
منو يعجبج من مكياج الخبيرات
واذا معرسه اي صالون تمكيجتي
واذا هب معرسه اي صالون مفكره تسيرين
وتعطين دورات واذا عطيتي دورات بكل مصداقيه بتعطين اسرارج المهنيه
عشووووووووووقه تشكرات لاستضافه فروحه

ههههههههههههه.. ويا هلا بيج و مرحباااااابج..

ممم انا مب متزوجة......

مممم من الخبيرات احب ...ممممم الصراحة ما اذكرهم لاني متوترة.. كأني ياسة في قاعة الامتحانات..ههههههههههه بس احب استايل فادي قطايا.... والايرانية هستي

بالنسبة للصالون... ممم ما احب اسير... بس احب اجرب الصالونات.. وما عندي صالون معين لين الحين...واكثر الاوقات اسوي بروحي المكياج...

وبالنسبة للدورات.. ما اعطي دورات...واذا عطيت دورات طبعا اعطيهم من الالف الى الياء.. وطبعا في بعض الاسرار و خصوصياتي. اقصد في الخلطات طبعا ما اقولها ...بس

وانا اشكركم كلكم...

**رتاج _79** · 2008-09-09, 22:43

فرووووووووووووووحه

قولي يارب

تعرسين وتحصلين ولد الحلال وانا بعد خخخخخخخخخخخخخخخخخخخخخخخخخخ

**الحياة*أمل** · 2008-09-09, 22:45

الغالية ممكن بعض صور لمكياجش وهل تسويين شعر بعد ؟ موفقة باذن الله

**فوفو كيتي** · 2008-09-09, 22:47

انا عندي جم اسئلة ^-^

انا استخدم كونسيلر ايف سان لوران ( بس مااحسه يغطي ) ؟

انا بشرتيه دهنيه وفيها بقع حمرا ( مش حبوب ) مب وايد ينعدون

وحفر بسيطة ..

انا ابغي اغطيهن تغطية كاملة .. يخلي البشرة صافية ومخملية .. فشو تنصحيني ؟

خصوصا اني في الجامعة وابيغها للاستخدام اليومي ^
وشو احسن و جحال ؟؟

انا يوم احط يسييييييح ابغي ارسم عيني من تحت شرات هذي الصورة ,, بس مااعرف كيف

**فارسة دبي** · 2008-09-09, 22:50

المشاركة الأصلية كتبت بواسطة Ryo0oM

بصراحه مكياجج واايد حلو وناااعم والله يوفقج ومشكووره يا صاحبه الموضوع ويعطيج العاافيه

بصراحه انا خاطري اشوف عده المكياج << اتخبل على هالسوالف خخخ

وشو افضل نوع للفرش ؟؟

واطرف موقف صادفج وانتي تمكيجين حد خخخ
واذكري لنا موقف صج كان محرج خخخ

وبسسسسسسسسس بالتوفيييييييق

ههههههه ويه الغالية.. ان شااااء الله بنزل صورة لعدة المكياج مالي.. باجر...هههه

وافضل الفرش.... عندي فرش ميكب فوريفر وكريولاين..

واطرف موقف....اني زعلت وايد يوم مكيجت وحدة وخلصت وفي الاخير شفت عينها تدمع.. وههههههه وجان ازعل..... وعقب... يوم اذكر الموقف.. اضحك على عمري...

موقف محرج.... مرة سالتني وحدة احطها ميكب عادي... وقلت لها ان الميكب العادي مايبين في الاعراس.. وقالت لا...ان شاء الله راح يبين.. قلت لها كيف...؟؟!! وتوكلت على الله و سويتلها مثل ما قالت هي.. وعلى حسب طلبها... ويوم خلصت عيبها وجان تقول هو حلو بس واااااايد خفيف... وعقب قلت لها اوكي انا خبرتج في البداية..!!لكنج ما سمعتيني وهذا المكياج العادي اللي اسويه.. شوو تتوقعووون قالت..... قالت انزين امسحي المكياج وردي حطيلي الاسبشل...

طبعا انا يا خواتي... اعتذرتلها..
وكان موقف محرج

وموفقة الغالية..

**فارسة دبي** · 2008-09-09, 22:52

خواتي.. هيدن ههههههههههههههه شوي شوي علي.. ان شااااء الله برجعلكم بعد ساعتين..

الموضوع: في ضيافة خبيرة : فارسة دبي ....( الجزء الخامس )

أدوات الموضوع

عرض

في ضيافة خبيرة : فارسة دبي ....( الجزء الخامس )

المزيد من آخر المواضيع من نفس القسم:

المواضيع المتشابهه

حصريا الجزء الخامس من مسابقة فارسة الكتاب والكلمه شاركينا وانضمي معنا

فريق رشيقات بلا حدود الجزء الخامس وان شاء الله الاخير قبل الجزء الاول من التثبيت

في ضيافة خبيرة : G.I.R.L هند من راك ( الجزء الرابع)

في ضيافة خبيرة : ظبيانية . . . ( الجزء الثالث )