..؛؛..ليش نكره الصراصير::..

**ام ريون** · 2008-06-30, 02:14

الصرصور مخلوق ظريفة يعيش في اماكن حتى الانسان ما يقدر يعيش فيها

عجيب الصرصور لديه امكانيات عجيبة غريبة

مثلا يقدر يدخل في فتحة حجمها اقل من حجمه بكثير ... عشان كذا نلاقى الصرصور يقدر يدخل بين تشققات الجدار الضيقة جدا... (يعني ما يتعطل اذا لعب استغماية)

ايضا الصرصور يستخدم نظام معقد ليتحسس الموجودات التي امامه حيث انه بلا عين ولايرى ... ومع ذلك فانك تتعب اذا طاردت الصرصور لأن قرون الاستشعار التي لديه حاستها قوية ... فيستطيع ان يتفادى اي جسم يسقط عليه (عشان كذا تلاقي النعال ما يصيبه من اول مرة ولا ثلاث مرة بعد) :؟

ومن قدرات هذا المخلوق انه يستطيع أن يعيش لمدة تسعة أيام بدون رأسه حتى يبدأ معاناة الموت جوعاً (‏ياي أوريجينال خالص)

وايضا هذا المخلوق رقيق جدا ... فهو يحب ان يتغذى على رموش العين عندما يكون قريب من انسان نائم أو ميت.... (الحين بتلاقي البنات ما يناموا)

وسمعت ايضا .. ان الصرصور هو المخلوق الوحيد الذي يستطيع العيش عندما تحدث حرب نووية.... (عشلووووووووون عيل بطل والله بطل)

والصرصور يا جماعة الخير نظيف حده ... تصدقوا ان الصرصور، بعد احتكاكه بالإنسان، يسارع الى مخبئه لتنظيف نفسه .. وهذي احدى اغرب واعجب مميزات الصرصور ... تلاقي الصرصور اذا شافنا يقول وعععع بشر

الصرصور رشيق يا جماعة .. صحيح كرشته كبيرة وتلمس الارض كعكعكع بس ما تقلل من رشاقته لأنه قادر عليها مو مثل بعض الرياييل ... ودليل رشاقته هي سرعته ... الصرصور زهبة (زهبة = فريرة) يا جماعة ... المهم يقول لكم ان الصرصور الذي يعيش في المناطق الاستوائية تصل سرعته الى 36ر3 ميل في الساعة . . أي أنه يقطع مايوازي 50 ضغف طوله في الثانية واحدة .. ايه والله يشخط شخط تقول فراري صغير

-------------------

ياترى هل الصراصير يقولو على البني آدميين نكت؟؟ ترى احنا مقللين من شأن الصراصير وايد ... اسمعو شنقول عنهم المساكين
فيه صرصور متلطم ليه ؟ حالق الشنب

في صرصور يضحك ليش الي يطقه احول

صرصور راح سينيما او ل ما دخل حطوا دعاية بف باف قال: من اولها رعب

فيه صرصور منوم في المستشفى وهو جالس جابو صرصور وحطوه جنبه قاله هاه يابو الشباب ريد والا بف باف قال لاوالله زنوبه هالمره

في زهيوي (زهيوي = صرصور) قاعد جنب بالوعة ليش؟؟؟ يتذكر ايام الغوص

في رجال كل يجي يشتري من هندي خبز وفي المره الاولى شاف في الخبز جناح صرصور وفي الثانيه شاف رجل صرصور والثالثه شاف راس صرصور فسأله الرجال:ليه كل مره اجي اشتري منك خبز اشوف عضو من اعضاء الصرصور ,قال الهندي:بابا انت في جمع كل لين يصير صرصور كامل بعدين يربح سياره

في مره صرصور حامل خيشة يدخل بالوعه ويطلع من بالوعه ليييش؟ ..... يقرقع (يقرقع=يكركش)

صرصور يبي يسكر دخل البقاله وقال للهندي لو سمحت واحد فليت

في صرصور تزوج نملة قالت له ...! اكتب البالوعة باسمي

--------------------

ايييييييييه اضحكوا ... بس لو الصراصير قالوا علينا نكت ؟؟ اش بيقولوا؟؟-----------------------

بعد كل اللي ذكرته ... ليش نكره الصرصور!!!؟؟؟ وليش نيخافوا من الصرصور!!!؟؟؟ وين لجنة حقوق الصراصير؟؟؟خخخ

..منقوول للافاده ..
اسفه اذا وحده لاعت جبده انا روحي اكره شئ عندي هالحشرات المقرفه بس كنت اسوي سيرج وطلعتلي هالمعلومات ..كنت ابا اعرف الصرصور كيف يشوف بالظلام ...

والسموحه

نسألكم الدعاء

المزيد من آخر المواضيع من نفس القسم:

**كشخة ماركه** · 2008-06-30, 02:27

هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه ههههههههههههههههههه لا تعليق
و موفقه الغلا في البحث

**الكويتيه @** · 2008-06-30, 02:33

يا أختي ضحكتيني بس مالقيتي الا هالموضوع

**بدر0البدور** · 2008-06-30, 02:58

لا تعليق

**حور البحر** · 2008-06-30, 03:09

لا بعد

يحب الرموششششششششششششششش

انا روحي
اعاني من فوبيا الحشرات وخاصه الصرصور

عقدتيني زياده

خخخخخخخخخخخخ

**Gala Uae.** · 2008-06-30, 03:20

وايضا هذا المخلوق رقيق جدا ... فهو يحب ان يتغذى على رموش العين عندما يكون قريب من انسان نائم أو ميت.... (الحين بتلاقي البنات ما يناموا)

يعني حتى لو سكرت باب حجرتي بيرومون يدخلون؟؟

انزين شو نسوي ؟؟ أخاف اييني بالليل وياكل رموشي

**فريدة** · 2008-06-30, 09:00

وااااااااااع

**ام_ساره** · 2008-06-30, 11:23

هههههههههههههههه
قلت المواضيع

**pink 7** · 2008-06-30, 12:04

لا تعليق...

بس مشكورة على البحث والمعلومات الي عن الصرصور...

**ام ريون** · 2008-06-30, 14:15

شفتوا كيييف استخفيتو واستهنتوا بالموضوووع بس يوم نشووووف الصرصوووور نصرخ ونشرد

والله امس من حطيييت الموضووع حاولت ارقد ما قدرت كل حين افجج عيني اطا لع تحت الباب اتخيل بيدل

سبحان اللله

لين 3وشوي وانا صايره برج مراقبه

**um-khalifa** · 2008-06-30, 14:25

هههههههه ...... وعععععع احس شعر جسمي يوقف يوم حد يطري لي الصراصير وبالذات ريولهن

شو رايج اتسوين سيرش لحشره ثانيه الحينه ... خخخخخ بالتوفيـــــــــــــــــــــــق
والله اني ضحكت من الخاطر وانا في الدوااااااااام بعد !!!

**S M S** · 2008-06-30, 14:39

هههههههههههههههههههههه حلوة انا ما احب الصراصير
بس ما اخاف منهم
عقدتي الفار

**ميمي 111** · 2008-06-30, 14:45

سبحان الله ..هذي مخلوقات الله سبحانه ولله في خلقه شؤون.. المفروض مانكرهها والله خالقنها.. بس نقضي عليها لأن كل مايضر الانسان يعدم ..

**ذكريات98** · 2008-06-30, 17:11

أنا وحدة اخاف وايد من الصراصير .. والله يعين الليلة يمكن ما ارقد من كثر الخوف

**thariya** · 2008-07-01, 01:44

ومازلت اكره الصراصير!!! يزيغووون ولوعـــــــــــــــه!!! الحمدلله لقيت حل لهم وافتكيت!! رعـــــــــــب!

الموضوع: ..؛؛..ليش نكره الصراصير::..

أدوات الموضوع

عرض

..؛؛..ليش نكره الصراصير::..

المزيد من آخر المواضيع من نفس القسم:

المواضيع المتشابهه

الصراصير

ღ كثيراً ما نكره ونحب أشخاصاً من دون سبب !!!! ღ

ليش احنا أمه نكره بعض ونشمت ببعض...دعوه للمناقشه

زوجي حياتي ,, أنا بدونك نكره !!!

دنيا دنيه تاخذ وتعطي حقها بيديها ؟؟؟ عيل ليش نكره