اللي عندها خبره بالسيارات تدخل

**توته79** · 2008-03-19, 03:17

بنات في سياره قسطها 500 او 600 وشو هيه ؟؟؟

تكون وكاله طبعا

المزيد من آخر المواضيع من نفس القسم:

**ساحرة العيون** · 2008-03-19, 06:07

هيه فيه عندج كيا وسوزوكي سيري عندهم وبتحصلين اللي تبين
وبالتوفيق الغالية

**خوي الروح** · 2008-03-19, 07:12

هيه فيه

**umm yoser** · 2008-03-19, 07:49

سوزوكى ، كيا ، واحتمال بيجو
بس انصحك كل ما قل القسط كلما زادت الفوائد على سعر السيارة

**عالية الغالية** · 2008-03-19, 08:27

كيا اقساطها قليلة

لكن نصيحة لوجه الله السيارة هذي خرابها وااااااااااااايد كل يوم بيطلع فيها عوق

وهالكلام عن تجربة ربيعتي واخو زوجي السيارة ما كملت سنة الا واعطال الدنيا فيها

بس اذكر اخو زوجي اشترى سيارة فولكس واجن - بولو - وكان يدفع اقساطها 600 شهريا بس طبعا تمويل اسلامي

وموفقة واستخيري ولايغرج المبلغ واتاكدي من مواصفات السيارة خلي الشباب عندكم يسألون احسن وافضل

ومبروووووووك مقدما

**ريـــــــم** · 2008-03-19, 08:37

صح كلام إختي عالية الغالية ..

الكيا خرابها وااااااااااااايد والله وغذا حبيتي فيوم تبيعينها سعرها بيطيح

وبنبيعينها بخسارة صدق ..

فما أنصح لا بكيا ولا بهايونداي ؟؟ كلهن نفس بلد الصنع "كوريا"!!

خراب في خراب ..

أحسن خذيلج يا نيسان يا تويوتا ..

في عندج من النيسان .. تيدا . . سوني و غيرهن وايد ..

ومن التويوتا .. كورولا ..

حتى ولو خذتيهن مستعملات ونظاف والله أحسن لج من الكيا والهايونداي ..

ممكن تزودين شوي فالقسط بس خرابهن قليييل جداَ .. وإنتي بترتاحين ..

وفي النهاية .. نصيحتي لج إختي إنج تلفين ع الوكالات أحسن وإنتي بروحج بتعرفين الفرق وبتحكمين ^_^

"ومقدماً" يعطيج خيرها ويكفيج شرها إن شاء الله ^_^

والسموحة ع الإطالة .. موفقة يا ربي

**عشيييق** · 2008-03-19, 08:47

السلام عليكم ورحمة الله وبركاته

انا يييييييييييت احم احم خبيرة مواتر ..

شوفي حبيبتي..

مثل ما قالو لج الاخوات الكيا خراااااااابه وشكلها حتى مب شي

شوفي عندج هوندا سفك>>ممكن يخلون الاقساط 600

بس اذا كان المقدم نص السعر..

وعندج XA

هاي روووعه وعميله وااايد..واقساطها 600

وبسير بسأل لج اخوي عن مواتر 2 وبرد عليج حبيبتي..

**umshamma** · 2008-03-19, 12:49

الغالية عندج سوزوكي سيارة حلوة وضغيره واقساطها من 500

**أصغر العنقود** · 2008-03-19, 13:26

اختي نصيحه ابتعدي عن كيا و هايونداي لانهن كوريات ووإسالي أي حد حواليج محد بينصحج فيهن
شوفي لج التويوتا والنيسان والتويوتا في الجوده احسن عن النيسان والياباني قطع غياره متوفره واسعارها معقوله بعد
شوفي لج أكس أي من تويوتا مستخدمة ونظيفة وشرط الفحص طبعاً
سعرها مابيتجاوز 45000 ومدة الدفع كل مازدات يقل القسط صح بس تزيد الارباااح ونصيحة اخت..لو تدخلين جمعيه ابرك لج وتاخذينها كاااش..الحمدلله ربي اللي ماعلي دين للبنك لانه هم على القلب الله لايبلي حد فيه

وتمنيااااااتي لج بالتوفيق

**_UAE_Moon_** · 2008-03-19, 14:01

مرحبا
أختي يعتمد انتي حسابج في أي بنك .. ؟ وكم نسبة الربحية مالهم على السيارة؟؟
شوفي .. افضل شي من جميع النواحي ( قطع غيار - سرفيس - سعر - خرابات - عمر السيارة الافتراضي - تصليحاتها ) السيارات اليابانية .. وعندج منها 3 احسن شي .. تويوتا ، نسيان ، سزوكي ...
وانتي تبغين الاقساط كم سنة؟؟
التويوتا عندج ياريس ، كورولا ، اكس آ ، صغيره وعملية ورخيصة ..
النيسان عندج صني ، تيدا ، ألتيما ، قشقاي ...
السزوكي عنج سويف ...

هذيلا سواء خذتي جديد وكالة أو مستعمل نظيف ومب ماشي وايد ... وتلقين عند الفطيم اوتو مول سيارات مستعملة نظيفة ..

**توته79** · 2008-03-19, 23:15

تسلموووووووووووون يا قلبي ماقصرتوا

الموضوع: اللي عندها خبره بالسيارات تدخل

أدوات الموضوع

عرض

اللي عندها خبره بالسيارات تدخل

المزيد من آخر المواضيع من نفس القسم:

المواضيع المتشابهه

الشاطره اللي عندها خبره تدخل ،،

اللي عندها خبره في الهرمونات تدخل

اللي عندها خبره في البناء تدخل

عاجل :اللي عندها خبره تدخل

اللي عندها خبره بليز تدخل.........