((( ملف لجميع الاسئلة والاستفسارات )))

**امطار شرقية** · 2008-02-26, 13:41

السلام عليكم ورحمة الله وبركاته ، أخواتي الكريمات نظرا لكثرة ورود استفسارات من قبل العضوات بخصوص جميع الأمور التي تواجهها في المنزل أو في حياتها ويصعب عليها إيجاد حلول جذرية لها فتم وضع هذا الموضوع حتى يشمل كافة الأسئلة والاستفسارات المنزلية وبإذن الله تعالى يجدن الحلول المناسبة لها هنا بهذا الموضوع فالرجاء من الأخوات الكريمات التعاون في هذا الأمر حتى تعم الفائدة المرجوة ، وسيتم نقل جميع المواضيع التي تحوى على استفسارات تلقائيا إلى هنا .

وشكرا جزيلا على حسن تعاونكن ^_^

المزيد من آخر المواضيع من نفس القسم:

**الهاويـة** · 2008-02-26, 14:36

شحالكن حريمات .. ان شالله بخير

بغيت اتخبركن شو احسن صابون غسيل ملابس ؟ يعني صدق يزيل البقع ؟ خصوصا الملابس البيضا

وحد منكن استخدم فانيش ..... شو رايكن فيــــــه

بليز ردوا علي لا عدمتكن

**كرز 2005** · 2008-02-26, 14:40

الملابس البيضا لهن كلوركس
و الصابون انا استخدم تايد ما ادري اذا فيه احسن منه

**الهاويـة** · 2008-02-26, 15:12

مشكورة فديتج بس انا سمعت ان الكلوركس يخرب الملابس يخليها تصفر مع الايام !

**al3asal** · 2008-02-26, 15:23

ارسل وفانش

**al3asal** · 2008-02-26, 15:24

أريل وفانش

**ضي الفلاسي** · 2008-02-26, 23:48

اريل وتايد ولكن لا تستخدمون كمفورت ولا الانواع الثانية تخرب الملابس

**طيف قلبي** · 2008-02-27, 01:12

السلام عليكم ورحمة اللـه وبركاته

شخباركم خواتي ؟

أحتاج خبرتكم وأفكاركم لو سمحتوا ..

إذا كانت الوحده متزوجه وعندها طفل توه مكمل سنـه والثاني في الطريج ان شاء الله

وهي تدوام (معلمة) .. وتبا تنتقل بيت بروحهـا .. لأنها حاليا فبيت أهل زوجهـا ..

فكيف ترتب أمورهـا المنزلية + الأطفال + الدوام .. ؟؟

بشرط عدم الاستعـانه بخادمة ؟

حد مر بهالشي وممكن يفيدنا .. أو حد عنده أفكار ممكن تساعد ؟

....

**um_khawaly** · 2008-02-27, 12:03

آريال مع دواني .. روعه ويغني عن استخدام دواني وكمفورت ..
وفانيش استخدمه للبقع ..

**um_khawaly** · 2008-02-28, 13:18

السلام عليكم ..

انا دوم أسأل >_< ..
المهم الغاليات ,, الاسبوع الياي شغالتي بتسافر ,, وصراحه انا ما اعرف اي شي ف الطبخ ,, بس اعرف اسوي سويتات ع قولت ريلي بنتريق وبنتغدا وبنتعشى سويتات ..
وشغالتي هاي تعلمت الطبخ ف بيت اهلي ..
بتم فتره بدون شغاله تقريبا شهر .. وريلي بيكون مجاز ..
الحين عاد ابغي اثبتله اني اعرف اطبخ ,, الله يعين بس ..
ابغي اعرف اساسيات الطبخ ,, يعني كيف تنظفون العيش وتغسلونه وتطبخونه .. والدياي كيف تنظفونه وتقطعونه .. ما اعرف شي غشييييييمه ف الطبيخ .. ومشكلتي بعد اخاف م الفرن ما اعرف ليش !!
بس بعد ابغي احاول .. يا ليت تفيدوني وتخبرني .. ومشكورين مقدما يا الغاليات ..

**لوززه** · 2008-02-28, 23:09

السلام عليكم
شحالكن يا حلوات انشا الله بخير ؟؟
خواتي بليييييييييييز ساعدوني انا عندي مشكله وهي :

ملابس يوم اعرق فيهن تطبق الريحه ولا اتخوز حتا لو ينغسل القميص
حرام اتخسرت من كثر المشترا القميص البسه مره ولا2 وعقب خلاص تلصق فيه الريحه
المشكله شغلي يفرض علي اني اتحرك وايد وحر وانا من النوع الي بسرعه عرق الله يخليكن ساعدني
كيف اغسل القميص عشان اتخوز منه الريحه وعلا فكره مكان الابط يكون اصفر اعتقد عشان مزيل الرائحه ماعرف

اتريا ردودكم

**نوفانا** · 2008-02-28, 23:27

السلاااام عليكم
حبوبه اول شي غيري مزيل العرق وحاولي ماتاكلين بهارات وايد او اكل ريحته قويه ترا في معلومه تقول ان نوعية الاكل تأثر على ريحة العرق خاصه الابط المهم حاولي تستعملين ملطف طبي او شبه مع بودره اطفال اذا بشرتج مو حساسه ريحه مو مزيل لانه خطييير

بالنسبة للقمصان في نوع صابون في الجمعيات يستعملونه وايد في السعوديه ييج في اكياس شفافه اما قطع كبيره او مبشور مثل جبنة البيتزا لو كيسته شفاف على اخضر فاتح على احمر وريحته هاااااااااااديه وتدل على نظافه صح واذا ماعرفتيه حاولي وانتي تغسلين القمصان تنقعينهم في ماي حار بس مو وايد مع صابون وشوي ديتول الخاص بالجروح خاصه عند الابط بس حاولي تحصلين هالصابون انا مااذكر اسمه واذا كان قطع كبيره بشريه ونقعيه مع ثيابج اسميني اتفلسف

**الفيحاء** · 2008-02-29, 01:13

اختي استعملي الشبا مع المسك

**عناقيد حلم** · 2008-02-29, 01:26

حطي سائل اسمه dawny مع الصابون يخلي الملابس ريحتها حلوه

**flower2007** · 2008-02-29, 12:14

السلام عليكم ورحمة الله وبركاته ....

انا بصراحه من النوع الي وايد يعرق ....اسخدمت انوووواع مزيلات العرق

لكن ماشي فايده ...مفعوله مايطول .....

والحين سمعت عن الليمون ان زين حق العرق ...؟؟؟انتو شورايكم فيه منو

جربته ....مفعوله يطول ولا بسرعه يروح ...؟؟؟؟؟

وكيف بضبط استخدامه ....؟؟؟ يعني تستخدم الليموون ومع مزيل العرق ولا بس الليمووون ...

ارجوا انكم اتفيدوني؟؟؟

الموضوع: ((( ملف لجميع الاسئلة والاستفسارات )))

أدوات الموضوع

عرض

((( ملف لجميع الاسئلة والاستفسارات )))

المزيد من آخر المواضيع من نفس القسم:

شو احسن صابون غسيل ؟

عملي والمنزل .. ؟

ريحه الملابس

الليمون لتخلص من العرق ...منو مجربتنه؟؟؟؟؟؟

المواضيع المتشابهه

ملف لجميع الأسئلة والاستفسارات بخصوص الخدم - الجزء 6

ملف لجميع الأسئلة والاستفسارات بخصوص الخدم - الجزء 5

(((( ملف لجميع الاسئلة والاستفسارات بخصوص الخدم )))) الجزء الثالث

(((( ملف لجميع الاسئلة والاستفسارات بخصوص الخدم )))) الجزء الثاني

(((( ملف لجميع الاسئلة والاستفسارات بخصوص الخدم ))))