تعالوا نشوف فناتك الحريم...... الحريم الملقعات يدشن و الي مش ملقعه تتطمش

**ام ديومة** · 2008-02-20, 23:16

فكرت من فترة انه نسوي موضوع نكتب فيه خبراتنا و اساليبنا في الاستيلاء على قلب سي سيد
يعني كل حرمة اكيد عندها حركة او حركتين تسويهن عشان تبين حق ريلها انها فاهمة او تحبه او انها مهتمة فيه و تكون الفكرة فعلا تنال اعجاب الزوج

في حريم ماشاء الله عليهن افكارهن حلوة .... اكيد لو كلنا كتبنا نحن شو نتميز فيه و الا شو الشي الاسبشل الي نسويه حق ريلنا عشان نقردنه بتعم الفايده و نقدر نقلد بعض

المهم ما نبا اشياء تخص العلاقة الحميمة و الفراش.......نبا اشياء ثانية

انا ببدا اكتب لكم و انتوا بتفهمون القصد

الصبح يوم يظهر ريلي من الحمام اعطيه ملابسه الداخليه و اعطرها بالمسك (ساعات قبل ما يظهر اكون عطرتها و ساعات بعد ما يلبس ملابسه الداخليه اعطره) و بعدين ادخنه بالعود

احسن انه يستانس واايد

يالله خبرونا انتوا شو تسوون؟؟؟

المزيد من آخر المواضيع من نفس القسم:

**الصافنات** · 2008-02-20, 23:23

ممممممممم أنا مثلج تقريباً بس شويه غير ، يعني كل ما يتيمعن ملابسه الداخليه قبل ما أحطهن فالكبت أعطرهم بالمسك الأبيض (مال القرشي) وأدخنهن بالدخون ( وايد أحب دخون فزاع) ، فعلاً يستانس، ويوم مرات أنسى أسوي هالحركه (يشغلوني الصغاريه ) يستغرب ويقولي ثيابي مب نظاف

، فأنا قد ما أقدر أحافظ على هالشي ^_^ الله يبارك لنا في حلالنا يا رب العالمين

**ام ديومة** · 2008-02-20, 23:29

آمين يالغالية

بس حبيت اقول اكتبوا في كل المجالات الا العلاقات الحميمة ...يعني اكله و شربه و لبسه و اهتمامج و الفناتك كلها

بانتظار الجميع

**بنت الاصال** · 2008-02-20, 23:44

مشكورة الغالية عللا الموضوع الحلو
انا المع نعوله يوم ارقد وينش الصبح مستغرب وكذا مرة يقولي ماله داعي تكرمين عن النعول بس انا استانس وكناديرة وغترة في كبت ارواحهم والله ثم والله كل يوم يقولي فلان يقولي شو هالريحة وفلان يقوله انت متدخن ولاشو لاني اول شي ارش الكبت عطور من كل الانواع الغاوية والي تتم الرخيصة والغالية عقب احط علاقات الغتر في اليمين والكنادير في اليسار ومن ثم احط المدخن تحت الغتر عسب ما يحترقن الكنادير ودخونه غير عن دخوني انا عندي 7 انواع حرييمي و4 انواع رجالي وعود معطر وعود وعود رجالي المهم كل يوم حطيله نوع دخون وزيدي العطر والريحة بتم في البيت كله مب بس الملابس واعطر سيارته يوم اكون معاه وينزل الشيشة..
يوم يسير الدوام احطله شنطة فيهامقص ضفور وموس ولزق جروح وبنادول ومال الباط ديودرنت وعنوعين عطر عربي وفرنسي وغرشة عود يدخن به ومشط وكريم للايد والريل وبودرة للجسم..
ومرة احلى موقف كنا في الغربية ليوا نتمشا وحاطين الاف ام جان اطرش للبرنامج فلانة تقول لفلان شكرا ع التمشية وانهها تحبه واااايد والله يخليه لنا استاااااانس لانه ماكان متوقع..
والله يخليه لي ويخلي كل ريال طيب لحرمته ويحنن كل ريال قلبه قاسي..

**dmo3el7zen** · 2008-02-20, 23:54

موضوع حلو شكرا على الطرح غناتي

انا عندي شوي افكار بسيطه بس نتايجه رهيبه ههههههه... ان شاء الله تستفيدون منها

بين فتره وفتره اييب الاستكرات الصفر الحجم الصغير.. و لصقه في اماكن ما يتوقعها و اكتب عباراتي الي ابغيها.

مثلا الصبح قبل ليسير الدوام اسير سيارته و هو مايدري و احط الاستكر على المنظره الي يطالع فيها و را واكتب مثلا" احبك" "

اذا ساير السوق الصق الاستكر في البوك و اكتب "فديتك"

اذا صار يوم و سرت بيت الوالده اقيل مثلا و هو مايا ويايه...تحصلون الاستكرات مازره البيت... على شاشة الكمبيوتر "فديت العيون الي تشوف الشاشه

" ... في الكبت " و يا ويهك هههههههههههه " شو كله حب شوي دفاشه لازم ....... على باب ثلاجة المطبخ التحضيري"هاااااااااااه شو بتاكل" هههه..... باب غرفة النوم....على منظرة الحمام الله يعكزم.... على تلفون الصاله "فديت يدك الي بترفع السماعه".....على المخده "نوم العوافي غناتي"

اذا مسافر شغل عاد و ما اكون وياه اطلع له في كل مكان هههههههههههههههه في الجوتي وانتو بكرامه .... في مخبا البنطلون....على ابت القميص..... داخل الدلاغ....... رعب اسويله يعني هههههههههه و فوق كل هذا اكتبله رساله ابث فيها كل اشواقي وحنيني له و احطها في شنطته فوق الثياب عسب من يفتح الشنطه يشوفني جدامه

طبعا هذا كله وانا ارتب الشنطه... والرساله احطها قبل ليطلع المطار على طول عسب ماي و يفتح الشنطه و يخرب المفاجاءة.

بهذي الطريقه دايما اكون موجوده وانا مش موجوده... لزقه يعني مثل ما ودي اكون

بس نفس الوقت لا....ودايما اظهر له من حيث لا يحتسب ههههههههههه

في شي ثاني بعد اسويه....... اذا مسافر وانا مب وياه شرات ما قلت الكم..... اعطر ملابس نومه بعطري ودخنهن بدخوني علشان اكون اخر شي يذكره قبل لينام

و الله يسعدكم ان شاء الله

موفقين حبيباتي

**ام ديومة** · 2008-02-20, 23:55

المشاركة الأصلية كتبت بواسطة بنت الاصال

مشكورة الغالية عللا الموضوع الحلو
انا المع نعوله يوم ارقد وينش الصبح مستغرب وكذا مرة يقولي ماله داعي تكرمين عن النعول بس انا استانس وكناديرة وغترة في كبت ارواحهم والله ثم والله كل يوم يقولي فلان يقولي شو هالريحة وفلان يقوله انت متدخن ولاشو لاني اول شي ارش الكبت عطور من كل الانواع الغاوية والي تتم الرخيصة والغالية عقب احط علاقات الغتر في اليمين والكنادير في اليسار ومن ثم احط المدخن تحت الغتر عسب ما يحترقن الكنادير ودخونه غير عن دخوني انا عندي 7 انواع حرييمي و4 انواع رجالي وعود معطر وعود وعود رجالي المهم كل يوم حطيله نوع دخون وزيدي العطر والريحة بتم في البيت كله مب بس الملابس واعطر سيارته يوم اكون معاه وينزل الشيشة..
يوم يسير الدوام احطله شنطة فيهامقص ضفور وموس ولزق جروح وبنادول ومال الباط ديودرنت وعنوعين عطر عربي وفرنسي وغرشة عود يدخن به ومشط وكريم للايد والريل وبودرة للجسم..
ومرة احلى موقف كنا في الغربية ليوا نتمشا وحاطين الاف ام جان اطرش للبرنامج فلانة تقول لفلان شكرا ع التمشية وانهها تحبه واااايد والله يخليه لنا استاااااانس لانه ماكان متوقع..
والله يخليه لي ويخلي كل ريال طيب لحرمته ويحنن كل ريال قلبه قاسي..

ماشاء الله عليج يالغالية

و منج نستفيد

ان شاء الله بحاول اقلدج في بعض الاشياء

**نوفاني** · 2008-02-21, 00:05

موضوعج واايد حلو عن نفسي لما ينش الصبح ويكون بعده عالفراش طبعا انا انش قبله...فاول ما ينش اقوله صباح الورد والفل والياسمين واكون حاطتله ورده عالمخده...صدق يستانس

عالاكل اجهزله الغدا مع انه مب دايما يتغدى اسويله عصير فرش وازين له الصحن عسب افتح نفسيته للاكل ..

ثيابه دايما ادخنها ولما يروح صلاة الجمعه احطله دهن عود وادخنه (ماشاءالله معرس) على قولته جني معرس يوم الصباحيه هههههههههه

وبس هو الحين مسافر الله يرده لي بالسلامه بتابع الموضوع وبسرق كم حركه خخخخخخخخخخ

**rabatia** · 2008-02-21, 00:14

المشاركة الأصلية كتبت بواسطة بنت الاصال

مشكورة الغالية عللا الموضوع الحلو
انا المع نعوله يوم ارقد وينش الصبح مستغرب وكذا مرة يقولي ماله داعي تكرمين عن النعول بس انا استانس وكناديرة وغترة في كبت ارواحهم والله ثم والله كل يوم يقولي فلان يقولي شو هالريحة وفلان يقوله انت متدخن ولاشو لاني اول شي ارش الكبت عطور من كل الانواع الغاوية والي تتم الرخيصة والغالية عقب احط علاقات الغتر في اليمين والكنادير في اليسار ومن ثم احط المدخن تحت الغتر عسب ما يحترقن الكنادير ودخونه غير عن دخوني انا عندي 7 انواع حرييمي و4 انواع رجالي وعود معطر وعود وعود رجالي المهم كل يوم حطيله نوع دخون وزيدي العطر والريحة بتم في البيت كله مب بس الملابس واعطر سيارته يوم اكون معاه وينزل الشيشة..
يوم يسير الدوام احطله شنطة فيهامقص ضفور وموس ولزق جروح وبنادول ومال الباط ديودرنت وعنوعين عطر عربي وفرنسي وغرشة عود يدخن به ومشط وكريم للايد والريل وبودرة للجسم..
ومرة احلى موقف كنا في الغربية ليوا نتمشا وحاطين الاف ام جان اطرش للبرنامج فلانة تقول لفلان شكرا ع التمشية وانهها تحبه واااايد والله يخليه لنا استاااااانس لانه ماكان متوقع..
والله يخليه لي ويخلي كل ريال طيب لحرمته ويحنن كل ريال قلبه قاسي..

عجبتيني بأسلوبج ويا ريلج ما شاء الله عليج ربي يخليج و يحفظ لج ريلج و يبعد عنكم ولاد الحرام

**rabatia** · 2008-02-21, 00:22

أتكلم عن شو اسوي أنا بصراحة مو وايد مدلعة رايلي بس في أشياء أسويها أحسها تعيبه
من يوم عرسنا و أنا أقص ظفوره بإيدي و أغسل ريوله بماي دافي أستعمل جهاز الريول و افرك له أقدامه و دوم ريوله تلمع و أسوي له مساج حق ريوله مرة فالِأسبوع و يوم يكون يطالع المبارايات و شكثرهم أسوي له جو شاي و كيك و مكسرات و أشيل عنه اليهال ما يشوفهم جدامه مع انه ما قد قالي يزعجوني و في كلمات دوم أستعملهم يوم أخاطبه مثل : يا الزين و يا عيوني و يا حبيبي مو معه بس لكن مع عيالي بعد و هو يستانس يوم أقوله تشي لو زعلانة منه ما أغير أسلوبي و الله لا يجيب زعل و بعد بذكر و بخبركم

شكرا لصاحبة الموضوع خلينا نتعلم من بعض و أنا عن نفسي حسيت في أشياء ما أسويها مثل تدخين رايلي الصبح بس معذورة ترى عندي حساسية الأنف و ما اروم على الدخون لسوء الحظ
أتمنى من العلي القدير أن يبارك لنا و لكم في أزواجكم و ذريتكم

**Al_Kindy** · 2008-02-21, 00:26

حبيت اشكرج على الموضوع..........فقط لاغيييييييييييير

**الهم نت** · 2008-02-21, 00:29

حركااات قدعه خخخخخ

بصراحه يايه اطالع <<< مب فضووول بسس اتزهب حق عرسي وقريب انشالله

**أم روضة** · 2008-02-21, 00:35

أفكار حلوة

**ام ديومة** · 2008-02-21, 00:36

ماشاء الله على افكاركن

و ان شاء تعم الفائدة و انا اخبركم من الحينه تراني بقلدكن في وايد حركات

اتمنى ما تبخلن علينا

**إمارتيه** · 2008-02-21, 00:38

أفكار حلوة

**سيده إماراتيه** · 2008-02-21, 00:38

وااااااااااااايد حلو الموضوع والأحلى إن الكل بيستفيد وبايخذ من خبرات غيره

انا الاشياء إلي اسويها واحسه يتشقق من الفرحه
ملابسه دوووووووووووم ابخرها واعطرها وطبعا انوع من الروايح لدرجه يقولي الشباب يمدحون ويسالوني اي دخون هذا

بين فتره وفتره اسويله مساج مع جو وزيت يكون دافي شوي مب تحرقون رياييلكم وتدعون علي لا شويه بس دفيه وسويله مساج وااااااااااايد بيستانس على فكره الرياييل يموتون في المساج اهم شي الوحده تسويه بكل رقه مب دفاشه ولا تتكلمين خليه يسترخي ويعيش اجواء الجزر الإستوائية<<<<عااشت يا الفلسفه

ايام العزايم اول ما يتسبح اجهز البخور والعود واعطره وابخره وهو يقول مافي داعي واحسه واايد يحب هالحركه لأنه يروح عند الرياييل وريحته تسبقه ويوم الجمعه بعد

وهذي الأشياء إلي في بالي وربي يسعدني ويا ريلي ويخليني لبعض ياااااارب ويخلي كل زوج لزوجته ويرزق كل بنوته بالزوج الصالح قوووووووووووولووووووو آآآآآآآآآآآآآآآآآآآمين

الموضوع: تعالوا نشوف فناتك الحريم...... الحريم الملقعات يدشن و الي مش ملقعه تتطمش

أدوات الموضوع

عرض

تعالوا نشوف فناتك الحريم...... الحريم الملقعات يدشن و الي مش ملقعه تتطمش

المزيد من آخر المواضيع من نفس القسم:

المواضيع المتشابهه

ترى مو بس الحريم كيدهن عظيم !!! الرياييل أعظم كيد من الحريم!!!!!

تعالوا شوفوا أخطاء الحريم كيف تشرد الريال !!!

تفسير الاحلام هوس عند الحريم تعالوا اذا تبغون مفسرين

تعالوا أعلمكم مكر الحريم

فناتك الحريم علمونيييييييي ؟؟؟؟؟؟؟؟؟؟