!! ألـــم يسار الرحم !!

**مها11** · 2008-02-08, 16:03

خوااتي كيف الحال ,,

مثل ماقريتوا العنوان صار لي اسبوع تقريبا وانا اييني الم يسار الرحم يعورني وايد ماعرف شو هالالم .. مع اني توني داخله التاسع .....اللي عندها فكره او صادفها نفس الالم تخبرني شو ممكن يكون ............اول مره ياني قالت لي الدكتوره احتمال القولون متهيج يمكن لانج كلتي مكسرات او بقوليات مع العلم ان مافيني قولون وماكلت من هالاشياء اللي تطريها ..............

ياريت اللي عندها خبره تفيدني لاني وايد خايفه ع البيبي ..

المزيد من آخر المواضيع من نفس القسم:

**جرح الغلا** · 2008-02-08, 16:15

انا اييني الم على اليسار فوق الريل حتى اني احيانا مااروم امشي زين

يوم رحت للدكتوره سوت لي سونار وقالت ضارب براسه على هالجهه ..

ما ادري اذا انتي مثلي ولا لا ؟

**SUPER TRADER** · 2008-02-08, 16:47

ان شاء الله الخوات ما بيقصرون بس حبيت ادعيلج الغاليه ان شاء الله ما فيج الا العافيه والله يسر امورج

**مها11** · 2008-02-08, 16:48

المشاركة الأصلية كتبت بواسطة جرح الغلا

انا اييني الم على اليسار فوق الريل حتى اني احيانا مااروم امشي زين

يوم رحت للدكتوره سوت لي سونار وقالت ضارب براسه على هالجهه ..

ما ادري اذا انتي مثلي ولا لا ؟

وحده من الحريم قالت لي نفس الشي انشاءالله يكون خيييييير ومشكورات ع الرد

**الشهد** · 2008-02-08, 18:04

والله اختي انا نفس الشي... بس على جهة اليمين...

ونفس الكلام عن راس الياهل...

عساه خير... لاني في الشهر الثامن

ربي يسهل عليج وعلى الكل

**اتعبني@غروري** · 2008-02-08, 18:24

انا بصراحه من الرابع وعندي صوب اليسااار وايد يعورني الدكتوورة منعتني من الغازات وقال لي اشرب سوائل وايد يمكن التهابات

**فطمطم** · 2008-02-08, 19:32

الغاليه لازم تشووفين الدكتووره وتقوولج شواالسالفه لا تهملين ..
الله ايسهل عليج غناتي

**مها11** · 2008-02-08, 20:29

والله اني خايفه وايد ماعرف شو اسوي خايفه وايد

بس شكلي برووح وبتوكل على الله بس خبروني هل فيه خطر ع البيبي ؟؟؟

**عوشة** · 2008-02-09, 00:51

اختي حتى انا عندي هالويع صوب اليسار خص يوم يتحرك البيبي

مادري من شو؟؟

يبالنا نسير نطمن وان شاء الله مافي اي ضرر عللا البيبي

**جرح الغلا** · 2008-02-09, 14:37

الغاليه ان شاءالله ماشي خطر عالياهل بس طبيعي ينزل الراس في هالاشهر لتحت

واحيانا يضرب براسه في الريل انتي طيحي على الجهه اليمنى اكثر شي انا جيه اسوي اذا ياني الويع

الله يسهل عليج وعلينا وتربين بسلامه وتشوفين البيبي جدامج بخير وعافيه ..

**غلاي إنته** · 2008-02-09, 14:47

لا تخافين..

اتوقع واحد من هالسببين:

يا تكون التهابات والأفضل اتسيرين عند الدكتوره اتشوف اذا فيج التهابات..

او الياهل ضاغط على تحت (انا جي استوالي ومن كثر ما كان ايعورني مثل العرج بس مايبين بس احسبه وااااايد ايعورني واتنومت في المستشفى مرتين وقالولي لا اطيحين على المكان اللي ايعورج عشان ما اثقل على الريل اللي اتعورني.. واذا عورني وايد لازم ارتاح شوي يعني مثلا إذا كنت امشي وعورني ايلس لين ايخف..

ومن كثر ماكان ايعورني اصيح منه قالولي بيسوولي فحوصات عقب الولاده ايخافون تخثر في الدم..

بس من ربيت سبحان الله ولا جنه كان شي ايعورني يعني لا تخافين بس من ضغط الياهل..

**مها11** · 2008-02-09, 17:13

عوشة
جرح الغلا
غلاي انته

<<<<<<<<<<<<<<<<<<<<<<<<<<<<

ثانكس ع الرد ماقصرتن والله يطمنكن مثل ماطمنتني ....انشاءالله باجر اسير المستشفى واشوف شو السالفه

**جرح الغلا** · 2008-02-11, 14:10

طمنينا مها 11 شو قالولج في المستشفى ؟

الموضوع: !! ألـــم يسار الرحم !!

أدوات الموضوع

عرض

!! ألـــم يسار الرحم !!

المزيد من آخر المواضيع من نفس القسم:

المواضيع المتشابهه

ألـــم الجمــــاع بعـــد الكـــلوميــد

ميلان أو انقلاب الرحم أو انكفاء الرحم الى الخلف أو الرحم المنقلب للخلف Retroverted Ut

يسار او يمين

ميلان أو انقلاب الرحم أو انكفاء الرحم الى الخلف أو الرحم المنقلب للخلف

.:: ألبـــــوم صرخـة ألـــم ::.