اجمل شعر عراقي عن الغربة

[عهد السلام]

اجمل شعر عراقي عن الغربة

شعر عن الغربة عراقي
بعد ما ريد فيزه ولا لجوء انـــــسان
عمت عين الاقامة الدنست صـــــيتي

واشكر كل صديق وكل خوي وكل جار
قــــفل بابه ورفض يـــــقبل عراقيتي

خلف الله عليكم والوكــــــــــت دولاب
لا بد يوم يـــــــــــنزل بيكم ارضيتي

لان اول امس كل البشر خــــــــــدام
جانوا للـــــــــــــــعراق واكلوا ابيتي

جان الضيف عندي مكرم ومهــــيوب
فوگ الراس اشــــــيله وهاي تربيتي

ما داعي اسولف وانه ابو النــــهرين
ياهو الــما سمع اخــــــــــبار حنيتي

بعد بصــــــمات اديهم والطبع موجود
من جانوا جياع بوســط صيـــــنيتي

يـــــا دنــيه حرام ومــنكر ومــــكروه
اذا ابــــن الــــــعراق الــــيوم وطيتي

معـــقوله نسيتي اسم الـــعراق بساع
لــــــو مثل الــــبشر همّن تــــناسيتي

مــيفيد الحچي ولا تـــنفع الـچـلـمات
راجـع يـا وطـن لـترابــك الزيـــــتي

راجـــع يــا حـبـيبة گــلبي يــا بغداد
وادرى بكـــثر ما ونـــيت ونيـــتي

وادري لوحّدج عفناج صار سنين
وادرى من الحزن تابوت سويتي

جيب الاغتراب وحـــطه بالـــتابوت
يا غربة الـــــــــــعراق شكثر أذّيتي

ما عيش ابَّحر مالح طـــعم يا ناس
انا بسجن الـــــفرات وفقط حريتي

وترابي ذهـــب والگاع من ياقــوت
ومن ثوب الكرامة البسهه بيريتي

واذا گالوا لترجع والوضع مو زين
اگول اني الوضع والزين تاليــــتي

وميهمني بعد ليصير خلي يصير
طعم الموت اشرف من هجر بيتي

اموت بوسط خوتي ويا حلاة الموت
من اجمع اهلــــــنه واكتب وصيتي

وصيتي .. لو متت لتچفنوني چفان
لفوني بعلمنه وهاي امـــــــنيتي
واذا تردون اليّ بهالگبر ارتاح
أمانة الله دفنوا وياي جنسيتي
أمانة الله دفنوا وياي جنسيتي

شعر حزين عراقي عن الغربة والبعد عن الوطن
حلمان
حلمان الك رديت
يابيت الاحباب
حلمان اصيح بصوت
يا يمه يا يابه
متلهف اريد اشوفكم
فدوه رحت لعيونكم
يللا يا خوتي وينكم
فتحولي هل الباب
..
يابيت.اجيتك تعبان
متغرب انا من سنين
يا بيت . الك عطشان
ارويني حب وحنين
بالباب ادك حيران
شو محد يرد ياعين
يابيت وين الاهل
وين ارحلوا وين
..
يابيت ياعشرت عمر
ربينا على عتبتك
مابين حزن وفرح مر
مر وحلى سلوتك
ياما صبرنا عالهجر
الايام صارت سنين
يابيت وين الاهل
وين رحلوا وين
..
يابيت ابقى عالعهد
ابقى على هيبتك
المهد انت واللحد
هنيال ساكن تربتك
ياريت يطول الحلم
ماتطلع شمس عالعين
يابيت وين الاهل
وين ارحلوا وين

قصيدة شعر حزينة
درت الشـــــوارع مشـــــي والحيره بأقدامي
وظنتي بهذا المـــشي تتــــحقـــــــق احلامي
وش جابـــــــني للغــــرب ليش اتركت بيتي
يا قيمتي عند هلــــي يا سمعـــتي وصيـــتي
آنا إلي كنـــت للظـــهر متهــــنــي بنـــومي
و احتار وقت العصر شـــلبس من اهدومي
ناديت من الـــــغــــرب و تذكــــــرت حالي
اشقد قيمه كانت إلي و شقد كنـــــــــت غالي
عبرت الحدود و رحت امـــــــــسح بدمعاتي
وعفت اهلي ودنيتي وام بيــــــتي واطفـــالي
ما جني رايح سافر رحت ارجف من الخوف
و جنـــــــي مشيت وبعـــــــد ما اعود للتالي
و اهناك شفــــــــت الالـــــم والذله والحيره
وحسيت بيـــــت الاهـــــــل ما نرهم ابغيره
امدلل ابيتـــــــي جنت ويظحـــــكن عيوني
اشبيه غريب اصبحــــــــت من ديره لديره
راسلت مره هـــــلي و ردت انطي عنواني
و بالغربه من من انا ويا بيــــت يرضــاني
يا روحي منهم هلـــــــــي و اشقد رقم بيتي
ومن اجي تــــــعبان انا ياهـــــــــو يتلقاني
وين انا بلمت هلي و اصحـــابي واخواني
عايش عمر من عمــر ما ظـــن يرد ثاني
إلي يبتعـــد عـــن هـــلــــه النـــاس ما تهابه
و لو جاع و لـــه مرض من يحسب احسابه
إلي على داره ابتـــــعد ما يـــلقى مــــقداره
آه على ذلـــــــة الغــــــــرب يا بويه يا يابه
خايف انا و ارتجــــف جــــن عايش بغابه
و اتمنى من الوطـــــن بس شـــمت اترابه

المزيد من آخر المواضيع من نفس القسم:

• اجمل شعر راقي ومعبر عن عيد الفطر
• ابيات شعر مختارة عن الأخ
• اقوى شعر عن الحب
• شعر عن الترفع عن الرد
• شعر عن المعلم القدوة
• قصيدة جرح الزوج لزوجتة
• قصائد مدح في العم الكفو
• اجمل شعر عن ليلة القدر
• قصيدة كلك غلا
• اجمل شعر عن شهر رمضان

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا