ابا اي شي يقوي الشعر

**إما1راتيه** · 2007-12-09, 00:00

لو سمحتوا خواتي انقذوني اريد اي شي يقوي الشعر ويمنعه من التساقط ويخفف القشرة لانه شعري خفيف وتعبان ههههههههه تعرفون ياينا العيد

وهذا اول موضوع اكتبه واتمنى اشوف ردودكم عليه

المزيد من آخر المواضيع من نفس القسم:

**مبدعة الامارات** · 2007-12-09, 00:28

اماراتيه لو تجوفين شعري بتصيحين جاف وخفيف وحالته حاله ياليت البنات يدلونا على شي تعبت ونا ادور من دكتور لدكتور

**أم كنه** · 2007-12-09, 00:55

عيل لو تشوفن شعري وهو يطيح شو بتقولن.وشعر بنتي بو 4 شهورخفيف وايد وايد ..لاني توه مربي ..فاشوفه يطيح ع بنتي وفالحمام وع المخده وع ثيابي ..معني مااسحيه غير يوم اغسل شعري بس ..بس سمعت يمدحون زيت فاتيكا وفي دابر اميلا بس الي مافيه ريحه وزيت زيتون كله ينخلط ويا بعض وينحط ع الراس وان شاء الله نتيجتها مضمونه

**l_dl3_l** · 2007-12-09, 00:56

انا سمعت عن شي اييبونه من الخارج
بسأل باجر وان شاء الله برد عليكم خبر
لانه احتاجه مثلكم

**مبدعة الامارات** · 2007-12-09, 01:05

ام كنه اذا كنتي توج مربيه ياقلبي وماصارلج غير 4 شهور بتجوفين تساقط غزير لفترة 3 شهور بتحسين وكأنج مصلعه وكل شعرج طايح بس عقب 6 شهور بيرد شعرج مليون في الميه هاللي قالته الدكتوره لي

l_dl3_l

بدعيلج ليل ونهار اذا نفعني هاللي بتييبـــــــــــــنه يزاج الله كل خير مقدما

**أم كنه** · 2007-12-09, 01:28

الطموحه 77..اختي هاي زيوت فالجمعيات تنباع ..يعني فاي مكان بتحصلينها ..ورخيصه بعد بس لاتنسين تدعيلي

**"أم حمدان"** · 2007-12-09, 02:44

ها بنات ، طبعا أنا مثلكم شعري وايد يطيح ، ويتني وحده من كم يوم وقالتلي : " أم حمدان شعرج وااااايد خفيف فضيع "
وقالت : " أ،ا كان شعري أخس منج ، واستعملت دوا ينباع فالصيدليه مضمون وشركته معروفه وهو عباره عن 3 أشيا مع بعض ( تونك + شامبو + بلسم ) والتونك تستعملينه مرتي فاليوم ، والشامبو والبلسم عادي يوم تسبحين طبعا ، وقالتلي جربي هذا الدوا وبتدعيلي وما بتحتاجين لا للزيزت ولا لجلات واشتراكات حمام زيت ولا شي .
وفعلا سرت واشتريت الدوا وأنا استعمله ما كملت الحين إلا 5 أيام بس صدقوني حسيت شوي بالفرق ولله الحمد مع إن المده بسيطه ومتفائله خير بهذا الدوا ،
أدريبكم تتريون اسم الدوا ، اصبروا بخبركم
ترى سعر التونك : 120 درهم
الشامبو : 40 درهم
البسم : مادري لأني ما اشتريته واكتفيت بالشامبو لأن أصلا الشامبو ما فيه رغوه أبدا ويخلي الشعر ناعم كأن فيه نسبة زيوت ، وريحته مثل الدوا على زيت

اسم الدوا : سورسير

وترى ما بتحصلونه في الصيدليات الصغيرة ، وأنا شخصيا خذت التونك من مكان والشامبو من مكان

جربوه ولا تنسوني من دعاءكم ، بارك الله فيكم

**توته79** · 2007-12-09, 05:28

استخدمي زيت النخاع من العطار وايد زين يطول ويكثف وبالنسبه للقشره اخلطي ليمون سويه عصير ومعاه زيت زيتون وشوي خل ابيض ودهني شعرج منه ترسيه راح تحسين انه يحرق شوي او يحك عادي خليه مده ساعه بعدين غسلي زين بالشامبو بعدها حطيلج حمام زيت 10 دقايق وغسلي اخذي حمام زيت اللي بالجمعيات المدور كبير شوي مو بلسم لا

**فرح الحلوة** · 2007-12-09, 05:47

مرحبا أختي ،
جزاك الله خير ياريت تنتبهين للكلام إللي كاتبتنه في توقيعك إنتي قصدك:
(أعز الإسلام والمسلمين وأذل الشرك والمشركين) ولكن الإنسان مرات مايقصد أو ينتبه وأرجو إنج ماتزعلين، وإنتي بعد إذا شفتي أي خطأ كتبته ياريت تعدليلي ، والناس لبعض.
ومشكووووووووووورة

**روعة الوجدان** · 2007-12-09, 09:00

هلا خوااتي

أنا أستعمل زيت السمسم واخلية يومين في شعري

ماأغسلة بصراحة طلع لي شعر فوق شعري حتى كان

شعري خفيف ونبت لي شعر عليكن بالسمسم

وفي الصيدليه يبيعون حبوب منع تساقط الشعر

**الزهبه** · 2007-12-09, 09:42

انصحج بزيت السمسم وتيييييييييييد مفييييييييييييييييد
بتحصلينه في كل مكان
احطه لمدة ساعه واغسله
واحطه حق بناتيه الحينه

**I don’t no** · 2007-12-10, 23:06

المشاركة الأصلية كتبت بواسطة أم كنه

عيل لو تشوفن شعري وهو يطيح شو بتقولن.وشعر بنتي بو 4 شهورخفيف وايد وايد ..لاني توه مربي ..فاشوفه يطيح ع بنتي وفالحمام وع المخده وع ثيابي ..معني مااسحيه غير يوم اغسل شعري بس ..بس سمعت يمدحون زيت فاتيكا وفي دابر اميلا بس الي مافيه ريحه وزيت زيتون كله ينخلط ويا بعض وينحط ع الراس وان شاء الله نتيجتها مضمونه

بالنسبة لبنتج لازم تشيل شعرها كامل بموس هذا إلي سمعته من الحريم لأن شعر بطن وهب زين ويوم بتكبر بيتم يطيح أكثر طبعا عقب سنه

**نيو لوك** · 2007-12-10, 23:32

الحنا اليمنيه مع السدر
تقوي الشعر

**دنيتي الامارات** · 2007-12-11, 00:14

انا سمعت عن مسرع نمو الشعر من اليابان انا بطلب اذا تبين بطلبج منه وياي

**امة الرحمان** · 2007-12-11, 02:30

زيت الاركان والقطران والاعشاب المغربيه اكثر من روووووعه

يطول ويكثف ويمنع التساقط والقشره

الموضوع: ابا اي شي يقوي الشعر

أدوات الموضوع

عرض

ابا اي شي يقوي الشعر

المزيد من آخر المواضيع من نفس القسم:

تعديل التوقيع

المواضيع المتشابهه

الزعفران .. يقوي البصر

قائمة طعام صحي يقوي الدم؟

زيت الزيتون يقوي البصر

كحل نوى التمر يقوي رموش العين

ابغى شي يقوي الاظافر