بنات لحقوا علي .............شغالتي

**umassim2** · 2007-10-26, 14:38

كيفكم بنات انا عضوة جديدة بالمنتدى وعجبني المنتدى كثير وارائكم واقتراحاتكم كثير مفيدة المهم ما اطول عليكم حبيت اشارك وياكم لاستفيد وافيد باذن الله ..... شغالتي بتسافر بعد اسبوعين وانا شايله هم كبير لان بيتي دورين وعندي 5 عيال الله يحفظهم واصغرهم بنوته عمرها سنه وعشر شهور وانا من الحين افكر كيف ارتب نفسي ومن الحين خليت الشغالة تخلصلي الاشياء الكبيرة مثل تنظيف المصابيح والدواليب والديكور...، وانا رافضة اجيب شغاله الي يشتغلون بالساعات. بنات ابيكم تساعدوني كيف ابدأ يومي وابي افكاركم حتى ارتب شغلي مع العلم صارلي سنه ونص قدمت استقالتي من الشغل والحين جاعدة بالبيت

المزيد من آخر المواضيع من نفس القسم:

**منشغل بالها دوم** · 2007-10-26, 15:01

الله يعينج الغالية أنزين ما بتسويلج خدامه غيرها و الا بتتريينها ترجع !!
لأن شغل البيت صعب بصراحة التنظيف و الترتيب و الغسيل و الكوي و العيال
ما أدري أنا جربت و تعبت

**umassim2** · 2007-10-26, 15:11

المشاركة الأصلية كتبت بواسطة منشغل بالها دوم

الله يعينج الغالية أنزين ما بتسويلج خدامه غيرها و الا بتتريينها ترجع !!
لأن شغل البيت صعب بصراحة التنظيف و الترتيب و الغسيل و الكوي و العيال
ما أدري أنا جربت و تعبت

مشكور حبيبتي على مرورج ، لا هي بتروح اجازة تقريبا شهرين وبترد

**منشغل بالها دوم** · 2007-10-26, 15:24

يعني فتره خلاص لازم تيبين مؤقته أو اللي يشتغلون بالساعات مره في الأسبوع
عشان التنظيف الأسبوعي و الكواي ... لأن العيال و المدارس تبغي مجابل و الحين الأمتحانات
و الريوق سهل من كورن فليكس أو صمون و الغداء يمكن يتعبج من تغسيل ... و العشاء أحسن شي
المطاعم و يوم الجمعة و السبت و زعيهن يوم عند أهلج و يوم عند أهل ريلج

أريح لج شوه رايج

**شيخةالشيوخ** · 2007-10-26, 15:29

حبيبتي هونيها وبتهون صدقيني مسالة وقت حتى تتعودي وبعدين بيصير عادي ونتو حاولو شويه الاكل يكون من برع احيانا وملابس زوجك خليه يوديهم الكواي وكذا يعني حاولي ترتبي نفسك اذا بنتك الصغيره نامت حاولي تخلصي اكبر قدر من الشغل اللي عليك وبتروح الايام وما بتحسي الا الشغاله اوصلت

**شمس الامارااات** · 2007-10-26, 15:30

عندج الاخت اناناسه ما شاء الله عليها كاتبه موضوع يريحج من شغل البيت دوري الموضوع في ملفها الشخصي

**umassim2** · 2007-10-26, 15:53

اشكركم خواتي على النصائح الطيبة واكيد هالنصائح بتفيدني كثير

**ساميه** · 2007-10-26, 15:59

حبوبه

لو استقدمتي وحده يديده يكون افضل

لا ترتكبين نفس الخطأ اللي انا طحت فيه ..

كانو عندي شغالات وسفريتهم ( متشطره حضرتي ) وانا اتبهدلت في شغل البيت

والحين عندي ولله الحمد

شغل البيت متعب بصراحه وخاصه لو كان دورين

نصيحه هاتي وحده باسرع ما يمكن

وتذكري كلامي ..

والله يعينج

موفقه

**umassim2** · 2007-10-26, 16:18

المشاركة الأصلية كتبت بواسطة ساميه

حبوبه

لو استقدمتي وحده يديده يكون افضل

لا ترتكبين نفس الخطأ اللي انا طحت فيه ..

كانو عندي شغالات وسفريتهم ( متشطره حضرتي ) وانا اتبهدلت في شغل البيت

والحين عندي ولله الحمد

شغل البيت متعب بصراحه وخاصه لو كان دورين
اشكرج حبيبتي عالمرور بس شغالتي بتروح اجازة شهرين وبترد
نصيحه هاتي وحده باسرع ما يمكن

وتذكري كلامي ..

والله يعينج

موفقه

**umassim2** · 2007-10-26, 16:24

اشكرج اختي سامية على مرورج بس شغالتي بتروح اجازة شهرين وبترد، وبهالشهرين ابي مساعدتكم واقتراحاتكم في تدبير اموري المنزلية

**umassim2** · 2007-10-26, 23:13

**ساميه** · 2007-10-27, 08:34

المشاركة الأصلية كتبت بواسطة umassim2

اشكرج اختي سامية على مرورج بس شغالتي بتروح اجازة شهرين وبترد، وبهالشهرين ابي مساعدتكم واقتراحاتكم في تدبير اموري المنزلية

اااهاا

شهرين .. بعد تعب

شوفي انا ما عندي اطفال وكان هالكلام قبل سنه تقريبا اصغر عيالي العام ثمان

سنوات عمره ..

كنت انش من الصبح انظف الدور اللي فوق وكنت بين التنظيف والغساله

اراكض ... ابتدي ع الساعه سبع واخلص تقريبا على ال 11 ونص .. هذا

الدور اللي فوق .. الدور اللي تحت اكون منظفتنه فليل عقب ما يرقدون عيالي

والصبح يسيرون المدرسه ف ما يتوسخ ..

على الساعه 11 ونص اسير المطبخ وبصراحه تميت اطبخ ل ثلاث او اربع ايام

واحطهم في الثلاجه اليوم اللي اخصصه للطبخ اتم للساعه ثلاث الظهر اطبخ

ما بديه حيله ,, عقب ما يتغدون عيالي وابوهم ارجع انظف المطبخ الداخلي

واحط راسي وارقد لين عقب المغرب بعد ما اصلي العصر وعقب المغرب اكوي

الثياب كلهم .. وانظف الدور اللي تحت .. وجذه يوميا

في اماكن اجاهلهم مثل الغرفتين اللي برع .. ما كنت اقدر انظفهم .. والحوي (

الحوش ) وجدام المدخل الرئيسي مب يوميا انظفه ..

سويت لي نظام البخاخ .. جهزت بخاخ الديتول وبخاخ الصابون اذا توصخ مكان

ابخ وامسح على طوول .. وسويت درج في الطابق الثاني فيه ادوات التنظيف

عشان ما انزل تحت ..

بس بصراحه واااااااااااايد تعبت في هالفتره ما كنت اقدر اظهر مول وارمس

حد .. وزادت عصبيتي .. بس وايد نزل وزني ^_^

انصحج اتصلي بشركة الخدامات اللي بالساعات لازم حد يساعدج

وخاصه انه تبارك الرحمن عندج اطفال ..

الله يبارك فيهم

وموفقه

**umassim2** · 2007-10-27, 14:17

حبيبتي سامية اشكرج كثير على تواصلك معاي واحساسك بمعاناتي واشكر كل الي مروا بموضوعي , المهم اني سويت لي جدول وهو كالتالي : اقوم الصبح اصلي وعالساعة 5 اجهز الفطور و5ونص اقوم عيالي للمدارس لان الباصات تمر عليهم بدري وبعد مايروحون العيال تكون الساعة6ونص ابدأ احط الغسيل في الغسالة (ابو العيال الله يحفظه ويباركله راح يشتري لي غسالة اتوماتيكي يديدةهاليومين...فرحانه) المهم بعدها اطلع من الفريزر دجاج اوسمك او لحم حج الغدا وبعدها راح ارتب غرف العيال وانظفهم لين الساعة 7 اصحي ولدي الي بالروضة واجهزه والباص يمر عليه الساعة8 وبعدها يكون الغسيل خلص اطلعه وانشره وبعدها راح ابدأ بتنظيف غرفتي وحمامي وبقية الحمامات اما الصالة وغرفة التلفاز اكون منظفتنهم بالليل ، وبد ماتصحى بنتي الصغيرة عاد اسبحها واكلها واعطيها الالعاب بغرفة التلفزيون وانا اكون معاها اريح شويه وعالساعة 11 ادخل المطبخ واطبخ الغدا واغسل وانظف المطبخ وارتب الصحون للغدا وعالساعة12 اخذ بنتي بغرفتي مع العابها واروح استحم واصلي يكون ولدي الي بالروضة وصل طبعا ابدل ثيابه وياكله شي خفيف لين وقت الغدا وبعدها يوصلوا العيال وابوهم نتغدى مع بعض واغسل الصحون وعاد اخذ بنتي الصغيرة واروح شويه اريح وانام طبعا العيال بغرفهم يلعبون الي عالبلاستيشن والي عالكمبيوتر لين العصر اجهز الشاي والحلى ، واجلس اذاكر للعيال وعلى وقت العشا اسويلهم شي خفيف او اجيبلهم من المطعم (سندويشات,فطاير, بيتزا.....) يتعشون وبعدها يتجهزون للنوم, وابدا انظف الصالة وغرفة التلفاز بالليل مثل ماخبرتكم والمجالس انظفهم كل اسبوعين , وبعدها اكون مخلصه كل الشغل والعيال كلهم ناموا عاد اتفرغ لنفسي واجلس مع زوجي ونطالع التلفزيون..( وطبعا زوجي وعيالي اخيلهم هم بعد يساعدوني في شغل البيت )
هذا هو برنامجي اليومي الي حطيته واذا عندكم اضافات ونصائح تفيدوني بها فلا تبخلوا علي...

**أم مزروعي** · 2007-10-27, 20:22

الله يعينج........
بس الصراحه حلو يوم تكون الحرمه مسؤله عن كل شي.........
يوم بيروحون العيال المدرسه نضفي البيت........الغسيل طرشيهن الأندري..

**وردة راك** · 2007-10-27, 20:38

الله يعينج........

الموضوع: بنات لحقوا علي .............شغالتي

أدوات الموضوع

عرض

بنات لحقوا علي .............شغالتي

المزيد من آخر المواضيع من نفس القسم:

المواضيع المتشابهه

بنات ابي وحدة تعلم شغالتي طبخ او الي عندة طباخة لمدة شهر

شغالتي للتنــــازل بنات ابوظبي

بنات المنتدى الحقوني شغالتي شردت !!!!!

لحقوا لحقوا حجزي هالفستان الاخضر الحلوووو والسعر مووووومعقول ؟؟؟