متزوجه من سنه وبعدني بنت !

[مشكلتي]

مرحبا خواتي..

أول شي الله يرزقني ويرزق كل محروم بالذرية الصالحه يارب العالمين..

ثاني شي انا متزوجه من 11 شهر والشهر الياي بكمل سنه وسمحلي ع الجرأه بس ريلي للحين مادخل عليه بسبب ضعف الانتصاب والدكتور قاله فحوصاته كلها اوكي بس السبب نفسي، وللحين يا ما تمت العمليه
المشكله ان زوحي ما يصارحني بهالموضوع بس اذا انا تكلمت وانا من النوع الكتوم ما احب اتشكى ولا احب اجرحه بآي طريقه لانه الصراحه مب مقصر وياي بأي شي أبداً ،، بس هالموصوع اكبر من اني اتحمله بروحي وهالفتره يتني كآبه الكل يسألني عن حملي وليش ما اتعالج .. وخاصه اني ريلي اكبر اخوانه واول واحد يعرس فكلهم بانتظار الخبر ..
مشكلتي اني دايماً مبتسمه وابين اني مستانسه وعادي عندي وما اعرف اشكي لا لزوجي ولا لحد من اهلي..
شورن عليه حبيباتي شو اسوي وهل طبيعي ان الريال يتجاهل هالموضوع طول هالفتره تعبت نفسيتي والله
ويزاكن الله خير والله يرزق كل شخص احسن عن اللي يتمناه

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

هلا فيك
المفروض يعالج مشكلته لانه صعب الرجل يتم كذا
لو انتي نقول خوف منك ورهبة من الموضوع لكن من الرجال وطول هالفترة صعبة
لازم تصارحيه مو عشان الناس تسأل عن الحمل ، عشان نفسك ونفسه
هل انت متقبلني او لا ؟؟ مقتنع فيني ... اذا كان كل شيء تمام نجي للسؤال الاهم
وضعك معاي ليش فهمني انا شريكة حياتك يعني الطب تطور لأمور ماكانت تنحل زمان
واكثري من الاستغفار ومن لاحول ولاقوة الا بالله والله يفرجها عليك وعلى الجميع

[بقايا العود]

الله يعينج الغاليه
نصيحه لج يقرى عليه مطوع
يمكن حد مسويله سحر ربط

وحده من اهلنا مرة بهالموقف
شهور مادخل عليها ريلها
ماكان يقدر والسبب حد من أهله كان مسويله عشان مايخلف وياخذ الورث

[ام نهييان]

سنه !!!!!! الله يعينج الصراحه ويطول بالج ماشالله عندج طولت بال

حبيبتي لازم تكلمينه صح الموضوع محرج وبالذات بالنسبه له هو بس لازم تعرفين السبب يمكن فيج شي مش عاجبه يمكن عنده علاقه مع حد برا مش قصدي اسوي مشاكل بس يالسه افكر معاج بصوت عالي حطي كل الاحتمالات لانه سنه مش شوي

ولا تستبعدين السحر نفس ماقالت الاخت

طبعا المشكله حساسه ف ابدا ابدا لاتناقشينها مع حد

رمسي ريلج وروحو بدال العياده 10 وانشالله تلقون حل يا رب

الله يوفقج ويرزقج لي بخاطرج يا رب

[Pink Cherry]

الله يعينج الغاليه
نصيحه لج يقرى عليه مطوع
يمكن حد مسويله سحر ربط

وحده من اهلنا مرة بهالموقف
شهور مادخل عليها ريلها
ماكان يقدر والسبب حد من أهله كان مسويله عشان مايخلف وياخذ الورث

حسبي الله عليهم! ناس ماتخاف ربها

[Pink Cherry]

اختي لازم تيلسين وياه وتتكلمون بالموضوع يمكن يكون في سبب دام قالو مافيه شي والسبب نفسي

[تفاحتي]

حبي

شو بسكت سنه

قومي شلي من يده وركضيبه المستشفيات عشان تعرفين السبب الحقيقي

ولو كان عنده صدق ضعف معليش صبري عليه لين يتعالج اما نفسيا اظن عدى مرحله النفسيه والتأقلم


وجزاج الله خير لانج مافضحتيه

[مالتيزرس]

اختي لازم تبادري بالعلاج معاه اوقفي وياه كوني له زوجة واخت وصديقة بنفس الوقت خل ايدج بايده وشجعيه يتعالج .لاتتذمرين معاه ولا تبيني انج متضيجة ..دامه زين معاج .
واذ ماحصلتي منه مبادرة واهتمام ..دخلي حد من العيله كبير ويفهم الموضوع ..لانه صدقيني الريال لو العيب فالحرمة يعرس عليها ما اقول الكل البعض ونادر ماتحصلين الوفي بهالزمن


اتحركي اختي العمر يمر ونحن الحريم ع الاربعين البويضات تضعف عندنا وتصعب فرصه الحمل استغلي الوقت عسى الله يرزقكم الذرية الصالحه

[Ward-uae]

ضعف الانتصاب هذي مشكلة طبية كيف تقولين فحوصاته اوكيه والمشكله نفسية من قالج هالكلام؟
اقري أسباب الضعف منها السكري وفقر الدم او ياته ضربه
كلميه وصارحيه الحمدالله المستشفيات موجوده والعلاج موجود
خلج ستر وغطا له لكن ما لدرجه انه تسكتين عنه رمسيه ولو عَصب اسكتي عنه وادعيله الا ما بيحس وبيحاول يتعالج
الله يفرج همج

[الموهبة]

والدكتور قاله فحوصاته كلها اوكي بس السبب نفسي،

1- ممكن تسيري معاه بعيد عن الجميع اهله واهلج لمدة اسبوعين ترتبي معاه السكن في فندق او سفره حلوه
2- هل زوجك معاه سكر لانه السكر بعد سبب انصحج تروحى معاه مستشفى ثانى

[mouzan7mod]

لازم تقنعينه تسون فحوصات و تتعالجون
و حتى لو كان السفر علاج مب شرط تقولون للناس سايرين علاج لا قولو سياحة أو نتمشى
الله يرزقكم الذرية الصالحة يارب

[حبر المساء]

الله يفرج همج
الله يعينج ويآجرج على صبرج يا رب
بس شوفي عزيزتي اسباب عدم الانتصاب أو ضعف الانتصاب
فيها اسباب مرضية وفيها اسباب أخرى مش دايما تكون مرضية قد تكون سلوكية
كونج تسكتين هذا مش حل
الامر لازم يكون لا ضرر ولا ضرار
لا تضرين نفسج وتدخل في حالة نفسية اتعب واتحمل كلام انا في غنى عنه
واتحمل عيشة انا مش عارفة اسبابها
اذا عرفتي السبب هنه الامر يرجع لج تصبرين ولا لا
بس اني اعيش سنة كاملة وانا ماعرف ليش ما دخل عليهاسمحي لي كلامي يمكن قوي بس امر مش طبيعي
انت تقولين اسباب مرضية هل سرتي انت وياه ولا بس من كلامه
شوفي عزيزتي انا كانت لي وحدة من هلي نفس الحالة عاشت وياهسنة ونص دخل عليها صح بس
علاقتهم الزوجية كانت عقب 5 شهور يعني فترات متباعدة بالاشهر وكانت يتعرض زوجها لنفس المشكلة ضعف الانتصاب
بس هي بداية الامر صبرت بس اتبعت الامر من نواحي اخرى
بين الريال والحرمة ما يعلم الارب العالمين
بس انت في تصرفات تشوفينها بتكون هي ادلة واضحة لج هو من شو يعاني اذا حابة ممكن تكلميني على الخاص واذا لا ع راحتج لان انا كنت وياا وسبحان الله كان يسألها عن امور يعني عجب من خلالها رامت تعرف علته
بس انت كلمي ناس لهم في النفسيات بيسألونج عن تصرفاته وياج لازم توصلين لحل
الله يفرجها عليج ياااااارب

[احلى بعفويتي]

حبيبتي سنه اوفر
بس اذا هو يحاول معاج والموضوع ما يتم لازم تعذرينه انه هو يبادر ومستمر على الدوا عشان يقوى
تراه هالشي يباله كورس علاج طويل

انتي كلميه وراقبيه اذا شفتيه مطنش موليه و لا هامه
كلميه بالحسنا وخلج واثقه من نفسج وقوليله نحاول مع بعض ممكن هالشي يزيد حبنا لما بتجاوزه

المهم اول شي راقبيه هل هو يتابع المستشفى
هل ياخذ ادويه معينه
هل يحاول يمارس معاج وماتضبط

عقب كلميه بهدوء بس بثقه

[Mitha1212]

اختي اهم شي لاتفكرين وايد وعيشي حياتج و استغلي وقت فراغج ، لان وقت الفراا يخليج وايد تفكرين و طبعا ماعليج من كلام الناس لان مايخلصون
المهم اول شي لازم تكلمينه وتصارخينه ب اللي ف قلبج ولاتكتمين شي ف قلبج لان بيي اليوم اللي تنفجرين فيه

ولازم تعرفين السبب هل هو مرض او انه مب متقبلنج؟!
اذا مرض ، وهو يباج بيسعى انه يتعالج ، و انصحج ب مركز محيصنة الطبي عندهم دكتور صحة الرجل

ولا تيأسين ولاتسكتين عن الوضع ، لان فكري انتي لين متى بتتحملين تسكتين؟! طول العمر اكيد لا ، بيروح عمرج ع الفاضي

ونصيييحه لاا تخبرين حد بالموضوع ، حلي امورج مع ريلج عشان ماتكبر السالفه

الله يسعدج

[ديوان الرؤية]

ما أظن المشكلة نفسية تدوم كل هالمده !!
انصحك بكثرة الاستغفار والمداومة عليه .. وأوصي زوجك بقراءة سورة البقرة باستمرار
والله يفك كربك قريبا باذن الله