شراء بيت بابوظبي

[عيوووش1]

السلام عليكم ورحمه الله وبركاته

شخباركم خواتي


بصراحة انا مطلقة من 16 سنة وكل مره اقدم في الديوان يتم رفض طلبي للمنزل وحتى ارض سكنية
والسبب اللي ما فهمته لان ما عندي عيال
وبعدين لين بكره اقدم والله المسهل

حاليا قلت ادور لي بيت في ابوظبي والله المسهل

المشكله اني انا اللي بدفع تمويل وقدره مع ان الراتب ما يساعد وايد لقرض العقاري

انا طلبي بسيط بيت لو ارضي او ورثه ونظيف او جديد وصالح للسكن في اي مكان بابوظبي

ما يكون من المشاريع الجاهزه لان مشكلتها سنويا في رسوم خدمات

بيكون هذا فوق المستطاع لان رسوم المشاريع غالية واشوف انه انا ابدء فيه للبيت

اعرف ان الطلب شويه صعب بس تعبت وانا ادور المشكله ان الوسيط العقاري ياخذ عموله والبلدية يعني مبالغ اضافيه فوق المستطاع بس الحمدلله

اللي عندها فكره عن بيت بابوظبي بعيد عن وسيط عقاري او اي شركة يرمسني
للاهمية

والسلام عليكم ورحمه الله وبركاته

المزيد من آخر المواضيع من نفس القسم:

• ممكن مساعدة عن تبيض
• أحتــاج معلمة في بوظبي
• خادمة للتنازل
• محتاجة خادمة اندونيسية بسعر رخيص
• لمن يبحث عن معلمة متميزة في اللغة العربية...
• ساعدوني لوجه الله ارجوكم
• أنا ارمله احتاج شغل
• بنات تجربتي في عمليات التجميل مع الدكتورة...
• رجاءا من تعرف راقي شرعي
• مساعدة جمعيات و مؤسسات خيرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[عيوووش1]

ما في حد رد على موضوعي

[mrs.abk]

ممنوع بيع البيوت في بوظبي .. الا المشاريع الجاهزة

[جنح الظلام86]

هلا اختي ....لا منو قال ممنوع ريلي توه شاري بيت ورثه .
اختي اول شي الله يوفقج ويسهل امرج
ثانيا شوفي الغاليه الممنوع فقط بيوت واراضي المنح مافيها لا بيع ولا شراء ولايغرج اذا حصلتي حد يقولج ببيع لج ويكون بينا عقد عند كاتب العدل على ان يتم ملكية البيت باسمه لأنه نصاب وفي أي وقت يروم يسحب البيت منج...
البيوت المسموحه للشراء فقط المتداوله و تكوني متاكده انها متداوله او بيوت الورثه ..يكونون الورثه مخلصين امور المحكمه لان المحكمه هيةاللي بتبيع لج البيت وسيط امبينكم يعني...
واخيرا بخصوص العمولات حتى لو لقيتي بيت من المالك نفسه فما يعني انج ما بتدفعين رسوم البلديه هذه لابد منها واغلب الملاك عارضين بيوتهم عند السماسره فالانستغرام والمكاتب صعب اتلاقين بيت من عند حد معين إلا ما يكون ماسك الموضوع مندوب او وسيط
موفقه ان شاءالله واي سؤال انا حاضره

[عيوووش1]

هلا اختي ....لا منو قال ممنوع ريلي توه شاري بيت ورثه .
اختي اول شي الله يوفقج ويسهل امرج
ثانيا شوفي الغاليه الممنوع فقط بيوت واراضي المنح مافيها لا بيع ولا شراء ولايغرج اذا حصلتي حد يقولج ببيع لج ويكون بينا عقد عند كاتب العدل على ان يتم ملكية البيت باسمه لأنه نصاب وفي أي وقت يروم يسحب البيت منج...
البيوت المسموحه للشراء فقط المتداوله و تكوني متاكده انها متداوله او بيوت الورثه ..يكونون الورثه مخلصين امور المحكمه لان المحكمه هيةاللي بتبيع لج البيت وسيط امبينكم يعني...
واخيرا بخصوص العمولات حتى لو لقيتي بيت من المالك نفسه فما يعني انج ما بتدفعين رسوم البلديه هذه لابد منها واغلب الملاك عارضين بيوتهم عند السماسره فالانستغرام والمكاتب صعب اتلاقين بيت من عند حد معين إلا ما يكون ماسك الموضوع مندوب او وسيط
موفقه ان شاءالله واي سؤال انا حاضره

وعليكم السلام ورحمه الله وبركاته

مشكورة اختي على المداخله
بخصوص بيوت المنحه اتواصلت مع شخص يبا يبيع بيته
في هذي الحال ما اقدر اطلب من الديوان بما اني لا املك شراء المنزل ؟

عندج فكره بالموضوع ؟

[جنح الظلام86]

متاكده ما يستوي لان ريلي حاول بعد عن طريق الديوان يشتري بيت منحه ورفضو الطلب يقولون مخالفه قانونيه إذا تمت البيعه ولا في أي قانون ان تكون في موافقه من الديوان مستحيل
ديري بالج هذا الشخص يخلص البيعه لاكن حقج فيه بيضيع اسمعي نصيحتي واصرفي

[جنح الظلام86]

النظر عنه وشوفيلج بيت متداول او ورثه موفقه

[عيوووش1]

النظر عنه وشوفيلج بيت متداول او ورثه موفقه

هلا اختي
مشكوره على مداخلتج
انا اسال اذا يصير بس
وبخصوص المنح انا اعرف ان الشخص ما يقدر يتصرف فيها الا بعد مرور ٢٥ سنة هذا القانون
بس قلت يمكن لو حد محتاج وكلم الديوان يصير تنازل بس بامر من الديوان

[جنح الظلام86]

حتى في هالموضوع سالت لج ريلي يقول اول مره اسمع هالكلام ....عالعموم الله يوفقج واتحصلين البيت المناسب اللي يتملك باسمج ان شاء الله...وبالبركه مقدما

[ربنا يوفقني]

كلميني احفظ رقمك
احيانا نحصل بيوت ويشتروها بسرعة ب4 مليون او 6 مليون
اذا يناسبك ارسيي رقمك خاص