مشكلة السكن ابا حل

[مشكلتي]

انا مطلقة حاضنة عندي بنت وحده بس ، ابغي اقدم في برنامج زايد للاسكان لان ابوي ما يباني في البيت حسبي الله و نعم الوكيل ، المهم البرنامج يبغي بعض الاوراق من طليقي انا فتحت ملف في التوجيه و الاصلاح الاسري و كلمت المصلحة اني ابغي اقدم للبرنامج و ان البرنامج يبغي جنسية و ورقة حضانه وشهادة راتب المطلق و كلمته المصلحة و قال انه ما عندة مانع بس عقب كم يوم طلبت الاوراق خليت اخوي يتواصل وياه قال انه هو متزوج و انه بيقدم وما يباني اقدم لان بياثر عليه... انا مب عارفة شو الحل الحين و كل يوم مشاكل في بيت اهلي حسبي الله و نعمة الوكيل.

المزيد من آخر المواضيع من نفس القسم:

• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت
• ريلي احبه ،، بس ماعرف شو الي حصل
• مشكلتي التعلق الزائد
• رفض ريلي للحمل
• عااااجل مشكلة واجهتني

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

الكلمة الطيبة صــــــــدقة

[بنت الملحم]

اختي ما يخصه ان يأثر عليه اذا قدمتي
اعرف واحد مطلق حرمته وهي عندها منه 3 عيال
اثنينهم قدمو على مسكن واثنينهم استلمو بيوت
انتي توكلي على الله وقدمي والله ييسرلج امورج يارب

[غزالة AD]

مثل ما قالت اختي اللي قبلي ما يأثر عليه ولا يخصه.

طلبين مختلفين عن بعض.

[ماحد شراتي]

مثل ما قالت اختي اللي قبلي ما يأثر عليه ولا يخصه.

طلبين مختلفين عن بعض.

[M-Alshehhi]

يخصه أعرف وحده سارت تقدم قالولها ابو بنتج خل يوفر لج يعني الاسكان ماله تصير لها اذا قدمت شكوى

[Ward-uae]

يعتمد على عقد الطلاق
اذا لج الحضانة والسكن والنفقة هنا ما يعطون لكن اذا عندج حضانة بدون سكن بيعطون لكن اذا ما عندج لا حضانة ولا سكن بعد ما يعطون الا اذا تعديتي عمر معين
احسن شي شلي اوراقج وأوراق عيالج واسأليهم بنفسج وكيف التقديم وغيره ما عليه انتي الحين بتقدمين لج ولعيالج وطلبج غير عن طلب ريلج فلا تحاتين بهذا الشي

- - - Updated - - -

يخصه أعرف وحده سارت تقدم قالولها ابو بنتج خل يوفر لج يعني الاسكان ماله تصير لها اذا قدمت شكوى

يمكن في ورقة الطلاق مكتوب انه السكن على المطلق

[غزالة AD]

اذا هو (الزوج) مب موفر سكن حضانة من حقها تطلب سكن.

اذا موفر بيت حضانة يقولولها ريلج موفرلج بيت حضانة يعني مب من حقج بيت ثاني. يلسي فالبيت ربي عيالج.

في حالتها هي يالسة عند ابوها يعني ما عندها بيت حضانة. يعني من حقها بيت.

[Ward-uae]

اذا هو (الزوج) مب موفر سكن حضانة من حقها تطلب سكن.

اذا موفر بيت حضانة يقولولها ريلج موفرلج بيت حضانة يعني مب من حقج بيت ثاني. يلسي فالبيت ربي عيالج.

في حالتها هي يالسة عند ابوها يعني ما عندها بيت حضانة. يعني من حقها بيت.

هو يعتمد على ورقة الطلاق بعضهم يحط مبلغ السكن او في الورقة نفسها تبقى في سكنها اللي هو شقة او بيت أجار كانت تسكنه وقت الطلاق وعليه يدفع الاجار
ويمكن بنفسها طلعت وردت تسكن مع اهلها
ففيه اكثر من حالة وأكثر من رأي احسن شي تسير الإسكان وتسألهم بنفسها

[غزالة AD]

مع ورد

[رسايل غلا]

اختي
ما يخصه شو مكتوب فيها ورقة الطلاق أو هو بيقدم ولا لاء
دامج مطلقة ف يحق لج تاخذين بيت
كل اللي بيطلبونه منج إثبات الطلاق وإثبات انج ما تملكين اي شي روحي وتأكدي ب نفسج وإذا ما عندج راتب ولا تشتغلين يحق لج تاخذين من الشؤون طليقج ابدا ما له علاقة في شي
الا اذا منزلين قانون يديد ها شي ثاني
المهم توكلي على الله وقدمي ع البيت وخبريهم بظروفج
والله ييسر لج

[غزالة AD]

صباح الخير
رسايل غلا انا جايفة حالات بعيني واعرفهم شخصيا.
كونها مطلقة بس ما يكفي.
في تفاصيل تأثر.
مثل ما ذكرت سابقا انه لو المطلق مب موفر بيت حضانة..في هالحالة يطلعلها بيت.

[احلى بعفويتي]

هاي مشاكل الطلاق

بس حبيبتي بيت بروحج يباله مصرف وحاله وكل شوي توجيه وسالفه
ليش ما تتوظفين وتعزين نفسج بنفسج في ابهات فيهم عصبيه بس بالاخير ابوج ياقلبي
لا راح بتدمع عيونج وبتمين من غير سند لا تقولين سوا وفعل ها ابوج سبب وجودج بالحياه
هونيها وهون خلج قويه عشان بنتج

لو تتوظفين عادي من نفسج تشترين بيت صغير ولا شقه كتكوته وتعزين نفسج

[Ward-uae]

اختي
ما يخصه شو مكتوب فيها ورقة الطلاق أو هو بيقدم ولا لاء
دامج مطلقة ف يحق لج تاخذين بيت
كل اللي بيطلبونه منج إثبات الطلاق وإثبات انج ما تملكين اي شي روحي وتأكدي ب نفسج وإذا ما عندج راتب ولا تشتغلين يحق لج تاخذين من الشؤون طليقج ابدا ما له علاقة في شي
الا اذا منزلين قانون يديد ها شي ثاني
المهم توكلي على الله وقدمي ع البيت وخبريهم بظروفج
والله ييسر لج

تغيرت القوانين قبل الوحده لو عمرها 18 وتطلقت حصلت بيت الحين غير

[Ward-uae]

شو سالفة التوقيع اللي تحت يوزري؟