امي .. هل انا بنتج فعلا؟

[مشكلتي]

صباح الخير ..

بكل اسف اقولها امي دمرت حياتي ونفسيتي وقرارتي

صدقوني شخصيتي ضعيفه بسبب امي وتسلطها مب بس عليه حتى على اخواني وخواتي لكن انا بالذات رغم اني بجرها الي المفروض اكون اقرب عيالها لها! ماشوف غير كرهها وسبها ودعاويها لدرجه اوقات اشك اني بنتها !

تعبت من تحملي واصبري واعذريها هاي امج بالاخير ! ولانها امي صابره ومتحمله اكثر عن اي حد بالعايله وتعبت وانا اعذرها,

جبرتني اوافق على شخص ماكنت موافقه عليه او بالاحرى بدون ماتشاورني بس عشان ولد فلان وعلان ومابترفضهم انزين على حساب سعاده بنتج؟ ونهايتها انفسخت , لين اخر خطوبه او ملجه ’ ملجت مجبوووره حاولت اتقبل الريال وارتبط فيه واعيش حياتي وياه بس ماشي توافق بينا , وتطلقت

وعشان تكونون بالصوره لان ممكن تفسرون رفضي للخطوبات ان في شخص بحياتي , لا خواتي انا مالي بهالامور لكن كيف ارتبط بشخص مارتحت له واوافق عشان امي ماتتفشل منهم؟ ومتى شاورتني من الاساس؟ ترفض وتوافق بدون ماتاخذ بشوري .. وهذه النتيحه

وبعد الطلاق عشت الويل كل انواع الاهانات والسب والدعاوي حتى بالموت ! في ام تدعي على بنتها بالموت ؟ لاني تطلقت مب انتي الي جبرتيني عليه؟ انزين شو عني انا وعن حياتي واختياري وسعادتي؟ انحبست سنه او اكثر بالغرفه لين دخلت بحاله نفسيه واكتئاب

على فكره زوجت اخواني على ذوقها وتروح تخطب باختيارها بدون ماتشاورهم مع ان كم واحد منهم كان يحب ووده يرتبط بلي اختارها ! لكن طبعا ياويله يا سواد ليله اذا حد قالها لا وبخصوص البنات وحده توفقت الحمدلله وماكان في مجال انها ترفض اساسا والثانيه كانت مجبوره على واحد من الاهل وفسخت الخطوبه وعلى حظها ياها واحد ثاني على طول وعشان من ضمن الي امي بتسعد بنسبهم فلتت من العقاب ولو انها خذت نصيبها من السب والدعاوي, والله يعين باجي خواتي

حتى الوظايف تتدخل فيها .. وها انا يالسه فالبيت تجاوزت الثلاثين ماشوف غير اشوف عمري يمر جدام عيني وانا ماسوي شي .. حتى ربيعاتي ماتخليني اطلع اشوفهم واتقابل وياهم .

بتقولون وين ابوج! مسكين ابوي يطيب بخاطري يوم يشوف معاملتها لي ماله كلمه فوق كلمه امي حتى انه ما سلم منها ومن لسانها وكل ما ايي البيت يضاربون او يكبر عقله ويروح لان يعرف مابيوصل لشي ولا تاخذ رايه بشي يخصنا تسوي الي تباه بس وطبعا ابوي متزوج على امي والسبب ان ماشاف الراحه وياها

بتقولون حاولي تكلمينها وتتفاهمين وياها لان هالشي الي كنت اسويه طول عمري بس ماشي فايده مب بايدي غير ادعي لها انا مب عاقه يا خواتي والله اني بنت هاديه ومطيعه ولا سويت شي غلط بحياتي عشان تسوي وياي جيه ومارفض لها طلب والنتيجه نفس ما كتبت .. ماكان ودي اتكلم واكتب عن امي بس انا تعبت والله تعبت حاولت وياها بشتى الطرق رغم كل هذا احبها وادور رضاها

لا تفسرون تصرفاتها خوف وحرص , ماشوف امهات الناس جيه يسون ف عيالهم؟ لدرجه اغار من ربيعاتي على معامله امهاتهم وياهم ..

اسمحولي عالاطاله

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

تمت الموافقه

[حرم الحميري]

الله يعينج شي من الامهات جذا حاولي تظهرين من عندها بشطاره يعني اذا يا حد هي اختارته حاولي تتقبلين يمكن نار زوجج اهون عن نار امج عالاقل بتستقلين

[غلآ نفسي]

ولو تزوجتي هذاك وتقبلتيه وما تطلقتي منه ما كان افضل لج ؟

هي ام وما نقدر نقول شي

بالتوفيق

[تفاحتي]

ادعي الله ان يحنن قلبها عليج
اكثر من جي ماعندنا
اما نوقف معاج ضد امج
مانقدر لان في النهايه والدتج


الله يهديها ان شا الله
عليج بالصلاه على الرسول تشيل الهم عنج
يا رب يصبرج ويقويج

[almal3ka1]

انا اعرف وحده تقريبا موضوعها مشابه لج

تبين حل

اول شي خلج هاديه و شو ما تقول لاتردين عليها , انتي مطلقه يعني انتي مسووله عن نفسج

دوريلج و ظيفه و لا تخبرين حد الا يوم ما توقعين العقد و بعدها خبريهم و أي شي بحياتج سويه بسكات

و عن سالفه طلعاتج مع ربيعاتج قوليلها انج بتطلعين بس بطريقه غير مباشره

يعني انتي سايره تشوفينهم بدبي مول معناته و انتي طالعه بتقوليلها انج بتسيرين دبي مول فطبييعي بيخطر عالبال بتتسوقين


الام و الابو نعاملهم باحترام بس مب معناته يتحكمون بحياتنا

نرضيهم و نخاف الله فيهم

كل شي مع التعود بطخ و انتي خلج ساكته و لا تردين عليها

شو ما بتقول لا تردين

[~شوق~]

اعرف وحده مثلج لا وظيفه ولا زواج وسبب امها الله يسامحها

الله يحنن امهاتكن عليكم ويفرجها يارب في القريب العاجل..

امم محد من اقاربكم يمون عليها تخلينه يكلمها . . يمكن تسمع كلامه وتستحي منه وتتغير اتجاهكم..

[Ward-uae]

لا تعلقين طلاقج وفشلج على امج
امج لما قالت انه ولد فلان ما فيها شي بالعكس معناته تعرفه وتعرف اخلاقه لو قالت راعي مخدرات وسكير هنا بقولج امج غلطانه
امج لما سبتج من القهر وانتي من نفسج حاولتي تبررين ما عندج احد في بالج فليش تلومين امج اذا حطت هالشي في بالها
سمحيلي امج تمنت لج الخير وانتي ما بغيتي وهي مخلتنج على راحتج لو غيرها عادي تزوج لواحد معرس لكنها ما سوت جيه
وعن خوانج وخواتج وعلى مزاجهم لو كل واحد ياخذ على كيفه ومزاجه شو فادت التربية والام باجر أطلقوا ولا شي من بيربي العيال غير اليده
سمعة البنت مهمه من الام اللي بترضى ولدها ياخذ وحده من الشارع ؟
يقول النبي-صلى الله عليه وسلم - في الحديث الصحيح: (تنكح المرأة لأربع: لمالها, ولجمالها, ولحسبها, ولدينها فاظفر بذات الدين تربت يداك)
لا تحسسين من كلامي لاني ام واذا شفت من عيالي شي غلط من واجبي انصحهم ما فاد لازم اوقفهم
الام تحس ومعظم إحساسها ما يخيب

[mouzan7mod]

افرشي سيادة الصلاة و صلي و ادعي ان الله يسخرها لج و يسخر لج ولد الحلال
و دام أبوج شل بعمره و دور راحته مع حرمة ثانية أنتي بعد شلي بعمرج و شوفيلج ولد الحلال الي يبعدج عن هالجو

[Oyster]

اكثر عن وحده كتبت ان تعرف وحده بنفس حالتج وانا بعد جنج توصفين حاله ربيعتي بالضبط !

عسى الله يزرقج بزوج صالح يعوضج ويسعدج ..

[ليندااااا]

وايد اعرف حالات مثل حالتج
للاسف الام ما فيها حنية على عيالها
وما في حل طبعا لانها ام وما احد يقدر يوقف جبروتها لبناتها
وخاصة ان الاب مسكين شوي وهذا الي يساعد في جبروتها

انتي حاولي تدخلي عليها من جانب الخير عندها
اكيد بتظل ام وفي جانب خير ناحيتكم
استعطفيها عشان ترضى تخليج تتوظفين
اشتركي بنوادي رياضيه
او مراكز تحفيظ القرآن
وبالنسبة للطلاق عادي اختي قضاء وقدر لا تفكرين بموضوع الطلاق وايد والحمد لله من البدايه ما تم الموضوع وصار بينكم عيال كانت هني المصيبة
ادعي ربنا يرزقج بالزوج الصالح ويهدي امج

[almal3ka1]

صاحبه الموضوع انا امي كانت اخس عن امج

و بعد طلاقي استوت قاسية علي


اللي سويته ما كنت اجادلها خير شر و التزم الصمت بس بالمقابل كنت اضبط اموري من خلال مقابلات لين ما وقعت العقد و حطيتها جدام الامر الواقع

ما علقت و احسها صخت شوي


بس اللي صار ان تحب الدقايق بالضبط و شوي شوي كنت اشغل كيد النساء


كنت كل عيد اهدي ابوي او امي حتى لو من ورى خاطري

و سويتلهم احتفال يوم زواجهم

و الله العظيم انها تغيرت معاي بس بين فتره و فتره ترد عنفس الطبع القبلاني بس الحينه خلاص اعرف كيف اتعامل