معاناتي اثناء الرضاعه

[فدا تراب زايد]

السلام عليكم


انا حاسه عمري متوهقه ومب عارفه شسوي لدرجة اني ساعات ايلس اصيح من الشي

الحليب في صدري بسرعه ينشف , و عمتي الله يهداها كلما ياع الولد سارت بتسويله من الحليب الصناعي فالمرضعه و كله تقول حرمتك مافيها حليب و تقارني بالحريم حرمة فلان فيها وحرمتك مافيها

هل معقول ان طبيعة صدري جي ؟؟ يعني شي حريم يدر عندهم وشي حريم لاء ! ولا لازم اصبر ومع الوقت بيزيد و بيشبعه ؟ مع العلم اني ماكملت اسبوع من يوم ولادتي

بلييز شجعوني لان جاسني احباااط ومب عارفه شسوي وخايفه البيبي يتعود عالصناعي ويترك صدري ونا مابا هالشي

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[Ward-uae]

وعليكم السلام
اشربي ماي على الأقل 3 لتر في اليوم وبتشوفين ان شاء الله كيف الحليب يدر
وخفي من الاكل الدسم والبيبسي والمنبهات هالسوالف تخفف الحليب
اما عن العمه يحليلها شكلها مستانسة بالمولود وتبي تعطيه بإيدها ما عليج على الأقل تقوم فيه وانتي ريحي وارقدي

[تفاحتي]

تبين يدر حليبج
جربي طريقتي

اشتري حليب فرش دبل شوكليت شركه المراعي
خذي ابو 330 مل واشربي علبه فليل
وعلبه الصبح والظهر
وخبريني النتيجه

[tooota]

انا عن نفسي اكل رهش شو اسمه بعد حلاوه طحينية الصراحه عن تجربه يدر الحليب

وةالافضل تروحين عند اخصائية رضاعه هي بتعطيج شو الانس لج وربي يوفقج

[ام نهييان]

اذا تم ما يرضع منج ويعتمد ع الصناعي اكيد صدرج بينشف لازم اتخلينه يرضع لو مافي شي بينزله مع الرضاعه ولازم تشربين ماي وايد او حليب

رهش لااا ابتعدي عنه بيمتنج

[غلآ نفسي]

ماشالله ربيتي

عادي حبيبتي حليبج يسد ولدج دامج بعدج ما كملتي اسبوع

لازم يرضع كل ساعتين عشان حليبج يدر

واكلي زين وشربي سوايل لانهم بيدرون الحليب

[ام الدحمي]

حبيبتي انا مثلج ضبط كنت وفجاه كلت فيتامينات وقام يدر حليبي وتركت عنه الصناعي خذي فيتامينات الرضاعه من الصيدليه

وحطي فبالج فيج حليب بس نحن نحس ماشي واحس تعطينه الاثنين طبيعي وصناعي رضعتين بس من يستوي لج حليب وكثري اكل وسوائل بس انتبهي عالوزن

[أم محمد1988]

اذا ما يكفيه الطبيعي لازم تعطينه صناعي .. بس رضعه أو رضعتين لا تكثرين ..

بس كيف عرفتي انه ما فيج حليب ؟؟!؟
ترى ما يخصه حجم الصدر بالحليب .. يعني لا تعتقدين اذا كبر صدرج يعني فيه واذا صغير يعني مافيه لااا هالشي غلط .. سواء كان كبير ولا صغير فيه حليب ..

بس أحيانا في حريم صدق ما يستوي لهم حليب أو ينشف عندهم الحليب وما يعرفون شو السبب في هالشي ف هالنوع مجبورين يستخدمون الحليب الصناعي ..

ولا تزعلين عادي العمات كلهم جييييه

[ummaitha2008]

في صيدلية حبوب الحلبه تساعد على زياده الحليب........

[قيثارة إماراتي]

غاليتي هالشيء عايدي

حليبج يسد ولدج دامج بعدج ما كملتي اسبوع

لازم ترضعين كل ساعتين عشان حليبج يدر

واكلي زين وشربي سوايل كثييييير لانهم بيدرون الحليب

بالتوفيق لج غاليتي

[فدا تراب زايد]

تسلمون حبايبي
وايد استفدت من نصايحكم ماقصرتو