خدامتي تخطط للهروب

[إماراتيه79]

حبيبتي دانه مشكوره ع الرد ماقصرتي ياقلبي

انا فعلا اليوم يلستها ورمستها بهدوء وخذتها بسياسه شوي وسألتها اذا مرتاحه في الشغل عندنا وغيره واعترفتلي أنها فعلا كانت مخططه تشرد في شهر 😤😤😤1 يعني شغالتنا الثانيه العيوز ماكانت تكذب وماتبلت عليها وحليلها وانا الحمدلله ماظلمتها وماتبليت عليها....و قالتلي أن راعية المكتب متفقه وياها ومعاهم 4 شغالات ثانيات بعد على أنهن يشردن بعد 6 شهور من العمل عند الكفيل😤😤😤😤
تخيلوا بس أن المكاتب يخططون مع الخدامات ويحرضونهن على الهروب😭😭😤😤
بس انا خوفتها وقلتلها لو تبين تشردين خبريني وانا بفتحلج الباب بنفسي بس بعدها أنا ببلغ عليج الشرطه والشرطة بيودونج في نفس اليوم وبتنسجنيين وبتتبهدلين وبيفسرونج الفلبين ومستحيل تدخلين أي دوله في الخليج مره ثانيه يعني مارح تستفيدين إلا البهدله وانتي عندج بنت صغيره تبغي حد يصرف عليها وانتي اصلا عندنا معززه ولج راتب وماعندج شغل وايد وأي شي تبينه خبريني وانا بسويه لج وممكن مع الأيام ازيدلج راتبج ..وقلتلها أن اللي في المكاتب يخدعونكم ومايبون مصلحتكم ويوم يزخونكم الشرطه بعد انتهاء فترة الضمان رح يتبرون منكم ويقولون نحن مايخصنا وماقلنا لهن يشردن ...يلست تصيح وحسيت أنها تأثرت في رمستيه وخافت وغيرت رأيها ومارح تفكر تشرد.... بس بعدني مش مطمنه 😭😭

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم المزيونه33]

اختي اولا حطي في بالج كل امر المسلم خير يعني لو شردت خيره من رب العالمين ولو يلست بعد خيره انتي كلمتيها وريحتي بالج

ادعي ربج اذا فيها خير لج يارب تثبتها واتم واذا فيها شر لج يارب تبعدها عندج ويعوضج في وحده احسن منها

[Ward-uae]

حبيبتي ward_uae تسلمين ع الرد بس صعب أوديها مكتب ثاني����

الله يسلمج
الفلبينيات عارفات القوانين لكن المشكلة انه بعض الناس تخاف منهم انهم منفتحات
ما كان له داعي تهددينها بالشرطة قلتلج خبريها عن سفارتها وانه اذا شردتي بسير اخذ فلوسي من الامبسي حق بلادج اوراقج وكل شي عندي وبيني وبينج عقد وانتي ما التزمتي فيه وملزومه تردينه لي ما رديتيه سفارتج بتتحمل
الفلبينيات عارفات هالشي بس ما يتكلمون
هو مب أكيد يتحملون السفارة لكن من تتكلمين هالشكل معاها تعرف انه ما تقدر تشرد لانها ملزومه بعقد وانتي ما اذيتيها وعاملتيها بما يرضي الله فما عندها حجة حتى تشتكي عليج
واذا شردت بعد سيري بلغي وعممي عليها وسوي كل الإجراءات وان شاء الله حتى تذكره السفر ما بتتحملين جيمتها
في النهاية استخيري واذا فيها خير الله بيسرها لج غير جيه بيصرفج عنها

[اهاات ليل]

في شغالات لو تسوينها يا دهينا لا تنكتتين هم ما يبين بعينهم

خاصة اللي يجونج صغار بالعمر تحسينها ياية تبي تلعب ماتبي تشتغل

لو قررت الشغالة تشرد ما في شي بيردها كل اللي تقدرين تسوينه تاخذين تدابير احتياطية

طالما عندها سامسونج فيه طريقة تقدرين تعرفين مكانها من الرقم التسلسلي للجهاز

و لازم تكون مشغلة الجي بي اس في الجهاز

دوري بجوجل عن طريقة البحث عن هاتف محمول بالرقم التسلسلي

فا من باب الاحتياط بس حفظي عندج الرقم التسلسلي لموبايل الشغالة

ما تعرفين يمكن تحتاجين له يوم


وثاني شي ركبي نظام حماية للبيت و كميرات مراقبة عند مدخل البيت تصور السياير اللي توقف عند باب بيتج

الهوم سيكيورتي سيستم مهم مب بس للحماية من الحرامية حتى للخدم بعد بس لا تعطين الشغالة الرقم السري

عشان لو خططت تشرد و فتحت الباب بدون ما تدخل الرقم السري يصفر النظام بصوت عالي و يصحي كل البيت

[adamshabana]

السلام عليكم ممكن بس تقدرى اتاكدى انها فعلا ناويه الهروب من عندك بطريقه ما راقبى تليفونها دورى ورآها هيا بتكلم مين او انك تبعتيها للمكتب الى تم استقدامها وبديلها باخرى وقولى السبب انك على علم بأنها ناويه للهرب من منزلك