وضعي المادي مع زوجي وانانيته في هالموضوع

**ام احمد14** · 2016-10-21, 18:31

السلام عليكم ورحمه الله وبركاته

صارلنا 4 سنوات متزوجين وعدنا ولد وحاليا حامل في اواخر شهوري > ساكنه عند اهل زوجي في حجره وحده وحمام والصراحه المكان ضاج علينا وصدق ابا اطلع

المهم قبل لا عرس كنت ادرس واشتغل ومعتمده علي نفسي ويوم اتقدم لي زوجي (زميلي في الدوام) اترددت وايد حتي بغيت افركش لكن اتيسرت الامور وصار الزواج

حملت فبجري وكنت ادرس واشتغل طول فتره حملي لكن يوم ربيت قلت ماقدر دراسه وشغل وبيبي وماعندي بشكاره فقدمت استقالتي وضحيت براتبي وكان قرار وايد صعب

زوجي مايقصر يوم اطلب بيزات يعطيني لكن طبعا الي يعطيني مايوصل راتبي الجديم بس انا مراعتنه عشان بنبني بيتنا

اتخرجت وكنت ادور شغل لكن صار حمل مره ثانيه وشليت فكره الشغل من راسي لين اربي ويكبر البيبي
المهم

سيارتي بتكمل 20 سنه مستخدمه ( كانت سياره اميه سابقا) وخراباتها دايمه

وخلاص ابغي اغيرها ويوم حملت خفت اخذ قرض واستقيل وانا حاليا مراعيه زوجي بما انه ورانا بنيان والبنيان اليوم مب رخيص

بس صدمني يوم قال انه ناوي يشتري سياره يديده ويبيع سيارته قتله سيارتك يديده ليش اتكود علي نفسك ديون قال جدمت معنه سيارته من 6 سنين بس عنده وقتله جان عندك بيزات انا اولي سيارتي بزور تمشي بتكمل عشرين سنه سكت (جني نكدت عليه) جان يقول بنجوف كيف بنسوي مانج يمكن تشتغلين عقب بس لازم اخذ لي سياره

سكت عنه

هالكلام استوا قبل 9 شهور

اول امس اتحدد سعر البيت وطلع غالي وقتله كم قرض بتاخذ احينه جان يقول 3

قرض من الاسكان وقرض من البنك وقرض حق سيارتي اليديده

قتله سيارتك مافيها شي ليش اتغيرها

جان يقول جدمت..

الصراحه مارمست ولا قلت شي ومن هاك اليوم اسلوبي وياه جاف غصبن عني

هو حاس انه فيه شي والبارحه قبل لارقد قال انتي حزينه؟ قتله لا بس ابا ارقد

صح اني احتاج فعلا سياره سيارتي اطلع صوت يوم تمشي

بس مابغيه يكود ديون بنفس الوقت مقهوره لانه بياخذ سياره وهو مب محتاج اساسا!!!

شو رايكم

الموضوع: وضعي المادي مع زوجي وانانيته في هالموضوع

أدوات الموضوع

عرض

مشاهدة المواضيع

وضعي المادي مع زوجي وانانيته في هالموضوع

المزيد من آخر المواضيع من نفس القسم:

المواضيع المتشابهه

بخل زوجي المادي

شو وضعي!!!!

رايكم ف وضعي ..

وضعي صعب ومحير !!

(((( شو وضعي)))