بنتي تكره الروضه

[candl]

السلام عليكم ورحمة الله
اخواتي،، بنتي كرهت الروضه من اول يوم وماني عارفه الحل انا بنتي هالسنه عندها كي جي 1 ،. لظروف مرينا فيها ما قدرت اوديها للروضه من اول ايام وديتها بعد شهر تقريباً رحت للمشرفة وشرحت لها الوضع وقالت تعالي عالثمنيه ، اتوقعت انه عشان تدخل بنتي بطريقة تراعي كونها اول يوم لها المهم دخلت انا وبنتي ورحنا للمشرفه طلعت وكان احد يجري وراها وكلامها لبنتي كله انجليزي مسكت بنتي بيدها وتمشي بسرعه عالصف بنتي لافه راسها ناحيتي وبدت تخاف وتبكي بس لسه مصدومه تقولي يا ماما تعالي وانا اكلم المشرفه اقولها طيب دقيقه طيب ممكن اشوفها وهي داخله قالت لا هالممر ممنوع تدخليه الي في صفوف الكي جي دخلوها الصف وانا واقفه عند اول الممر واسممعها تبكي ويقولو خليها لازم تتعود طيب مو كذا لازم يتمهد لها الموضوع المهم جلست اروح كل شوي اطل من نافذه صغيرة زجاج في باب الصف الاقيها تبكي على جنب طلعوها تغسل وجهها بعد فترة ونادت علي وهي تبكي قمت اشوفها جات وهي تبكي وخايفه لدرجة كانت ترتجف وتلومني ليش سبتيني وليش اخذوني وبنفس العجله والسرعه جات المشرفه تخاصم ليش تاخذيها وسحبتها وهي تبكي وجلست عندها لاخر الدوام طلبتها تطلع ابدر جاتني عيونها منفخه وحمرا من كثر ما بكت المهم مشينا ثاني يوم اول ما دخلنا بدات تبكي وكل ما قربت وحده من المشرفات هربت منها واتخبت ورايه وتبكي وتترجاني ، ورحت اكلم المشرفه انه لازم يراعو انه اول يوم لها وقلت لهم بنتي من النوع الخويف ما تتحمل مواقف زي هاذي رجعو السبب اني متعلقه في بنتي واني مو لازم اخضع لمطلبها برفضها الروضه واتناقشت معاهم مطولاً قالو لي في الاخر تبي تاخذيها معاك خذيها ، اخذت بنتي على جنب وجلست اكلمها واشجعها عدا وقت طويل لحد ما اتشجعت تدخل بس تبا تدخل لوحدها ما احد يمسكها قلت لها اوك وبدأت تمشي جات المشرفه شافتها بنتي رجعت جري وهي تبكي عصبت المشرفه وانه خلاص ما ينفع كذا وكذا انت تصعبيها عالكل ونادت الداده وشالوها هي جنت صراخ وبكا هستيري وكلام يقطع القلب انا مسكت دموعي بالغصب وهي تترجاني الله يخليك لا ياخذوني ياعمري يا قلبي ياماما ومن الضيقه الي فيني ابعدت شوي واستنيت دقايق قالو لي بعدها هلاص حلست وتلعب واتأقلمت وعدى اليوم ، الحين صار لها اسبوع بس الصبح تقوم متنكده اوديها والدموع بعينها ، صارت تبلل فراشها بالليل وفي البيت تخاف حتى الحمام ما تروحه لحالها بين وقت والثاني تحي تقولي يا ماما انا مو خايفه من المدرسه انا احب المدرسة ، نفسيتي تعبت من هالمسوار الصباحي ، خواتي اش تنصحوني فيه اشوف مدرسة ثانيه لبنتي خصوصاً ان هذول صارمين في معاملتهم مع الاطفال وحجاهم الطفل مهما بكى اخرته يسكت ويرضى ، ليش ما نحبب الطفل بدال ما نفرض عليه الموضوع ، انا ابالغ والمفروض اخليها تتعود والا اش العمل كيف ممكن احببها فيها نفسي تروح وهي حابه المشوار وهي مبتسمه وفرحانه من يوم ما بدت وانا ربي يعلم بنفسيتي وانا اشوف بنتي متنكده ، دلوني جزاكم الله خير

المزيد من آخر المواضيع من نفس القسم:

• اجمل قصص قصيرة لرياض الاطفال
• قصة الحمامة الذكية لرياض الاطفال
• قصص عن النجاح للأطفال
• قصص عن التعاون لرياض الاطفال
• قصة السمكة والضفدع لرياض الاطفال
• قصة الولد الكسول لرياض الاطفال
• قصة صيام شهر رمضان لرياض الاطفال
• قصة الفيل والأصدقاء لرياض الاطفال
• قصة الولد الكسول لرياض الاطفال
• قصة سمر والبيض للاطفال

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[[..دانــة..]]

عزيزتي كل الأطفال يمرون في نفس المرحلة وبدرجات مختلفة ف ردة الفعل والتجاوب
بنتج مب متعودة ع الحضانة والانفصال عنج لفترة زمنية وانتي لازم تشجعينها وتقوين نفسج
ما عليه هلشي لمصحتها ولو تكلمين الأمهات كلهم مروا بنفس تجربتج
والمشرفات تربويات عندهم خبره وهم بيساعدونج مب ضدج بس انتي لازم تتعاونين معاهم
ترا الطفل يقرا طاقتج السلبية وتنعكس ع نفسيته وتجاوبه للمدرسة،،
خليج ايجابية وقوية واستمري ،، وبتتعود بنتج وبتمر السنة ..

[Ward-uae]

انتي ام وتعرفين بنتج اكثر عن اي احد
اذا احد يضربها او يأذيها هنا يبالج تغيرين المكان او تشتكين عليهم لكن اذا كلمتي بنتج وانه الروضة عادية وهي تبي تكون معاج وتحب البيت هنا يبالج تكونين حازمه معاها لانها تعودت تتحرك في البيت عكيفها وفي الروضة صارت مقيده ما تتحرك ولا تلعب الا في وقت معين
وعادي هالشي 

[mrs.abk]

أختي تقبلي كلامي بصدر رحب .. انتي سبب اللي فيه بنتك ..
المفروض انتي تهيئينها من قبل وتودينها جنب الروضة من قبل لا تداوم وتراوينها فيديوات للأطفال في الروضة ..
وأول يوم انتي اللي المفروض تخبرينها ان المشرفات يحبونها بس لأنها تأخرت بيودونها بسرعة ..
أما توقفين تشوفينها وتخلينها تشوفك ان قلبك مجروح ومكسور عليها اكيد بيخليها هالشيء تضغط عليج ..

انتي متأزمة لدرجة بتنقلينها من الروضة لمجرد انها متنكدة منها .. حاولي انتي تصنعين لها جو فرح وتسألين عن صديقاتها وعن حكاياتها ..
وبعدين شكلها في البيت تلعب على راحتها والايباد في ايدها وما تلقى منك الا الدلال لهالسبب هي تشوف الروضة سيئة وهي محرومة من الدلال فيها ..

رلا تخلين البيت مكان أحلى من المدرسة .. وربي ما حببنا في الدراسة إلا إن البيت كان بالنسبة لنا تعب ..

[شيخه بنت يوسف]

اختي تصرف المشرفه غلط في غلط كيف تمسكها من ايدها وتسحبها عالصف وين ها اي مدرسه يعاملون الطلاب وخصوصا الصغار بهالطريقه . بنتي هاي السنه كيجي 1 وانا اوديها كل يوم ومن اول يوم جلسنا مع باقي الطلاب والمدرسات وصارت تعارف وحديث علشان تتعود على الجو مو بس بنتي الكل كان جذيه من اولياء الامور الا البعض كانو يسيبون عيالهم ويروحون وبعد كانو كل المدرسات متعاونات ويهدون الصغاريه .اسمحيلي اختيارج للمدرسه غلط . شي طبيعي البنت تصيح وتبغيج هاي فطره فيهم يحسون بالامان مع امهاتهم بعدهم صغار احتووهم .

[XOXP]

ماحبيت تصرف المشرفه لازم اتشجع البنت وتستقبلها بكل حب
واذا انتي مب مرتاحه انقليها من المدرسه في بدائل

والصبح قبل البدايه الدرس كلمي المدرسه مالتها وكلمي البنات خليها اتخالط اتكون لها اصدقها
سويلها توزيعات اتوزعه في ع البنات والاولاد حببيها في المدرسه ولا تخلينها اتشوف المشرفه
وكلمي المشرفه اتعدل اسلوبها مع الاطفال

والله يوفقها يارب