معدلي الدراسي وايد نازل وابا ارفعه

[مشكلتي]

السلام عليكم ..
خواتي انا طالبة فالمدرسة و معدلي الدراسي وايد نازل كثر ما حاولت وشديت ع نفسي بقى نفس ما هو ,والي فالبيت كل يوم يعقون علي رمسه اني انا غبية ومن هالكلام وحتى يوم اشتري اغراض لي يقولون لي لو تسوين هالشي زين دايما يجرحوني وكلامهم يعور قلبي , وفترة الامتحانات اذا ما كنت فاهمة شي اروح عند اي حد من اهلي عشان يفهمني كل واحد يتلمس له بعذر ( الي يقول انا ما اعرف والي يقول انا من متى مخلص مدرسة والي يقول انا ماعرف كيف اشرح.....الخ ) والمشكلة اذا حد من عيال الناس يا عندهم يشرحون لهم ويفهمونهم ويسوون لهم وما يقصرون فيهم والله . مافي حد حولي عشان ينصحني انتوا عوني من بعد الله .
الله يخليكم الي عندها حل لهشي تقوله وما تقصر فيني اغلبكم امهات وتعرفون كيف ترفعون معدلات عيالكم وشو الطرق الي تتبعونها عشان معدلهم ما ينزل وعشان يرتفع , وعطوني من نصايحكم شو ما كانت , اعتبروني اختكم الصغيرة ولا اعتبروني بنتكم الي ما يبتوها وغذوني بنصايحكم وبتعليماتكم كل الي عندكم عشان احسن من وضعي
انا هالسنة اخر سنة يعني ثانوية عامة وابغي ارفع معدلي واكسر خشم الي جرحني بكلماته القاسية والي خلاني احزن وكسر قلبي

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ميميه88]

تمت الموافقه

[مشآعر حسآسه]

الله يوفقج حبيبتي و ان شاءالله اتيبين نسبه حلوه
اول شي التزمي بصلاتج عشان الله يوفقج وادعي ربج دوم انه يوفقج ويقوي ذاكرتج في الحفظ و الفهم

ثاني شي حاولي قد ما تقدرين تقعدين جدام صوب المس لان هالشي يخليج اتركزين اكثر و انتبهي ع كلامها عدل و اي معلومة اتحسين انها بتفيدج عقب علمي عليها بالفسفوري

اي شي مب فاهمتنه اطلبي من المس اتعيدلج الشرح اول بأول عشان ما يتراكم عليج شي اثناء الشرح او عقب المهم اتراجعين المس و اذا ما فهمتي قوليلها ماشي طريقه ثانيه المهم ما تهملين نفسج من ناحية الفهم

اتقربي من البنت اللي اتشوفينها شاطره عادي اطلبي منها تشرحلج او يمكن اتقولج ع طريقتها ف المذاكره و راجعي معاها هالشي ممكن يقوي ذاكرتج
ترا المراجعه اهم نقطه

اربطي الشي اللي مب فاهمتنه ف قصه او صوره استخدمي الرسم - ممكن بعد أتعيدين الكلمه اكثر عن مره عشان تثبت المعلومه بتكرار الكلمه يعني ع الورقه او
اتسمعين لنفسج او تخلين حد يسمعلج هالأشياء و أيد اتساعد
حاولي قد ما تقدرين اتنظمين وقتج بعد يعني مثلا خصصي لج وقت للمذاكره ووقت للاهل و وقت اترفهين فيه عن نفسج و ابتعدي عن اي شي ممكن ياثر ع دراستج ابتعدي عن السهررر اهم شي
حاول ترقدين من وقت وإذا عندج شي ما خلصتيه
كمليه عقب اذان الفجر ها احسن وقت اصلا حتى للمراجعه لان فيه البركه

و كثري من الدعاء وحطي فبالج الله ما بيضيع تعبج ان شاءالله
بس لازم تجتهدين قد ما تقدرين لازم اتكونين واثقه ان ربج بيرزقج بالنسبه اللي تبينها
خلج متفاءله ....

[Upscale touches]

اول شي ادعي دوم الله يسهل عليج كل امورك .

اعتمدي على نفسك اعتماد تام يعني اللحين انتي بمرحلة مهمة اخر سنة بالمدرسة زيدي مجهودك الدراسي .
حطي جدول مرتب ومنسق لازم تعملي مراجعة يومية لكل شي راح تاخذيه ايام الوكيند يكون مراجعة تامة
حاولي تحصلي على نماذج من الامتحانات الاعوام السابقة عشان يكون عندج فكرة

اي سؤال ما فهمتيه اسئلي الاستاذة اول لاول ما تستحي ابد
اي مادة صعبة عليج اعطيه وقت اكثر لدراسة وركزي بالحصة كثير



انسي كل المحبطين ولا تعطيهم مجال يجرحوكي او يحبطوج
انتي ذكية وشاطرة وتقدري جيبي نسبة عالية

نظمي يومك اكثر لا تسهري لا تشربي منبهات كثير نظمي اكلك اعملي رياضة هالاشياء كلها ساعد على التركيز والاسترخاء
حطي هدف لمستقبلك شو تريدي تكوني شو خاطرك فيه


لا تهتمي بالناس ابد الكل صار يهتم بنفسه هذي الدنيا
كل شي بيدك ما بيد حد ثاني

الله يسهل عليج

[Ward-uae]

ليش تسألي فلان وعلان عندج معلمتج سيري لها وقت الفسحه او في الصف
ركزي في الحصة اذا فهمتي مثلا مسألة بتعرفين تحلين الباقي
لا تحطين في بالج انج تقهرين احد خل هدفج انه يكون عندج طموح وتحلمين بتخصص معين بتحبين الماده
الدراسه في الجامعه غير عن المدرسه هناك انتي بنفسج دورين المعلومه اقري
القراية تخليج مثقفه
اذكر ايام ما كنت ادرس الأبله تشرح عن مندل وكنت شايفه برنامج كامل عن الوراثة وقَعَدت اقرى كتب عن هالشي بس جيه هوايه ابي اتعلَّم والحمدالله كانت بداية عشقي للقرايه لو اني عرست لكن حبي للقراية مستمر الحمدالله

[تناهيد جرح]

وعليكم السلام والرحمه
حبيبتي درسي دروسج اول باول من تردين من المدرسه درسي اللي خذيتيه اليوم وشوفي فاهمه او لا اذا مب فاهمه لما تداومين بالباجر خلي المس تشرح لج او اذا ربيعاتج فاهمات خليهن يشرحن لج طبيعي اهلج يكونوا ناسين يمكن اللي تعطينهم اياه يكونوا ناسينه صدق ومب نفسه اللي يشرحونه للغير يمكن شي ثاني فاهمينه وماعليج من كلام حد كلنا سمعنا كلام ودرسنا وعشنا وكبرنا وبنكبر وبنشوف اشياء غير ف لا تمين شال هم ومخليه السالفه قلق الله يوفقج يارب في دراستج

[ملاآك قلبكـ،،]

مع كلام الخوات

وبعد لازم تقطعين النت هالفتره الا للدراسه
لان الفون يلهي ايد بدون ماتحسين