ابى تخصص يساعدني أتوظف

[مشكلتي]

السلام عليكم

انا وحده عندي ثانويه عامه ما توفقت في وظيفه ولا زواج ومليت يلست البيت وقدمت ع التوطين وكل يوم اقدم في مكان ومحد يتصل وانا عمري 38 يمكن هالسبب ان محد يتصل عشان عمري كبير حتى حلمي من زمان أداوم مدني وقدمت بس محد اتصل مع ان عندي شهادة ICDL ولغتي الانجليزية متوسطه الحمدلله واذكر من كم سنه كان في تقديم الشرطه مدني وسرت قدمت والموظف قالي عمرج كبير لازم اقل من 35 وطلعت وانا أصيح وتدور الدنيا فيني وقلت الحمدلله ع كل حال وصراحه وصلت لهعمر وزهقت قلت يلا بعيد الثانويه العامه عشان اكمل جامعه واستخرت وتوكلت ع الله الحين أباكم تساعدوني ابى تخصص بعد الثانويه ان شاءالله يساعدني اقدر أتوظف ما يرفضوني عشان عمري كبير فكرت فالتعليم وابى شي ثاني بعد ويكون سنين دراسته شوي يعني أخلصه بسرعه عشان اقدر أتوظف انا ادبي عطوني تخصصات دراستها تخلص بسرعه وأقدر أتوظف وظيفه تناسب عمري

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[dxb_love]

نصيحه مني لان هذا اختصاصي

ادرسي دبلوم ( سنه وشهرين يمكن)

او دبلوم عالي سنتين وشي

دراسات ماليه ومصرفيه - فمعهد الامارات للدراسات الماليه والمصرفيه

دبلوم بنوك او دبلوم اسلامي

وهم بيحصلولج وظيفه فبنك وماتحاتين

هذا اسرع شي وفلبنك لا في عمر ولا في بطيخ

الله يوفقج ويسهل عليج

الاسلامي بلعربي
الدبلوم الثاني انجليزي


عندهم فرع فالشارجه - شارع الجوازات

وعندهم فرع فدبي - مدينه دبي الاكاديميه

وفي فرع فبوظبي بس ماعرف وين

شدي حيلج والله يوفقج

[dxb_love]

مجال البنوك واسع جدا والشهاده تنفعج فكل مكان مب شرط انج تداومين فبنك للعلم

بس المعهد المصرفي يساعدج انج تحصلين وظيفه فبنك

انا الحين ادرس ماجستير وعمري فالثلاثينات بعد .. لا تزعلين

[ام اثنين]

عيل تعالي شوفي في تعينات 40 سنه

[بسمة فجر]

اختي ان شاء الله بتحصلين وظيفة
قدمي في قرية العائلة في دبي يبون موظفات بنفس مواصفاتج
يكونون امهات و خالات للايتام يمكن سمعتي عنه
حتى لو عندج ثانوية عامة عادي عندهم
بالتوفيق

[هيا88]

أنا سمعت ان القانون اليديد لو حتى شهادتج الثانويه جديمه تقدرين تكملين دراسه استفسري اكثر حرام اتعيدين الثانويه ..أتوقع اكثر التخصصات طلبا هم الاج ار والاي تي والمحاسبه

[ماحد شراتي]

ليش تعيدين الثانويه الغاليه ؟ قدمي فالكليات مثل كلية الامارات او الخوارزمي وادرسي شي عام نفس الانجليزي لانه بابه مفتوح لكلشي ..ادرسي دراسات مصرفيه ومالية او تامين .. قدمي فالقطاعات الشبه حكومية

ربي يوفقج

[حرم الحميري]

العمر ماله خص حبيبتي هذا حظ ورزق بس الثانويه مب مطلوبه نفس قبل الحين البكالوريس نفس الثنويه صار يعني قبل يقولون نبا ثانوي اقل شي الحين يبون بكلوريوس اقل شي دش موارد بشريه وتوكلي ادرسي فالويكند وياحيج لج بارض عالجامعه انا ودي اكمل بس ماعندي وقت بيتي شاغلني والله يوفقج ولا تاخذين التخصصات مثل اعلام وقانون ترا وايد غلطو وخذوها ولا استفادو

[twinkle star]

نفس ماقالولج البنات حاولي تدرسين
و قدمي في اماكن خاصه مثل الجمعيات مسؤول مبيعات ولا مكتبات استعاره كتب وهالامور, سكرتاريه في اي مكان تحصلينه
مشرفه في حضانه او اي شي و لا تحطين لنفسج عائق ترا العمر مب مشكله و يمكن ياثر في بعض الوظايف وهذا قليل,
الله يوفقج وصلي صلاه الحاجه كل يوم

[Upscale touches]

خليكي متفائلة هذا اهم نقطة بالموضوع
لا تهتمي بكلام الناس ابد

ادرسي شي تحبيه انتي هذي نقطة مهمة كثير
افتحي مواقع التوظيف وقدمي على الاشياء الي تحسيها مناسبة لج ووممكن تشتغلي فيه

الدراسة ممكن المحاسبة التسويق
ممكن تشتغلي بمراكز التحفيظ بالاستقبال او بالادارة .
قدمي بالاماكن الي ما قدمتي فيه قبل

لا تهتمي بالماضي افتحي صفحة جديدة بحياتك كلها سرور وامل
وادعي دائما واستغفري وكثري صدقة

وجربي ادخلي بالتجارة حتشغلي وقتك وحجربي شي جديد شوفي شو تبدعي فيه وادخلي بع\ دراسة للموضوع


الله يسهل عليج

[Ward-uae]

عمرج مب كبير 
قدمي في الوزارات موظفه استقبال او في البدالة او حتى اشراف في المدرسة وايد وظايف انتي اسعي والله وياج