مشكلتي اني عصبيه

[مشكلتي]

السلام عليكم
بنات انا مشكلتي عصبيه وااايد وانعفل على اتفه سبب واعصب بسبب وبدون سبب وصايره ابد ما احب الازعاج ولم اسمع اخواني صغار يلعبون اعصب عليهم واهاوشهم وصايره ما اطيق احد يكلمني بالمره احب اتم ساكته وان تكلمت اتكلم شوي واضحك واسولف عادي بس ما اطول وارجع اسكت صار لي على هذا الحال من شهر 6 امي اغلى شي عندي واحبها وايد وحتى هي اعصب عليها وما احب اسمع صوتها نهائيا واتضايق لما تكلمني احس كأن حجاره ع صدري وانتظر ادقايق والثواني ع شان تسكت
وايد اتضايق من تصرفاتي واايد بس مش في يدي ما اقدر اتحكم بنفسي والله مره عصبت كسرت كل شي قدامي كل شي

انا اشتغل ومكان شغلي فيه ازعاج بس انا حاليا معي اجازه شهرين دخيلكم نصحوني ما اريد اتم على هذا الوضع هالي كلهم يتضايقون من تصرفاتي بدون ما احس اتصرف تصرفات غلط لين حد ينبهني وما اذكر اني سويتها والله ابكي وانا اكتب لكم
ما اريد اكون عاقه بأمي امي اغلى شي عندي واحبها واايد بس مدري ليش احس مااطيق اسمع صوتها واعصب بسرعه منها
وانا مش صغيره 25 ع شان اتصرف هذي التصرفات

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[ام نهييان]

حبيبتي احس لي فيج شي نفسي يمكن تفكرين ف شي وتحاتينه عشان جي دوم متنرفزه او يمكن ضيق من الروتين حاولي تغيرين روتين حياتج وردي لربج تعلقي بدينج اكثر اقري سورة البقره اذكار الصبح والمسا عشان الله يحفظج من تصبحين لين تمسييين

[shelovely]

السلام عليكم و رحمة الله و بركاته اختي الكريمة
اولا احب احييكي على شجاعتك و انك بتحاولي تلاقي حل لمشكلتك بدل ما تنزوي اكثر... و كمان بقول لك الله يبارك فيكي عشان بتحاولي تبري بامك اله يحفضها و يحيها ليكي و كل امهات المسلمين....
انا عضو جديد في المنتدى و سجلت بس عشان ارد على موضوعك و يا رب ما اكون ثقيلة...
انا كنا اعاني من نفس المشكلة و ممكن اكثر لاني كنت اعاني من فقدان للذاكر لما اكون معصبة و ممكن انسى شو الي سويته في ايام او اسابيع... المهم كنت رحت مع امي تسوي الكشف الدوري عن الدكتورة الي بتابع معاها كانت دكتورة غدد و فجأة قلت لامي اني راح اكشف كمان... و لما كشفت لقيت ان الغدة الدرقية مش شغالة كويس و هي الي ملخبطي حياتي كلها... طبعا انا مش بقول انه ممكن يكون عندك نفس المشكلة لا قدر الله بس لو ما كان فيه سبب نفسي او مشاكل من اي نوع تخليكي تفقدي اعصابك ممكن المشكل يكون صحي لا قدر الله... و انا اسفة اني ممكن ببالغ و ما قصدي اخوفك بس انا الحمد لله حياتي احسن بكثير و كل الاعراض اختفت...
و يا رب تكون مكشكلتك بس عابرة و ان شاء الله تلاقي حل في القريب العاجل و الله يوفقك و يسرلك امورك و نورلك دربك... و اسفة للاطالة

[غلآ نفسي]

انا تييني هالحالات يوم اكون حامل ما اطيق حد

بس انتي ليش جي ماعرف

توضي يوم اييج هالحالات يمكن تخف عنج شوي

بالتوفيق

[رسايل غلا]

اختي اغلبنا نعصب وعلى اتفه شي لكن عيب البعض منا انه ما يستخدم العلاج الصحيح للعصبية ودوم نقول انه بسبب خلل معين في الجسم أو مرض والعياذ بالله، لو كل شخص حاول يستغفر ف كل مرة يبدا يعصب فيها جان خفت العصبية، استغفري دوم واول ما تحسين انج بديتي تعصبين، يلسي في مكان هادي لو قدرتي وركزي على تصفية ذهنج من اي توتر، فيه وايد تمارين حق هالشي ومرة ع مرة بتهدين واحلى شي انج ترددين دوم هالدعوة: الله يصلح حالي ويهديني
ادعي بثقة وصدقيني وايد بترتاحين، والله يسهل أمورج يارب

[بقايا العود]

فديتج هذي اعراض الغدة الدرقية
روحي شيكي الغاليه
انا جتني هالحاله وطلع عندي خمول بالغدة الدرقيه
وتعالجت والحمد لله الحين

ربي يعافيج ان شاء الله

[Upscale touches]

أقعدي مع نفسك شوي وفكري بوضعك طول الفترة الماضية والحالة بدت من متى
حاولي شوي تغيري روتينك اعملي شي جديد
اعملي جدول جديد خالص
كيف وضعك من الناحية الدينية مقصرة بشي السنن والنوافل
كل ما زاد ايمانك والعبادة كل ما حسيتي براحة وسكينة

كل ما حسيتي بعصبية خذي نفس عميق
اتوضي صلي ركعتين مسكي تسبيحة واستغفري كثير
فكري بشكل ايجابي
صالحي نفسك وعيشي حياتك
اعملي فحص شامل عشان تتاكدي اكثر

صومي الاثنين والخميس فعلا حتحسي براحة
اذا في امكانية صلي الجمعة بالمسجد حترتاحي بعد كثير
ادعي الله يساعدك


الله يسهل عليج

[ورقة ناعمة]

دوري لج عالم خاص فيج حبيبتي


محد بيتحمل هالنوعية ولا الناس تطيق هالنوعية من البشر ,,, ولا تحطين ببالج خلاص انا عصبيه عاد كلكم تحملوني


لا فديتج نحن بزمن وبوقت مانتحمل الصوت العالي بنتحمل عصبية غيرنا اذا عرستي لاتفكرين انه بيستمر معاج


مجرد انج تنبهينه بانج عصبيه ولا بعد بيتقبل وبيقولج حاضر يالعصبية لين اخر العمر بصبر ,,,,


الله ماخلقنا عصبيين ولا ثيران عشان نعصب على اتفه الأمور

نحن محشومين من ها كله عندنا عقول نفكر ونتحكم بتصرفاتنا

ونحمد ربنا نحن لا مختلين عقليا ولا مرضى عشان العصبية تكون متلازمة معانا ,,,


طبيعة الانسان يعصب يفرح يضحك يحزن يصيح بس مب على اتفه الأمور نعصب العقل نعمة لناقصي العقول

[احلى بعفويتي]

روحي سوي رياضه
واظبي على الاستغفار و القران
سافري
اطلعي
تمشي
المهم ماتكونين في مكان الي يسبب لج الاعصاب

[بسمة فجر]

الله يعافيج اختي و تتخلصين من العصبية
اكثري من الاستغفار و الدعاء و اذا ترومين سيري العمرة سبحان الله في بيت الله الاجواء تخلي الواحد يهدأ يرتاح
و بعد سوي تحاليل الغدة و تاكدي من سلامتها لانها فعلا تاثر على نفسية الانسان
و دايما حطي نفسج مكان الشخص اللي تعصبين عليه كيف بيكون شعورج ؟؟
بالتوفيق

[حرم الحميري]

اذا متضايقه من دوامج لا تعقين غيضج فبيتج انا بنت عمي شراتج نفسيه فالدوام والبيت وللحين نفسيه صدقيني محد يمدحها فانتي لا تكونين نفسها اقعد اكثر مع هلج ودوامج حاولي تعدلينه يعني اذا انتي منعزله فالدوام فطبيعي تحسين بالازعاج فيه بس اذا متاقلمه بتنسين الازعاج خلج حبوبه وعسوله مع الكل اللي يضرج واللي يحبج

[almal3ka1]

امشي بالممشى او الحديقه اول ما تحسين بثوره الغضب


و بعدها بتطخين

[شيخة الحلوين جاااات]

اكثري من الاستغفار باب فرج لكل ضيق ❤