الحمل السادس وابا تشجعكم لي خواتي

[أم عليه]

السلام عليكم ورحمة الله وبركاته

مرحبا الغاليات بغيت اتساعدوني وتشجعوني باني اسوي الخياطة التجميلية بعد ولادتي باذن الله خااطرري اتشجع واسويها بس خايفة الي سوتها تخبرني تجربتها ومتى انسب وقت اتوكل على الله واسويها وين اسويها عند أي دكتورة الي تعرف دكتورة شاطرة في عيمان او الشارجة تتفضل تخبرني وكم كلفتها ؟ وكيف احاسب على عمرى شو الأمور الي ماتصلح اسويها وبكوون شاكرة لكم فديتكم

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم خليفة11]

عليكم السلام و رحمة الله تعالى و بركاته،،

للأمانة أنا ما سويت ولكن اعرف وايد بنات سون ماشاء الله بس المشكلة صعبة تسألين وحدة تعرفينها عن النتيجة احس الموضوع نوعا م أحراج،،
عموما في بوظبي شي دكاترة معروفين في هالمجال ، عنج ماعرف و الله .
و بصرحة أنا من الناس اللي ناوية اسويها لكن ماحددت متى يعني بشوف من هني لجدام و بعد الولادة باذن المولى عز جل.

[أم عليه]

تسلمين وماتقصرين حبيبتي على ردج ويزاج الله خير والله يسهل عليج يارب

[المعآني]

عندج الدكتورة أميرة في مستشفى الزهراء
انا ما مسوية خياطة تجميلية لا
هي سوتلي خياطة عقب الولادة وخياطتها ممتازة مآشا الله ولا كأني مسوية خياطة وايدها خفيفة والمستشفى اهتمامه عالي وممتازة شوفيها واستخيري

- - - Updated - - -

مستشفى الزهراء اللى في الشارجة

[أم عليه]

مشكورة حبيبتي المعاني على ردج ويزاج الله خير

[الوردة الجورية]

وعليكم السلام و الرحمة

استخيري و توكلي على الله


للأمانة ماسويتها لكن من خبرة اللي اعرفهن و اللي قريته هذي الخلاصة:

مايصلح التجميلي بعد الولادة مباشرة.. مايضبط
المفروض تنتظرين بعد ست اسابيع و يكون جسمج رجع مشدود ((شربي شمر يومياً بعد الولادة بسرعة يشد الجسم))

بعد التجميلي لمدة اسبوع تكونين لامة ريولج و ماتقعدين وايد، الافضل تكونين منسدحة و حركتج خفيفة جداً وماتشيلين اشياء ثقيلة وشغل البيت انسيه

بعد كل مرة تدخلين الحمام تتشطفين ببيتادين و تنشفين بخفة و تحطين مرهم ميبو يعني ثلاث مرات او اكثر باليوم

الجماع ممنوع مدة شهرين و البعض ست اسابيع بس تتأكدين من الدكتورة الاول انه التئم عدل.. حتى لو طاحت الخيوط مب معناته التئم بشكل كامل

اذا التجميلي فقط من الخارج غالباً تقدرين تولدين طبيعي مرة ثانية

اذا التجميلي داخل و برع.. في حال صار حمل الولادة تكون قيصري فقط و ضروري تخبرين الدكتورة عشان مايسوون لج محاولة الولادة الطبيعية


بالنسبة للدكتورة ماعرف في دبي او الشارقة
بس بالنسبة لابوظبي كمن دكتورة معروفات بموضوع الخياطة
مثل د نادية مركز د نادية، د مريانا في الامير الطبي، د هيام في بارجيل، د ريحان في دانة، دكتورة هندية في مركز الواحة.. هذيل اللي سمعت مدح الخوات لهن


وان شاء الله الخوات يفيدونج عن اللي في دبي او الشارجة

استخيري و الله بيسر امورج للخير


الله يكتب لج الخير و يوفقج

[بنت الفلاسي 1]

يمدحون الدكتوره ناديه جاسم

[أم عليه]

مشكووورة حبيبتي الوردة الجورية على ردج يعطيج العافيه حبيبتي

اختي بنت الفلاسي تسلمين على مرورج بس وين مكان عيادة الدكتورة نادية جاسم ؟