خاطب أخلاق وأبوي رافض ( تعديل العنوان )

[مشكلتي]

السلام عليكم . .

بنات هل هالشي عيب لو تقدم لي واحد اخلاقة عالية وملتزم ووله الحمد وجامعي دارس وفاهم ويشتغل ف مكان زين الحمدلله والريال ابدا ماعليه كلام لكن هو وأهله عايشين هني ف الامارات بداية الاتحاد هم يمنيين وهالشخص تقدم لي وصليت استخاره والحمدلله مرتاحة . . لكن ابوي مايبا للانه يمني انتوا شو تقولون مع ان وايدين ماخذين يمنيين وعايشين مرتاحيين .

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
الكلمة الطيبة صـــدقة

[غلآ نفسي]

طبعا مب غلط

بس يمكن ابوج قاعد يشوف لجدام لمصلحتج ومصلحه عيالج

[تفاحتي]

اذا يقدر يوفر لج معيشه كريمه ويصرف على بيت وعيال ليش لا

الاخلاق الحين ماتتحصل بسهوله

واذا ع انه يمني
قولي حق ابوج اصل العرب من اليمن

وقالها ابونا زايد وعياله تفضلي

[مالتيزرس]

الله اييسر لج امرج

[المعآني]

إذا انتي مستعدة تتحملين الفروقات وعارفة شو بيكون وضع عيالج مستقبلا توكلي على الله
لكن مب تاخذينه ومن اول مشكلة تشوفين نفسج عليه وتقارنين لو أني مأخذة مواطن ولو لو لو
خبري ابوج آنج عارفة وبتتحملين الفروقات وماعندج مانع
واذا أصر على رفضه خلاص لاتعاندين

[dxb_love]

فكري بعيالج

[.Dream]

الاخوات ماقصرو ، ابوج ادرى بمصلحتج ويشوف لجدام

ربيعتي ياها يمني مع انها مب صغيره بالعمر واهلها رفضو طبعا لانهم يفكرون ف مصلحتها ومستقبلها وعيالها ف انتي شكلج بعدج صغيره، بييج الي احسن منه لا تستعيلين

[ملاآك قلبكـ،،]

خلينا من كلام المثاليات
والاخلاق واصل العرب من يمن كله كلام
لكن يوم بتجوفين عيالج يتعاملون معامله غير عن عيال خواتج او اخوانج
او حتى يعاملونهم على انهم اقل عنهم لانهم مواطنين وعيالج يمنيين
ولما عيالج بيكبرون وبيسيرون يخطبون وينرفضون لانهم يمنيين

هني بتعرفين ان ابوج معاه حق

[غلآ نفسي]

القضيه مب قضيه انه يمني

واصل العرب من اليمن او اخلاق ومن هالكلام

القضيه حياتج انتي مع وافد وعيالج اللي بيعانون

انا مرت علي هالحاله الام مواطنه والريال وافد

وايد يتحسسون العيال مع انهم لو تشوفينهم اماراتيين وكل شي فيهم يقول لهم اماراتيين بس ماشي جواز اماراتي ماشي حقوق ك مواطن

ف صعب عليهم الصراحه

ابوج معاه حق

[تفاحتي]

اذا انتي متعلقه فيه وايد وسالفه العيال بتلعوزج


ربيعتيا ماخذه يمني وكل ماحملت ولدت في امركا
احينا عندها اولادها كلهم امركيين
يعني بيكون احسن من المواطن اللي عندنا تعرفين هني معامله خاصه للاجنبي هذا اقتراحي

والله يوفقج

[almal3ka1]

لا مب عيب

ابوج يفكر بالعيال بعدين شو بيكون موقفهم

معاه حق يبا يضمن حقج

بالنهايه كله نصيب لو هو من نصيبج بتتزوجون و لا ما شي نصيب بيج اللي احسن

[A+k]

السلام عليكم

انا قبل كنت ماخذه مواطن وتطلقت منه بعد ثلاث شهور زواج والحمدالله بعدها الله رزقي بيمني والحمدالله عايشه مرتاحه وعيالي يتعاملون ك مواطنين باستثناء الجواز طبعا لين يكملون ال 18 وشيوخنا الله يحفظهم مايقصرون لا مع المواطن ولا المواطنه والحمدالله ع كل حال

دامج استخاريتي ربج هو بييسر امورج وبالتوفيق حبيبتي

[almal3ka1]

اذا انتي متعلقه فيه وايد وسالفه العيال بتلعوزج


ربيعتيا ماخذه يمني وكل ماحملت ولدت في امركا
احينا عندها اولادها كلهم امركيين
يعني بيكون احسن من المواطن اللي عندنا تعرفين هني معامله خاصه للاجنبي هذا اقتراحي

والله يوفقج

اختي شيوخنا مب مقصرين بالمواطنين .. الحمد لله

لو سمحتي حاسبي عرمستج

[dxb_love]

الي تشجع الزواج من وافد هذي حريه شخصيه بس لا توهقين غيرج بهالنصايح

وبالاخير قسمه ونصيب