مشكلتي احب ريلي حب مب طبيعي ( تعديل العنوان )

[مشكلتي]

السلام عليكم و رحمه الله وبركاته

بنات ساعدوني تعبت من كثر ما أفكر تعبت وربي أني منهاره
مشكلتي و بختصار انا متزوجه من 5 سنوات .. أحب ريلي حب مب طبيعي كل تفكيري فيه ومعاه اعشقه عشق .. بذبح عمري من كثر ما أفكر فيه وإذا رحت عند هلي وخليته مستحيل أرقد كل أحلامي فيه و اتخيل أشياء اعوذ بالله منها مافي راحه أبد تعبت والله تعبت .. أتعالج عند دكتور نفسيه وله شو اسوي بالضبط

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة
روى أبو داود وغيره عن رسول الله قال: أحبب حبيبك هونا ما عسى أن يكون بغيضك يوما ما،
وأبغض بغيضك هونا ما عسى أن يكون حبيبك يوما ما. صححه الألباني

[تفاحتي]

سبحانه




ان شا الله يكون يبادلج المشاعر نفسها

[mao]

الحلو انه هو زوجج يعني مب حد ثاني بس غريبه انزين حاولي تشغلين نفسج باشيا ثانيه فديتج مارسي اشيا تحبينها لما ما يكون معاج مثلن ممم مادري شقولج بس الله يديم هالحب يارب انزين ماعندج عيال اخس بيشغلونج او بياخذون نص هالحب ههه

[غلآ نفسي]

عادي اشوفه شي حلو

لا ترقدين بيت اهلج انزين

خليج معاه

واذا هم في منطقه ثانيه وتضطرين تباتين عندهم

خلي بينج وبينه تواصل مسجات ومكالمات

حسسيه جو العاشق والعاشقه

بالعكس هالشي ايجابي في نظري

اما عن الاحلام والكوابيس عندج آيه الكرسي اقريه ما بتحلمين بأشياء مب زينه

دام في حب وثقه بينكم ومافي شك بينكم عيل هالشي ايجابي في نظري

بالتوفيق

[بقايا العود]

المهم انه مايعرف هالحب القوي
عشان مايذلج او يسوي الي يباه ويعرف انج تحبينه بجنون وماراح تخلينه

[almal3ka1]

الله يسعدكم

[المعآني]

حلوو هالشي بس حاولي تشغلين نفسج في غيابه بانج تسوين له شي يحبه ترتبين له أمور يحبها واشغلي عمرج لين يرجع لأن الريال يحتاج مساحة وأنه يبتعد شوي يمكن يمل حاسبي

[المعآني]

يلسي ترتبي وتعدلي في غيابه سيري الصالون أو يلسي استشوري شعرج ودوري في قوقل رسايل حب ويمعيها له وجيه

[بنت الشوامخ]

حبيبتي هو شي حلو تحبين ريلج بالعكس شي مطلوب وجميل

بس دايما تذكري الشي ان زاد عن حده انقلب ضده

يعني انتي ماتحبينه .. انتي تعشقينه واظن وصلتي لدرجة الهيام

وهالشي صعب يباله ضبط مشاعر شوي منج
لانج انتي اللي راح تتعبين صدقيني
لاقدر الله صار ظرف اضطر ريلج يغيب عنج ولا غيره
لازم تقوين قلبج وتسيطرين على مشاعرج

حبيه واحترميه وحطيه على راسج هذا ريلج ويستاهل

بس مب طول عمرج وحياتج و24 ساعه تفكرين فيه

بالاخير انتي اللي راح تتعبين

في امور ثانيه مهمه بالحياه بالاضافه الى الزوج وليس الزوج هو كل شي

عندج عيالكم اهلج حياتج هواياتج
علاقتج بربج وغيره

اشغلي وقتج وتفكيرج بأمور ثانيه ونصيحه لاتخلين ريلج هو كل تركيزج ومحور حياتج وريحي عمرج من التفكير

استمتعي باللحظات مع اللي حواليج .. عيالج واهلج وخواتج وربيعاتج

واللحظات اللي تجمع مع ريلج استمتعي فيها

الورده لو غرقتيها ماي مب مثل الورده اللي تسقينها باعتدال

حتى المشاعر نفس هذه الورده ..

[الدرةالمصونة]

الله يسعدج معاه
بس يا ترى هو بعد يحبج هالكثر ؟
لا تحطيه همج الوحيد في امور اهم من هالحب والهيام

[احلى عيمانيه]

وحليلج الله يجعل من بينكم دوم ها الحب و اهم شي هو يحبج نفس ما تحبينه او يقدر مشاعرج بس احس شوفي اهتمامتج بعد لا تخلين الحب مشكلتج لا تضغطين على عمرج بها الحب

[meith]

الله يسعدكم حبيبتي بس مثل ما قالوا البنات الشىء لا زاد عن حده انقلب ضده ،،

حبيه وداريه بس ما توصل لدرجه العشق وانج ما نصبرين عنه بعض الرياييل وان شاء الله ريلج مب منهم ،، من يحسون ان حرمته ما تصبر عنه يسون اي شىء حتى لو كان يزعل الحرمه لانهم متأكدين ان الحرمه ما بتصبر عنه .

حاولي تشغلين نفسج باي شىء ولا اتمي تفكرين وايد فيه انتي اللي بتعبين بالاخير

[ماحد شراتي]

الله يخليكم لبعض .. تحملي تحسسينه بهالشي .. حاولي انج تشتغلين نفسج باشياء ثانيه

هل هو عندج 24 ساعه ؟ طبعا لا .. الرياييل مقسمين حياتهم لبيتهم واهلهم وربعهم .. فانتي خلج شراته

[Yazi.90]

الله يخليكم لبعض .. تحملي تحسسينه بهالشي .. حاولي انج تشتغلين نفسج باشياء ثانيه

هل هو عندج 24 ساعه ؟ طبعا لا .. الرياييل مقسمين حياتهم لبيتهم واهلهم وربعهم .. فانتي خلج شراته

نفس كلامها،

والله لا يغير عليكم ان شاءالله