ريلي طاح من عيني

[مشكلتي]

خواتي انا مالجة من 4 شهور وريلي كان يحبني
يسال عني
يتطمن علي
بيننا مكالمات و رسايل وهدايا وعايشين احلى جو

كنت احبه واحب اهله كلهم ومب مقصرة معاهم زيارات و طلعات و هدايا حتى كنت اطبخ فيوم اجازتي اوديلهم و ايلس معاهم واحبهم كلهم

بعد فترة حسيت امه مب طبيعيه اتدق نص الليل علي وتسالني عنه كنت استغرب منها نزين اتدقين تساليني عن ولدج وهو ساكن عندج نحن مانشوف بعض الا فالويكند

كانت تتصل وتسالني متى يدق اي ساعه شو قالج وجي ؟! ومن نبرة صوتها كانها مب مستانسه ومب من قلبها
لكن قلت شي طبيعي تغار
بعدين تغيرعلي ريلي قام مايتصل ولا يسال ويوم سالته قالي مشغول

وتغير فجاة 180 درجة فكل شي يسويلي مشكله ويكبر السالفة ويعاند ويسب يزعل ويغلط ومايكلمني كل اسبوع سالفة هني عرفت في شي صاير
صبرت عليه ماخليته تميت انصحه اللي تسويه غلط
فكر قبل لاتقول شي
حاسب
لاتعود نفسك جذي بتتعب وتعبني معاك
فيوم طلب مني ماكلمه لا اذا هو كلمني يعني اترياه وتاخر ويوم سالته قالي لاتخافين مابخرب حياتج و سوالي طاف اتصلت طرشت له مسجات بغيت اكلمه مارد علي
اخر شي طرشلي احترمي نفسج قبل لاتكلمين عن هلي انا مب مشكله
سالته شوقلت انا
شوسويت انا
شفيك ماترد
كملنا 3 شهور وهو مايرد علي
ولايزورني وكم مرة عندنا عزايم وجي وهو مايحضر ولا هله حتى رحت بروحي ومرة مع اهلي حتى بيتهم مايا يسلم علي مع انه كان موجود فلبيت
واهله كل حد كان يطالع الثاني كاني وحدة غريبه بينهم
خبرت اهلي قالولي خلج ساكته واصبري عليه

اسبوع اللي طاف امه مطرشتلي رساله اذا ماتتحملين ولدي وتصرفاته من الحين ليش ماتتطلبين الطلاق انتي مب اخر حبة ولدي الف وحدة تتمناه

طرشت له امك مطرشه هالكلام مارد اتصلت فونه مغلق

بنات انا ماسويتلهم شي ومحد يرد علي
امه مطرشتلي لو ماتبينه جاوبيني عندي بنات فالعيلة

بصراحة ماعرف شو اقول
احسهم مايبوني بس محد يفهمني شو صار وليش تغير

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

الكلمة الطيبة صدقة

[الموهبة]

نصيحتى لج امه لما تطرش رسايل قولي لها احبه ولن اتخلى عنه
وواضح في من يبغى يخرب بينكم

وواضح ايضا في من ينقل له كلام عنج
لا طرشي له رسائل اتركيه هو من يرسل
وحاولى تعزميه في بيتكم واهلج باين عليهم واعيين لا تردى على اي رسائل توصلج فورا حتى لو مستفزه
شوفي من بيتكم من هو الحكيم فيهم ورويه الرسائل بشرط ماحد يعرف بشي ابحثي عن الحلول

باين من كلامج انج ما زعلتيه بشي في احد دخل بينكم يبغى يخرب الحب بينكم تمسكي بحبج ولا تتنازلي عنه
وخطيبج عليه ضغوط من ناحية اهله والان بين نارين بين خطيبته وحبيبته وبين اهله

في كلمه حلوه قالها خطيبج لكن ما ركزتي عليها وهي

ويوم سالته قالي لاتخافين مابخرب حياتج

تدل على انه يحبج ومتمسك فيج لكن من يخلي امه تتدخل ويعبى راسها كلام ناس غيرانه منكم
وهو على نياته خطيبج لما يسائل هم تلاقي يقولو ما قلنا شي
لو مكانج ما تنازلت عنه واجلس عله على قلوب من يبغى يخرب حياتى لانه هو يحبنى

اي رساله توصلج منه او من امه لا تردى نفس الوقت تمعنى فيها ماعرفت الرد اسائلي احد من اهلج وحكيم كيف الرد يكون وواضح اهلج طيبين واذكياء

[دانه الكون]

واضح الام غسلت مخ ابنها

و تباها ياخذ وحده ثانيه

[.Dream]

واضح الام غسلت مخ ابنها

و تباها ياخذ وحده ثانيه

[مالتيزرس]

ليش تعاملج امه فالمسجات؟؟!!
دقي لها افهمي منها السالفة يمكن منقول لها كلام عنج غلط تاكدي

[Ward-uae]

نحن عندنا عيب البنت تروح بيت اهل ريلها قبل العرس فما ادري عن اهل ريلج جان سألتي اذا عادي او لا
عن امه لو دقت وسالت انتي كان غيرتي السالفة عموه الله يحفظج وامي تسلم عليج تأمرين على شي
خلي رمستج مختصره وخفيفه ولا تنقلين الرمسه أمك قالت وأمك سوت وأمك حطت الريال ما يحب جيه اكسبي امه تكسبيه هو
والامهات انواع وحده تحب تسيطر وتبي تعرف كل شي وهذا النوع ينفع معاه المسايس ومن تقول شي قولي ان شاء الله واذا ما حبيتي لا تجرحيها قوليلها ما فضيت او احد زارنا وان شاء الله المره اليايه
وفيه النوع اللي يتأثر اللي ما يكون لها راي وكل يوم لها كلمه بسبب الناس اللي قريبين لها
مثلا اشحال حرمة ولدج ؟
اوه هذي ما تحشم ويزيدن بالبهارات وانا حرمة ولدي جيه وجيه وتقعد تقارن وكله خريط
هذي على نياتها وبسرعه ترضى يبي هديه وبوسه على الراس وتبرد
فريلج شكله شي مضايقه طرشي احد من خوانج تشوفيه عاقل يرمسه رمسه رياييل بينهم يعزمه على كوفي ويسأله شو بقلبه ويكون هو حلقه الوصل بينكم وتفهمون شو السالفه وتنحل

[مس جوتشي]

الله يعينج من الحين جذيه يسوووىن عيل عقب كيف بصراحه انا رأيي انج ماتردين على رسائلها لانها تحاول اطلع اي ردت فعل عشان تخرب عليج خليج احسن عنهم والله يعينج عليهم

[ام طحنوون]

كلام ward-uae صح .. سوي نفس ماقالت
وامورج فالسليم

الموضوع كله مبين سووووء تفاهم او حد ناقل رمسة عنج او بيخرب بينكم


خلي حد من اهلج عاقل اييلس يلسة ويا ريلج و يكلمه .. وشوفو شو مستوي

وبس

ان شاءاالله الموضوع مابيكبر وبترد المياه لمجاريها ^_^

[khaleejiya]

واضحه المسأله الام ف بالها وحده ثانيه واحتمال كبير وحده من اهلهم وتبي بأي طريقه تخرب علاقتكم وتوصلها للطلاق
بس المشكله الولد متجاوب معاها ويسمع رمستها وهالشي يخوف و واضح ان الام لها تأثير كبير عالولد واي شي تقوله بينفذه

[وجدان الفجر]

نحن عندنا عيب البنت تروح بيت اهل ريلها قبل العرس فما ادري عن اهل ريلج جان سألتي اذا عادي او لا
عن امه لو دقت وسالت انتي كان غيرتي السالفة عموه الله يحفظج وامي تسلم عليج تأمرين على شي
خلي رمستج مختصره وخفيفه ولا تنقلين الرمسه أمك قالت وأمك سوت وأمك حطت الريال ما يحب جيه اكسبي امه تكسبيه هو
والامهات انواع وحده تحب تسيطر وتبي تعرف كل شي وهذا النوع ينفع معاه المسايس ومن تقول شي قولي ان شاء الله واذا ما حبيتي لا تجرحيها قوليلها ما فضيت او احد زارنا وان شاء الله المره اليايه
وفيه النوع اللي يتأثر اللي ما يكون لها راي وكل يوم لها كلمه بسبب الناس اللي قريبين لها
مثلا اشحال حرمة ولدج ؟
اوه هذي ما تحشم ويزيدن بالبهارات وانا حرمة ولدي جيه وجيه وتقعد تقارن وكله خريط
هذي على نياتها وبسرعه ترضى يبي هديه وبوسه على الراس وتبرد
فريلج شكله شي مضايقه طرشي احد من خوانج تشوفيه عاقل يرمسه رمسه رياييل بينهم يعزمه على كوفي ويسأله شو بقلبه ويكون هو حلقه الوصل بينكم وتفهمون شو السالفه وتنحل

مع الأخت ورد

[ريم العسووله]

روحي بيتهم مع حد من أهلج يوم يكون زوجج موجود و أمه و واجهيهم بالموضوع ... و سيفي الرسايل و المكالمات ... طبعا نسقي و اختاري الكلام الي بتقولينه كلام عقلاني لهم عشان ما تنقلب ضرابة ... و حسسيهم بأنج محتارة من الي قاعد يصير و تبين حل نهائي للموضوع و مسكي اعصابج و لا تخلين العواطف تجرج ... حلي الموضوع بالمواجهه العقلانية اذا ما تقدرين خلي حد من اهلج يقدر يتكلم و يشرح يروح معاج و الافضل يكون شخص كبير في العمر ...

احسن لج بدال ما تقعدين تعذبين نفسج بينه و بين امه ... حلي الموضوع دامج عالبر و في فترة الملجة


حسبي الله و نعم الوكيل هالامور وايد قاعدة تتكرر بعض الناس يظنون بنات الناس لعبة ... يا اخي اذا ولدكم ما يصلح للزواج او اذا انتوا نفسية و ما تبون عيالكم يتزوجون ليش تروحون تخطبون بنات الخلق ... ابدا ما في احساس بأي مسؤولية و ما في مراعاة لحرمة و قدسية الزواج ... يعني عيب والله بعض الشباب رياييل بشنب يتهرب من زوجته فتره الملجة و نفسيه ...يعذب البنت ... و اهله من صوب نفسية الحمدلله و الشكر ...

و الي استغرب منه اكثر الي يصدق كلام امه ... او الي يصدقون كلام ولدهم بدون ادلة و لا اثباتات على البنت ربنا قال في القران ( يايها اللذين امنوا اذا جاءكم فاسق بنبأ بتبينوا ) ... على طول يصدقون بدون تحكيم للعقل ... خصوصا اذا البنت كانت تعاملهم زين المفروض يحكمون عقلهم ... قبل ما يحكمون عليها و يتهمونها ...


اكرهه هالاشكال من الناس الي بدت تتكاثر في المجتمع
حسبي الله و نعم الوكيل ...

[sa7el]

لا حبيبتي ما افضل انج تروحين بيتهم،، ابد مش حلوة ومب جيمتج هاي

خلهم ،، اصبري عليهم وشاوري اهلج،،، حاولي تخلين اهلج حد من الريايل يعزم ريلج عندكم البيت

شوفي رد الاخت ورد كان اوكي

حاولي اطنشين وتبتعدين شوين خليج شخصية وثقيلة

رسمي لج حدود مع ريلج دامكم مالجين وبعدكم ما تزوجتوا

[mouzan7mod]

واضح الام غسلت مخ ابنها

و تباها ياخذ وحده ثانيه

هالشي الي ابا اقوله ، رمسي أمه وشوفي شو قصتها

[جهينـ111 ـة]

الغالية كل هذا من مصلحتج ، خلي كل شيء يبين قبل لا تتورطين معاهم
نفسج اعز ما عليج ،وخلهم يولون لا تفهمبن منهم شو السالفة ولا شي
لأن من الحين مو محترمينج ،وعقب شو؟؟؟
اذا مو شارينج طبيهم وطلبي الطلاق