القرية العالمية .. و الأشكال اليديدة !!

[الساحرة]

الكلام والله ما يفيد ، ليش ؟ لأن كلهم يعرفون تعاليم الدين

كلام الله ما يطيعونه كلامنا نحن البشر بيطيعونه ، ماشي فايده نهائيا من اي تعليق حول موضوع اللبس او الشكل او او او

النصيحه للناس الي تحتاجها الي ما تعرف الصح من الغلط ، الي ما يعرفون دينهم ، مب الي يعرفون و يعاندون

انا شخصيا موقنه ان كل الخليجيات يعرفن تعاليم الدين ، الكل !

فماله داع اعلق عليهم او اتضايق من اي شي ، مايخصني فيهم نهائيا ، هذي اعمالها هي فقط الي رح تتحاسب عليها مش انا و لا اي كائن

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

عيالج وعيالي باجر بيكبرون وبيسون مثلهم ، لو مب قدامج من وراج .. ها الوضع الحين
ماتقدرين تمنعين حد ^^

[**sara**]

الله يهدينا ويهديهم
شو تبيين فيهم كل واحد مسؤول عن تصرفاته
الواحد مسؤول ومحاسب عن تصرفاته مو تصرفات غيره

[طيبة*قلب]

مستغربه انكم ماتعودتوا كل شوي وخده منزله موضوع زعلانه
تعايشوا مع الوضع بس مو معناته تحرمين نفسك وزوجك وعيالك من الروحه للهاماكن

[Jimmy Choo]

سيروا استمتعوا بالجو البارد الحلو و اتشروا و استانسوا و غيرو جو ولا تضيعون وقتكم بمطالع الناس
الهبات هذي ماراح تخلص راح كل يوم تتغير و ياما بنشوف
اهم شي اللي لابسه جوتي بو ليت هي مستانسه عليه اخر وناسه
و كل واحد يسوي اللي يريحه


بس صدق ليش كل المنتجات نفس الشي و بكل الاقسام
يعني ليش مب كل قسم يتميز بمنتجاته الخاصه احسن

[غلآ نفسي]

خلاص تعودنا نشوف العجب

والله اليوم اقول ريلي شو نتابع وش نراقب ف عيالنا

مهما سويتي ومهما راقبتي ما تلحقين ع كل شي

الله يحفظ عيالنا من هالسوالف

وعن سؤالج .. اكيد قله الوازع الديني والاهل راضيين ويمكن بعد شي من الاهل ما يدرون باللي يسوونه عيالهم


انتي روحي واستانسي مع عيالج وريلج وبرايه الخلق خليناهم للخالق

[مراسيل الوفاآ]

موضه هالسنه العبي بدون شيل وتطلعلج من بينهم وحده
لابسه برموده وعباه نبا نفهم بس وين الحشمه !!
والجواتي اللي فيها ليتات


غير هالاشيا اللي شفته ف القريه احسه كل سنه ينعاد


الله يهديهم

[تركي العنود]

ربي يهدي الجميع

[رباب حمدان]

بسم الله علينا ...مع ان الحمدلله مب ناقصنا شي ولا نفكر نسوي هالامور

بس موضوع عرس البنات بدون تعليق استغفر الله

انا مرات استحي يوم اشوفهن

الله يستر علينا وعليهم

[يسوووورة]

أصلا القرية كلها مكان فساد
الموسيقى الصاخبة والرقص في كل قرية
وقدامهم الأم والأب والأبناء واقفين ويشاهدون الرقص
ما عدا المنصة الرئيسية
اللي فيها تعليم الرقصة أمام الملأ
(حركوا أسفلكم بكل جنون )
والسيارة اللي بتدور بالحديقة مع موسيقى جنونية وفوقها إمرأة ترقص
هذا مع أني مارحت سوى الامريكية والإفريقية

نحن لا نحرم نفسنا وأولادنا وأزواجنا
عندما لانذهب اليها
بل نحمي أنفسنا و نحميهم من الذنوب التي سنحملها بعد أن نخرج منها
لأننا يوم القيامة سنسأل عن أبصارنا وأسماعنا
ومن ترك شيئا لله عوضه الله خيرا منه

[ورقة ناعمة]

القرية بجمالها تتنوع الاشكال الموجودة من كل البلدان ويوم نشوف منظر القرية وجمالها نستغنى عن النظر


للاشكال الناس وملابسهم وطريقة ,,

كل شخص ما يخصنا بتربيته او طريقة لبسه اعتقد كل شخص طلع من بيته شاف نفسه وشافوه اهله

[مالتيزرس]

سالفة جوتي بوليتات اول مرة اسمع بها ....
دعو الخلق للخالق ..وكل واحد بيدش قبره بروحه محاسب على عمله

[ياقوتةخضرا]

التقليعات وهالأشكال موجوديم في كل مكان
يعني القرية مب هي السبب

من راقب الناس مات هما
الأولى اننا ندعي لهم بالهداية
ولا تنسين معظمهم من فئة المراهقين والشباب
يعني فترةمؤقتةوبيطلعون منها

أنا كل سنة أسير القرية واستمتع بها وبفعالياتها
وبالمشاري السنوية

وهالسنة تم تطويرها بشكل كبير واستوت ممتعة أكثر

وبخصوص الجوتي بو الليتات حاولت أمنع عيالي عنه لكنهم أصروا ..
ويوم لبسوه هم نفسهم حسوا انه شي مب صحي وتركوه عن اقتناع