قبيحه في نظر من حولي

[مشكلتي]

مشكلتي باختصار
كنت احب شكلي ، راضيه بخلقة الله ماعندي اي اعتراض ، و راضيه بكل شي الله عطاني اياه و بالعكس اشكره كل يوم ع اني بنت كاملة الخلقه واستودع الله كل اعضائي يومياً واحمده اني ييت ع الدنيا كامله وسليمه


لين اشتغلت ،

شفت الكل من يشوفني يستغفر يتعاملون معاي كان شخص مشوه ، اللي يعطيني الظهر ، اللي ييلس بعيد اللي يهمس للثاني "مبشعها" اللي تتكلم مع زميلي " مب ناقص شكلها مب حلو بعد اسلوبها مب حلو وماتتعامل باحترام " ويتمون يضحكون علما ان ماسويتبها شي وكلمتها عادي

الكلام ينقال بصوت واطي بس اسمعه ومرات وانا خاطفه يايه من مكان اسمع همس عني
اوين ممب حلوه

الكل يردد "مب حلوه"

واحد فيه البرص الحمدلله الذي عافانا تم يستغفر و يطالعني وهو متاذي كانه ماكل شي حامض نزين ياخوي مافكرت فيها ان انا الحمدلله ع الاقل ماعاني من مرض مافكرت يمكن انا متاذيه من منظرك !

وحده تغمز للثانيه اوين شوفيها وتاشر علي انه شوفيها

اكون فالاشاره واقفه اول ماتفتح الاشاره اللي ينفل بسيارته فويهي ويروح (نزين يخوي ماطالعتك ماكلمتك ماب فخاطري انت ولاتهمني )

كل يوم اسمع كلام من وراي واشوف حركات وانجرح واطنش الكل يشوفني بشعه و انا بتخبل لان احس اني مافيني شي غلط


بتخبل شو اللي يخليهم يشوفوني كريهه بتخبل لاني شايفه عمري حليوه ملامحي مافيها شي مب عارفه شو فيني البشع والكريه والمب حلو

تميت فتره منعدمه ثقتي فنفسي

تميت اكلم نفسي

مب مب ناقصج شي ومب اقل من غيرج بشي
وقوي ثقتج بنفسج انتي حلوه واللي يقول عنج بشعه مايسئ لج يسئ لربه اللي خلقكم في احسن تقويم يعني اقوي نفسي اصبر نفسي ققمت ماشوف ف عيون الناس كله راسي فالارض
تميت اتشع
ورديت قويه وواثقه بس لازال الكلام ماثر فيّا

مع ذلك ابكي ماعرف سو اللي مش حلو فيني عشان اعدله اشوف نفسي فالجامه وافتخر بنفسي و الناس ماتشوفني الا بابشع شكل ،


رحت لشغل وعن نسبة الجمال حط نسبة جمالها 30 %

المزيد من آخر المواضيع من نفس القسم:

• كرهت حياتي
• مطلقة و اريد اعيش لحالي
• مشكلتي الفراغ
• مضغوطه وفقدت الامل
• تزوجت مريض نفسي
• مشكلة حالتي بعد الأمومة
• مشكلة تقدم لي خاطب وافد
• مشكله بنتي
• زوجي تعبني بالضرب كليوم💔
• أواجه زوجي بكذباته ولا اسكت

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[المراقبة العامة]

تمت الموافقة

[سماءالأفق]

ولا تضايجين حالك الناس أذواق ما بتشوفين ملكات الجمال اللي أحيانا يختارونهم ..وانت تقدرين تظهري جمالك ببيتك من أساليب وروح ساحره ..وبالنسبه للناس اللي ماعندها أخلاق وتنتقد في شكل الغير ما يستاهلون تاخذين برأيهم..هذول ما يعجبهم إلا التغنج والفتاه الرخيصه ..خليك واااثقه من حالك ..واقرئي ورد يومي من القرآن وكل ألم تحسيه بنفسك تؤجرين عليه وقولي(إنا لله وإنا إليه راجعون)

[المراقبة العامة]

هلا فيك
اختي الكريمة
أنتِ تفتقدي الثقة التي كانت مسبقا تمتلكينها حينما كُنتِ مقتنعه بشكلك
ولكن يبدو أن كلام المجتمع أثر بشكل سلبي مما أثر على نفسيتك بشكل كبير
سأخبرك كلمات أتمنى التدقيق بها :
خلقنا الله في صورة علينا ان نحمده عليها فاعتراضنا يعد اعتراضا على الخالق جل وعلا
واهم مافي الموضوع ان تكوني راضية عن الخلقة التي خلقك الله بها
ورؤية المجتمع لك وانتقاداتهم كلها لاتُلقي لها بالا ولابد ان تعرفي ان المجتمع لن تستطيعي تغييره
فلو كان أمرا سهلا لاستطاع نبينا محمد صلى الله عليه وسلم أن يُقنع الناس بدين الله
إذا ارضاء الناس غاية لاتُدرك
طبعا لم تذكري لنا عن مدى اهتمامك بمظهرك من دونه ولذا نصيحتي لك :
اهتمي بنفسك كونك أنثى والأنثى بطبيعتها تهتم بالجمال في حدود
اهتمي ببشرتك إن كانت مجهدة متعبة وضعي بعض الاقنعة الملائمة لبنوع بشرتك
اهتمي بصحة شعرك واهتمي بتغذيته
اهتمي بجسمك وبوزنك بحيث يكون متناسب مع طولك وتفاديا للأمراض
ارتدي الملابش المناسبة للون بشرتك ولوزنك
ضعي الماكياج المناسب فبعض الماكياج يخفي عيوب البشرة المجهدة
كوني واثقة في كل مكان تتواجدي فيه ولاتلتفتي لهمساتهم ولاتعيريها اهتماما
لأنه لو كنتِ ملكة الجمال لربما وجدتِ من ينتقصك في اي امر اخر
وجملي نفسك بالاخلاق والروح الجميلة وصدقيني
واحمدي الله انه خلقك بصحة وعافية في وقت تجدي الغير يتمنى الصحة التي تمتلكينها
قد تقولي البداية صعبة ... لن اكذب واقول سهلة وبنفس الوقت ليست صعبة
فقط البداية ستكون منك ..... تحتاجي لفترة حتى تعيدي الثقة لنفسك
وأتمنى أن أجد تعقيبا بعنوان مغاير جدا يعطينا انطباع أن الأمور أصبحت على مايرام

موفقة

[Yazi.90]

حبيبتي انتي لا تهتمين لكلام الناس الله خلقنا فأحسن صوره تبارك الخالقين
اهم شي القناعه بالجمال ولو كان بالقدر البسيط !
مب لازم تكونين حوريه عشان تعجبينهم ! اهم شي انتي تشوفين ملامحج حلوه
وانتي بنفسج قلتي انا ماشوف فيني شي ،،
اذا انتي ماشفتي هالعيب اللي يتكلمون عنه معناته هذي ناس مريضه
الجمال اذواق صدقيني مب كل الناس ماتعجبهم ملامحج يمكن هذول اللي صادفتيهم بس
و الله المستعان على تصرفاتهم اللا مسؤوله والله انهم بيتحاسبون على كل كلمه جرحوج فيها ،،

فالنهايه اختي حبيت اقولج حتى الجميلات ماسلمو من لسان البعض ،،
يا بيقولون خشمها يا بيقولون مشيتها يا لونها يا يا
فإنتي خلج واثقه و لا تلتفتين لكلام البعض مهما كان
دايما ادعي بهالدعاء " اللهم سخرلي الارض ومن عليها "
" اللهم سخر لي عبادك الطيبين "

موفقه عزيزتي

[Oyster]

الله خلقنا باحسن تقويم مافي اي انسان قبيح

ولكل شخص ذوق ووجهه نظر لكن ماتوصل لهالحد الي اعتبرها وقاحه انهم ينتقدونج ويجرحونج جد استغرب من هالناس الي جيه ؟؟

الي عليج لا تعطيهم بال واهتمام خلج واثقه من نفسج انتي مب نافصنج شي .. العيب فيهم هم

[ملاآك قلبكـ،،]

حبيبتي مافي وحده خسفه
في وحده عرفت لنفسها ووحده لا

يعني يوم كنت فالمدرسه كانو يعطوني نسبة جمال
والحين اعلى
ليش لاني عرفت لنفسي عرفت شو اللي يناسبني وشو لا

[رسايل غلا]

اختي لا تهتمين لكلام الناس
بالعكس انتي تقدرين تقهرينهم بابتسامتج
وخصوصا يوم يرمسون عنج بسوء
امشي دوم وانتي رافعة راسج لفوق
سمعيهم دوم انج انسانة جميلة
وانج تحبين نفسج وتحبين شكلج
وكل شي فيج وأنه اي حد مب عايبنه
اكيد عنده نقص وشي ثاني
غيري مظهرج دوم نوعي فالاستايل
والمظهر عشان يعرفون انهم مهما
رمسوا ما بيقهرونج
والله يوفقج

[ظبيانيه 2014]

انتي توش بس تعانين من موقف ان انش قبيحه ؟
طيب وايام الدراسه كيف كان وضعش ؟

[اشراقة أمل]

عادي نفس مشكلتي تقريبا بس بعدين اقتنعت ان هذا شي نسبي

مع الوقت ببتاكدين انه بس شي نسبي ..

[cute uae]

الله خلقنا باحسن تقويم مافي اي انسان قبيح

ولكل شخص ذوق ووجهه نظر لكن ماتوصل لهالحد الي اعتبرها وقاحه انهم ينتقدونج ويجرحونج جد استغرب من هالناس الي جيه ؟؟

الي عليج لا تعطيهم بال واهتمام خلج واثقه من نفسج انتي مب نافصنج شي .. العيب فيهم هم

[mouzan7mod]

خليج واثقة من نفسج و لاتهتمين بالناس ،، كلام الناس لا يودي ولا إيب ، أهتمي بعمرج لعمرج مب لازم للناس ، لو بتسيرين على كلام الناس بتتعبين و أهم شي الراحة النفسية ، حتى لو أنتي مب حلوة ، ترى الناس ماتشوف قلبج تشوف بس شكلج ، و هالشي مب مهم كثر ما يهم (جمال القلب أهم من جمال الشكل)

[almal3ka1]

لو هالكلام ماثر فيج شوي ممكن تتعلمين تبرزين الاماكن الحلوة اللي عندج بمكياج خفيف

مب عيب ان الوحده تعرف لنفسها

[المووووج]

الجمال فديتج جمال الروووح
دامج مقتنعة وتحمدين ربج على نعمه عليج هذا يكفي
ودعي الخلق للخالق لا تهتمين للي يقولونه
مع ان ادري وااايد صعب على الانسان يقدر اطنش مثل هذه الاجواء
بس لازم اطنش عشان اقدر اكمل حياااتي ناس ضعيفة ايمان اللي تعيب خلق الله
لو كل انسان فكر بان الجمال وغيرة فهي خلقه الله ما عاب على حد

[الساحرة]

في حياتي ماشفت نفس هالتعامل ، يعني شفت بنات معدومات الجمال ، لكن ابدا ماشفت حد يعاملهم بهالطريقه

اختي انتي متأكده ان الناس تتكلم عنج ولا تتوهمين ؟

لأن مستحييل الناس كلها سيئه ، في الشغل و الشارع و كل مكان !! ما يجتمعون الناس ع الشر

فيه ناس متشوهه محترق ويها و محد يشوفهم بنظره دونيه !!!!!! فكيف انتي الطبيعيه يشوفونج بهالنظره مستحيل !!!