وصلت الى حد الكراهيه

[khaleejiya]

احس مسكين
هو شو كانت ردة فعله يوم قلتي له انج مغصوبه عليه؟؟

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[khaleejiya]

الله يهديج هذا اعتراف تعترفين به لريلج
أحس عمره مابينسى هالكلام كيف تتوقعين يعامل وحدة قالت له بالصريح انا مجبورة عليك ..
انتي سعادة المملكة بامكانج تسعدين نفسج واللى معاج وممكن العكس
اذا مشكلة في الفراش انتي نبهتيه ؟؟
ما ايي صوبج هالشي انتي وشطارتج الريال مايصبر أن شاف شيء يغريه
تعدلي ع لبس مغري وتجديد بين فترة وفترة وكريمات شد وبخاخ للساقين وكعب واستشوار وميكاب .. حد يقدر يقاوم كل ها ؟؟
انتي شغلي شطارتج وبتشوفينه كل يوم معاج الغلا..
سويله حفلة خاصة ورتبيها من الألف للياء .. خليها مفاجأة بكل معنى الكلمة
اكتبي له في بطاقة الحمدلله الذي قدر لي أن تكون أنت حلالي .... ومن هالكلام
خلج سعيدة واستقبليه بسعادة كلما نظر لج وربي أنها تأثر في أعماقه وبتشوفينه شيء ثاني
الريال اذا تمننتي عليه بينكر فضلج
لا تلمحين له أنا ساعدتك وغيره هالشيء يمسه شخصيا
انا يوم عرست اشتريت تلفزيون البيت ع حسابي لين يومج اذا فتحه يتضايج هههههه يقولي احسج تتمننين علينا قلت له لا وغيره وللحين يطالعني هاييج النظرة انه نعم فهمنا انتي شريتيه مع أنه نهاءيا ماقلت له شيء بس يتم بخاطره والريال لو بيده جان ما خلا الحرمة تصرف فلس ع البيت لكن حليلهم يغمضون ريلي كل راتبه يطير ع الإيجار والفواتير والبترول واغراض البيت ومصاريفي وهالراتب اللى يركض وراه شهر مايتهنى فيه المسكين !
حبيبتي لاتعيشين عمرج كله انج مغصوبة
شو ذنب ريلج وعيالج وماتدرين وين الخير يمكن هذاك لاتزوجتيه يطلع فيه عيب أصعب من اللى تشوفينها في زوجج
راجعي نفسج وحياتج وتأكدي أن التغيير بايدج فديتج

[دليل الشام]

للأسف نفس ماقالوا الخوات الحق عليج من بداية الموضوع دام انه عرف انج تحبين واحد قبله مابينسى ،ودام بينكم عيال حاولي ترجعينه لبيته وعياله فاسلوبج والكلمة الطيبة وانسي الماضي بيحلى الحاضر 🌷

[Lubna333]

حبيبتي كلن ونصيبه واللهم لااعتراض وربي يوفقنا لما يحبه ويرضاه يمكن هالنصيب خير لج والي كنتي تبينه بيلعوزج اكثر نصيحتي لج غيري مافي نفسج عشان تغيرين ريلج لازم قبل كل شي ترضين لانه لو مافي رضا لو شو ماتسوين مابتنجحين فاي شي لاترفسين النعمه واذا المشاكل من بينكم تنحل حاولي بالدعا والاصرار والتفائل والنيه الطيبه .. يارب يالله يوفقج ويهنيج ويسعدج

[احلى بعفويتي]

رده فعله وايد اوفر الصراحه حتى لو اعترفتيله ما يباله ها كله
بس شكله نجيس و حقود


المهم يا قلبي انتي شو رايج
تبينه و لا اسودت العيشه معاه
انا اجوف مادام دفعتي لبيت العمر حرام تطلقين و تستوي خلافات وتروح عليج فلوسج
اقبضي ارضج
واجبريه على الصرف بطريقه من الطرق
مثلا فاتورة الكهرباء خله ينقطع الكهربا و لا تدفعين
مصروف الصغاريه خذيه من جيبه ولا تسويله سالفه
كوني نسره في سالفه الماديه شكله يعاقبج عشان هالاعتراف