نتيجة مسحة عنق الرحم.. طلعت.. منو جي طلع لها؟

[m@rzouqia]

السلام عليكم بنات..

الله يسلمكم من أسبوع خذت عني الدكتورة عينة من تحت الله يعزكم..

عبارة عن مسحة عنق الرحم للحامل بالشهر التاسع..

وطلعت النتيجة وجود بكتيريا نوع B.

اسمها Beta B streptococcal

ولما سويت بحث طلع انها احتمال تأثر ع البيبي عند الولادة؟ وأنا خايفة من هالشي؟

اللي طلعت عندها شرات هالبكتيريا أو تعرف شي عن الموضوع؟ ياريت تفيدني..

مع العلم إني سويتها في مستشفى خاص وماعطتني أي دواء..

وقالت لي سيري المستشفى الحكومي اللي تراجعين فيه ورويهم النتيجة..

ومع العلم إني سويته في المستشفى الحكومي قبل كم يوم بعد.. بس مادقو لي عسب النتيجة..

ياريت تفيدوني بنات..

ويعطيكم العافيىة

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[فوحة الفل]

هلا اختي

انا الدكتوره سوتلي هالمسحه و قالت اذا شي بكتيريا بنعطيج المضاد وقت الولاده ، يعني الحين ما يحتاي لها علاج بس وقت الولاده بتاخذين المضاد ....


الله يقومج بالسلامه الغاليه

[غلآ نفسي]

يعني عندج التهاب الحين والا شو بالضبط

انا سويت هالمسحه ف مستشفى حكومي والصراحه ما قالولي شي ما عطوني النتيجه

وفالحمل الثاني ما سوولي أصلا

بس وقت الولاده قالولي عندج التهابات تحت بس الحمدلله ولدت والبيبي كانت سليمه ولله الحمد

[موجوع قلبي]

بنتي كنت جيه وربيت ولحمدلله سليمه أتخيل خياطه والتهابات وااااو الله يستر لمهم انا طال عمرج رحت صيدلية واشتريت تحاميل كانستل واستخدمتهم 5ايام لأنها خفيفه ولحمدلله قبل ماربي راحت مني بس انتي سأل دكتوره ولاتخافين كلامهم يعور الرأس بس هم يقولون يمكن وعليج بشرب الماء وااااايد

[همي اخرتي]

السلام عليكم ورحمة الله وبركاته

قبل لا اربي باسبوع اسبوعين سويت هالمسحة .. وعطتني تحاميل
والحمد لله ربيت سهولة وما واجهت مشاكل

[Um Mariam 84]

حبيبتي انا بعد عندي هالبكتيريا هي ما تأذيك تأذي البيبي لاسمح الله وقت الولاده في حال ما اخذتي مضاد ولكن هم بيعطونك مضاد قبل ما تولدي لازم اقل شي اربع ساعات و ما عليج ولا على البيبي شر

[دوا العوق]

انا بعد سويت بس ما اتصلوا لي بخصوص النتيجه

بس قريت فالنت شرات ما قالوا الخوات ان ما يأثر عالام بس يمكن يأثر عالجنين وقت الولادة عشان جي يعطونج مضاد وقت الولادة فقط يعني ما يباله علاج مسبق