ليش الظلم! هل انا دايما جي

[اشراقة أمل]

السلام عليكم ورحمة الله وبركاته ...

كيف الحال خواتي ؟ يصير هذا الشي الصار معاي

انا اداوم في معهد تعليمي في العين ... كسكرتيره

والمسؤول عن اعمال السكرتارية ... بنجلاديشي ...

عندهم من زمان ... بس مايعرف عربي ككتابه .. بس اتعلم من ناس المعهد

ويعرف شوي انجليزي ...

بس له من عشر سنين في المعهد ... ولكل يسمع كلامه

طلبوا منه يدربني يخبرني شو الشغل في المعهد


عشان عنده خبره معهم ... ولكن اسلوبه صعب ..

يوم ماافهم عليه او شي يشد علي بالحديث ! زعلت اكثر من مره ... بس مدير المعهد معتمد عليه ... ومايقول له شي!

اخر شي البنغالي ... يطلب مني اطبع له ملصقات لملفات وغيره ... ويرتب الملفات على كيفه!

حتى الفواتير مو مرتبه حسب التواريخ!

لما قلت له ارتبهم قال لا ....

طلب مني اسوي ورقه ...مكتوب فيها رقم الانترنت او الحساب

ورقة الحساب هذه قديمه شوي يعني مكتوب فيها حسابين ... انا كتبت الحساب الاول ...مو ثاني

لما انقطع الانترنت اليوم خواتي الكريمات اتصل المدير يريد ..رقم

راح رد عليه ... عشان انا كاتبه الرقم على ورقه حسب طلبه!

لما قال له المدير غلط!راح انصدم وراح يدور على رقم ثاني ! لانه مب حافظنه وهو له عشر سنين!

طيب ..حط اللوم علي ... قال هو مافي معلوم عربي! وانتوا خواتي تعرفون فاتورة اتصالات بالانجليزي!

انا ماعرفت رقم الحساب عشان كانت الفاتوره القديمه فيها رقمين

الفاتوره الجديده غير وانا سجلت حسب طلبه من الجديده! هو مايعرف شنو قديم شنو جديد ... يعني كنظام بيانات !

المهم المدير كان برع

صاحبه يستنى صاير يقول قدام صاحبه اني غلطانه .. دافعت قلت فاتوره غير عطيتني! واصلا الموضوع مب محتاج كل هذا!!

هو زعل عشان هو مب حافظ الرقم وانا دليته على الجديد!! لو مادليته مايعرف خواتي

يقول لصاحب المدير .. انا كم سنه هني هذه مشكله مايصير .. عشان انا اعطي هذه ورقه حق المدير وهو يشوفها!!!!



المهم احرجني قدام صاحب المدير وماحب يوم دافعت عن نفسي! وشد شوي بالحديث ... وصاحب المدير يقول طول بالك عليها

هي جديده .. وصار يضحك البنغالي علي ..

اخر شي صرخت ماتحملت وقلت له اذا لسان مال انت طويل انا اطول

واعتذرت من صاحب المدير

لان القصه ماله خص بها ! وماله خص يشكيني عنده او قدامه ! عيب هيك! والله عيب

حسبي الله ونعم الوكيل فيهم !


رحت تضايقت وطلعت من المكتب

يصير انسان ماكمل شهر .. يحاسبونه .. وبنغالي مايعرف اي حساب اوي شي يصرخ عليه

لي شهر احسب الحسابات من شهر واحد وادخلها

لي شهر اطلب الملفات مايعطني ولا ملف !

ليش جي!

المزيد من آخر المواضيع من نفس القسم:

• قرآن كريم
• هل هو شيء عاديٌّ ..أن نموت !!
• لكم وحشة يا عضوات المنتدي وين ايمكم
• عداوة اهلي لي
• محتاجة حليب الابل ضروري بنت تعبانة
• كيف تتحكم با بيتك عن بعد
• اعطوني نصيحتكم بنات
• وهُم قِطَعٌ في آلة الحياة
• اريد سائقة توصيل من ام القيوين لدبي
• السلام عليكم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[سماءالأفق]

معظم اماكن العمل بالبدايه تشوفين أشياء كذي وتلاقين ناس خايفه تكوني أفضل منها وناس ما تعطيك التقدير اللي تستحقيه
من أهم أسباب النجاح بأي عمل إنك تتجاهلين شوي حتي تثبتي حالك وذاتك وتكوني عمود من الأعمده المهمه في العمل
ومن العادي جدا إنك تلاقي ناس تعاملك بطريقه إنت مو متعوده عليها وما يعرفون قدرك الصحيح هذه الأشياء تخطيها بالتجاهل وحسسيهم إنك موشايفه وكإنك مشغوله بأشياء أخري وكوني علي إصرار إنك تعرفينهم حجمك وقدراتك بعد كذي بتصير الامور تمااااام.

[اشراقة أمل]

بس اختي سما .. هذا غلط ..

ومب متحمله ..

[سماءالأفق]

هي المشكله إن بكل عمل تلاقين فيه ناس ضميرها ميت والغلط وين تشوفينه ؟ بالعمل واللا برأيي

[سماءالأفق]

معلش كنت فاهمة الموضوع عدم تقدير بس موب حسابات وغير تخيلت انه غيره ضميرهم ميت يبي يطلعك من العمل
أكيد طبعا الضمير مافيه كلام

[اشراقة أمل]

العمل اختي رايك محشوم .. وعلى عيني وراسي

انا مااغلط على الناس ..

[اشراقة أمل]

معلش كنت فاهمة الموضوع عدم تقدير بس موب حسابات وغير تخيلت انه غيره ضميرهم ميت يبي يطلعك من العمل
أكيد طبعا الضمير مافيه كلام

هو اختي مو حسابات .. اقول اني كنت ادخل الحسابات ومسؤوله عنها طول الوقت

وهو غير مسؤول عن شي .. لما صارت مشكله برقم الانترنت زعل وسوى لي قصه قدام صاحب المدير

! ليش جي

[سماءالأفق]

المقصود من كلامي كان يخص اللئام اللي يبون يكرهونك بالعمل وما يعطونك قدرك الله يسهل عليك الأمور ويعطيك وظيفه وااااااايد رائعة وغير متوقعه ولا تزعلين حالك

[سماءالأفق]

لا تزعلين بس لأنك جديده والجديم يكون له وضعه حتي لو انت أفضل

[اشراقة أمل]

المقصود من كلامي كان يخص اللئام اللي يبون يكرهونك بالعمل وما يعطونك قدرك الله يسهل عليك الأمور ويعطيك وظيفه وااااااايد رائعة وغير متوقعه ولا تزعلين حالك

شكرا اختي ...المشكله اليوم ماحد نظيف ... حسبي الله ونعم الوكيل

انا غلطانه برقم حساب انترنت مطلوب عشان دفع الفاتوره! لو غلطانه على طالب .. او طالب مب ناحج او فواتير مدخله غلط شو بيصير!

حسبي الله ونعم الوكيل ... هو مامتحمل كثير مسؤوليه غير كان يودي حق البنك فلوس المدير بعد مايكون مخزن الرقم في موبايله!

لو في اي مشكله هو مب مسؤول

[سماءالأفق]

الله يبهرك بكرمه وتنجحين نجاح منقطع النظير وتلاقين التوفيق بكل مكان تروحينه آمين يارب العالمين

[اشراقة أمل]

الله يبهرك بكرمه وتنجحين نجاح منقطع النظير وتلاقين التوفيق بكل مكان تروحينه آمين يارب العالمين

مشكوره اختي ..انتي وايد طيبه .. الله يخليكي دوم .. ويعلي مراتبك دنيا واخره .. انا خلاص ..وين ماطقها عويه!

خلاص اريد بس حسن الخلق من الناس...

[اشراقة أمل]

اريد خواتي بس حسن الخلق من الناس

اريد حد يرد علي رد يخليني احس اني زينه مب شينه ... لان الكل مخليني اشين وحده !

[اشراقة أمل]

اذني قايمه علي تعورني .. وتزيد الحين مع الزعل ... ومافي حد مقدر.. شو اسوي!

[لحنْ #]

اول شي لفت نظري شي ، اسلوبج بالكلام والطرح نفس عضوه اسمها " شعاع امل "
ف مادري فضول فيني ابا اعرف انتي هي ولا لا ^^
اما بخصوص موضوعج ف احس انتي مكبره السالفه شوي .. الشغل عادتا لازم تصير فيه هالمواقف والشاطره اللي تتجاهل وتكون اقوى
اذا بتتحسين من ابسط شي جي ف صدقيني مابتنجحين وبتتعبين نفسج ع الفاضي ..
اذا تحسين بتجاوز باسلوبه معاج قوليله لو سمحت تكلم كويس ، وبس
خليج جاده معاه ولا تبتسمين حتى سوي شغلج وبس ، ويوم تغلطين بالمستقبل ويشد بالكلام قوليله نبهني باسلوب كويس ماف داعي تشد بالكلام
يمكن يوم يشوفج جي كله تسكتين يتقوى عليج ، ف خلي لج شخصيتج
وبنفس الوقت المواقف البسيطه العاديه عاديه ، جي الحياه شو بنسوي
ومثل ماقالت الاخت سما يمكن لانج جديده شوي شوي بتتأقلمين
ولا تتعبين نفسج محد مستاهل