ريلي يهددني

[الصدر الحنون2]

السلام عليكم
http://forum.uaewomen.net/showthread.php/1228553-%D9%85%D8%B4%D9%88%D8%B1%D8%AA%D9%83%D9%86-%D9%81%D9%8A-%D8%B1%D8%A7%D8%AA%D8%A8%D9%8A-%D9%88%D8%B1%D9%8A%D9%84%D9%8A-%2A_%2A

هذا موضوعي السابق

خواتي انا بموت من الضيج كررررهت الدوام والفلوس والدنيا بسبب ريلي حسيته مايباني الا عشان الدوام انا داومت بعد ماعرست

ريلي غصب يباني اصرف عالبيت كم تضاربنا وغلط علي وهددته قلتله بدخل اهلي فالموضوع ماتعظ كل مرة لين غلط علي بكلمه قبل البارحه وخلاص وحسيته صدق طلع من خاطري مالي خاطر أتكلم وياه وقلتله كل الكلمات اللي غلطت علي مابتروح سدى أفكر ادخل حد بس قلت يسامحه هالمرة لان صدق مابي مشاكل واخاف يشل ولدي مني💔

انا ماقصرت وياه فالبداية بس شفتها مصخها انا تنازلت عن مصروفي وتكفلت بالايجار نظرا لظروفه ابا اشوفه مصخها ويجبرني غصب اصرف وعلى كل درهم يحاسبني ابا اطلع من الدوام امي مايباني اعطيها وايد قلتله دخلت جمعيه عصصصصصب وقال تدخلين جمعيه ونتي تشوفين ظروفنا كيف اونه كنسليها قلت مابكنسلها اونه انتي هبله ماتعرفين تتصرفين وووو الخ قلتله كيفي فلوسي احرقها ان شاءالله قال مب كيفيج هذا بيتج وتصرفين عليه ولا اطلعي قلتله انا هذا شرطي قبل الزواج أني اشتغل ليش ماقلت اصرفي وووو الخ سكت
على فكرة قالي مابا فلوسج تروح في صوالين والخ وإذا ابا أخذ شي يقولي مب ضروري
ودوم نطلع يشوف سيارة هو خاطرها فيها يتم يقول مميزاتها و يلمح أني اخذها له
ومرة كنا نتناقش وقال انا تورطت بالزواج
هو يفكر انه بياخذ مواطنه تصرف عليه والخ

المهم انا كااااااارهه حياتي معاه قسما بالله يقهرني لايحس بتعبي ولاشي وكله ينتقد الحين شسوي الكل عادينه ريال

ادري كلامي مخربط


حتى مالي خاطر أسير الدوام


😭

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[افناان]

صباح الخير
جربي تقعدون مع بعض في مكان برع البيت و تتناقشون بهدوء و بصوت هادئ اهم شي بدون صراخ و انفعال و تفاهموا بخصوص هالمسألة ، و عليج بالدعاء و الاستغفار خليهم سلاحج الدايم و الله يكون في عونج ،، بس شو ظروفه المادية هل فعلا سيئة ؟؟ و لا مسألة تعود انج تدفعين ؟ أحيانا الظروف المادية الصعبة تخلي الانسان عصبي

[ماسه حساسه]

الله يفرجها عليكم

[almal3ka1]

الله يصلح الامور بينكم

[Ward-uae]

ما فتح لي الرابط
اخذي اجازة اذا ما عندج رصيد إجازات اخذي بدون راتب واذا زعل وعصب لا ترادديه سيري سويله طبخه من ايدج قام وما طاع ياكل خليه
تعاملي معاه جنه ياهل بس لا تسبي او تصارخي هدي واسكتي واذا اطالعج ابتسمي
اذا سألج ليش ما تروحين الدوام خبريه بطيب حد يخلي هالويه ويسير صدقيني بتحصلين كل اللي تبيه
شكلج عندج ضغط في البيت والدوام لا تدمجين كل المشاكل مع بعض خلي مشاكل الدوام في الدوام ومشاكل البيت في البيت بترتاحين اذا هالدوام لحاجه اصبري وان شاء الله بيفرجها عليكم

[اشراقة أمل]

طيب ... هنا عندما يتزوج الرجل المراه من اجل المال .. خاصه لو كانت مب غنيه ولكن موظفه!

هذا الغلط ... الله يكون بالعون

[Like Star]

انتبهي انتبهي انتبهي لو يستوي احسن ريال ف العالم لاتاخذيله سياره
ولا قرض ولا شي
داخل ع طمع ومبين كل شي الله يسخره لج خلج عند موقفج ساعدتيه ف الاجارً ويكفي واكيد تدفعين ع أشياء ثانيه هو ريال وملزوم فيكم

[اشراقة أمل]

انتبهي انتبهي انتبهي لو يستوي احسن ريال ف العالم لاتاخذيله سياره
ولا قرض ولا شي
داخل ع طمع ومبين كل شي الله يسخره لج خلج عند موقفج ساعدتيه ف الاجارً ويكفي واكيد تدفعين ع أشياء ثانيه هو ريال وملزوم فيكم

مع الاخت

وانا احذرك ثم احذرك ...تعطين ريال لو زوجك ويه

[Ward-uae]

مع الاخت

وانا احذرك ثم احذرك ...تعطين ريال لو زوجك ويه

حياة الرسايل فل عندج
محد يعرف شو ظروفهم ؟
ليش هي تدفع أجار الشقة ؟ هو ما عنده اهل يسكنها في حجره وحمام
هي تقول قبل العرس ما كانت تشتغل وما قال شي ومن اشتغلت تغير عليها
هي ادرى بريلها وتعرفه
اكسبي قلب ريلج بيعطيج عيونه

[Ward-uae]

فتحت آخر موضوع لج
اختي كاتبة الموضوع اذا تحسين راحتج انه تتركين الشغل بترضين تعيشين معاه على قد ميزانيته
اذا تبين تدلعين نفسج مب لازم تغيضيه جدامه تشترين بالآلاف
عطي اختج او ربيعتج تشتري لج
سيري وياه شوفي اللي يعيبج وبعدين سيري لاختج خبريها تشتري لج الغرض اللي تبيه
يعني تخيلي ريلج ما عنده فلوس لأغراض البيت وطلبتيه يوديج السوق تشتري جدامه شنطه بعشرة آلاف شو بيكون شعوره

[[..دانــة..]]

جفت موضوعج الجديم، هذا طبع ريلج وأنتي عطيتيه مجال من البداية
الحين عندج حلين:

إما إنج تستمرين وتعطينه مثل ما اتفقتي وياه فالبداية وتراعينه فالمصرف بحكم التزاماته
وأطلبي منه يراويج كشف حسابه عسب تعرفين وين تروح المبالغ اللي عنده وتتفهمين موقفه أكثر

أو الحل الثاني
تقطعين عنه كل الدعم المادي وتوقفين .. ع مبدأ أنج مب ملزومة بالصرف وبهالمسؤولية
واللي بيترتب عليه نتيجة هالشي تاخذينه بعين الاعتبار

ف أي الحليين تبين؟

[أم محمد1988]

دام تبين ريلج اتحملي واصرفي ع بيتج عادي ..

بس هذا مب معناته انج تعطينه البيزات كاش يلعب فيهم لاا ..

اذا احتاج عطيه علشان بيتج وعلشان تستمر حياتكم من غير ضرابه ..

والانفصال طبعا مب حل لأنه بتكونين انتي الخسرانه فالنهايه والبيزات ما بتعوضج عن وجود زوج ف حياتج .. ترى حطي فبالج في وااايد بنات يشتغلن مب معرسات وعادي عندهن يدفعن كل شي بس يبون ريال ياخذهن ..

ليش تهدمين حياتج عسبة بيزات .. واذا عيبج شي عادي خذيه من بيزاتج مب لازم هو ياخذه لج .. واذا قالج شو تبين فيه لا تاخذينه قوليله خاطري فيه وأنا بدفع .. ماظن بيقولج شي بعدها

موفقه ان شاء الله

[احلى بعفويتي]

لا تهدين دوامج ابدا \هديه هو احسن
يعني ريال طمعان فيج وفي معاشج تهدين شغلج عشان موليه تتحسرين
لا كوني قويه قوليله بتصرف علي
واذا ما يبا الفرقا احسن شو بعد ياخذ فلوسج بارد مبرده
المهم لا تاخذيله سياره خله يولي
وولدج حقج محد بياخذه لاتزيغين انتي حاضنه لهم من عمر 0 الى 13 سنه اذا ولد بعدين يخير يبا امه ولا ابوه واغلب يبون الام
ومادام ما بتعرسين انتي الحاضنه

[سماءالأفق]

جعله الله لك كما تريدين

[غلآ نفسي]

جعله الله لك كما تريدين

الله ع الدعاء

آمين