خداماتي واهلها

[فتنة الكون@]

السلام عليكم خواتي بدخل في الموضوع على طول انا وصلت خداماتي البنغالية من 15يوم هي مشتغله قبل في الامارات من عشر سنين والأردن سنتين اول كم يوم حاولت تسوي نفسها غبيه وما تعرف شي والشغله اللي يبالها عشر دقايق أتم عليها ساعه ويوم قلت لها بردج المكتب اعتدلت بس مشكلتها كل يوم والثاني تبا تكلم اَهلها وما تسكر لين يخلص الرصيد لا ومب عاجبها تقول تبا تكلم اَهلها من تليفوني الثاني الخط لان ما يخلص كلمتها وفهمتها ما يستوي كل يوم والثاني اتصالات هاي فواتير ومافيني كل يوم والثاني تتصلين تيلس تصيح قلت لها لو مب قادره ع فراقهم ليش يتي تشتغلين جان تقول لا عندي مشاكل ولازم احلهاابا رايكم خواتي شو اسوي معها ًحتى لو عطيتها موبايل كيف كل يوم بتحط رصيد عشان تكلمهم مب عارفه كيف اتصرف معاها

المزيد من آخر المواضيع من نفس القسم:

• طلبات تمريض وعماله منزلية
• طريقة تدريب الخادمة على الطبخ
• كيفية السيطرة على غضب الخدمات
• نصائح لتعليم الاطفال كيفية التعامل مع الخدم
• للي محتاجة خدامة
• إتيكيت وفن التعامل مع خادمة المنزل ‏
• خادمة اثيوبية ممتازة جدا للتنازل
• نصائح للتعامل مع الخادمة
• دريول الموظفات وسيدات الأعمال مميز
• افضل طرق التعامل مع غضب الخادمات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[لحنْ #]

يوم تبا تكلمهم قوليلها اشتري رصيد وبعبيه وكلميهم .. قوليلها ماعندي رصيد ولا جان عطيتج
هذا ف حاله انها تتعذر او تكذب
لكن اذا تحسين ان فعلا شي مشاكل بعائلتها ، يعني يوم تتكلم وياهن تحسين ان مركزه وتناقش وجي مب ضحك وسوالف
ف برايي تهاوني معاها شوي ^^
موفقه عزيزتي

[ام لامية]

خليها تجيب رصيد من راتبها عشان تحس
انت حددي لها رصيد وقدره على حسب قدرتك من عندك مرة بالاسبوع والمكالمات الاضافية هي تدفع ثمنها من راتبها
راح تخفف المكالمات لحالها

[ام بدور1]

اختي اشتري لها بطاقة هلو هالبطاقه للمكالمات الخارجيه اللي ب١٥ درهم تقدر تتكلم مدة ساعه و٤٥دقيقه وشي اللي ب٣٠ تقريبا تقدر تتكلم فيها تقريبا جريب الاربع ساعات

[ام بدور1]

فعلا انا نفسالشي البنغاليات اللي عندي نفس الشي يوم يرمسن بالتلفون يتمن لين يخلصن الرصيد يعني اتم جريب الساعتين ترمس فمن الاول خبرتهن ان لكل وحدة بطاقتين من عندي في الشهر وبس وكل بطاقه فيها جريب الساعتين
كنت اخذ لهن اللي فيها جريب الاربع ساعات وكل وحدة بطاقتين في الشهريعني كل وحده لها ثمان ساعات في الشهر فحسيتهن ماخلن حد في بلادهن الا ويرمسنه ويوميا
فاشوف البطاقه اللي فيها جريب الساعتين وايد احسن

[فتنة الكون@]

خواتي للحين مكلمه اَهلها في حدود اميه وشوي ها غير يوم تكلمهم من البطاقة الخط وغير تجي اخاف انها تبا تليفون عسب تشرد او تسولي مشاكل والله محتاره معاها وغير تجي هاي الاتصالات كلها في خلال ١٥ يوم بعدها ما استلمت راتبها مابا اظلمها وبعد أخافها تشرد لانها اول ما يبتها من المكتب قالت الحرمه الأردنيه اللي كانت تشتغل عندها في الاْردن يت الامارات وتباها تشتغل عندها من تجي أخافها تسو لي هالحركات عسب اييب لها تليفون وبعد عندها رقم مال الامارات تقول هاي ربيعها موجوده هني بس ما خليتها تكلمها

[الــــدبـــــه]

الغاليه سكتي عنها وعطيها الاذن الصليه
قوليلها لين ينزل راتبج بشتريلج تلفون
ورصيد من معاشج بحطه لج ورمسي اهلج
تبين تخسرين معاشج كله على التلفون كيفج
لكن تلفون المدام الخاص لااااااااء

ولو مابغيتي تييبين لها تلفون الغاليه من معاشها خل تاخذ بطايق وترمس أهلها
انتي خلاص عطيتيها من يت من جيبج تدفعين على صرف مكالماتها
هالمره هاتي دفتر وسجي فيه التاريخ ورقم البطاقه ولو ادبسين البطاقه بكبرها فالدفتر احسن وخليها توقع انها استخدمت هالبطاقه
وانج من هي تستلم المعاش تاخذين فلوسج منها اللي دفعتيه لها للرصيد عسب تكلم أهلها


البشكارات ان شاء الله محد بيظلمهن
لكن بعد لو انعطن ويه وايد تراهن يتمادن
ويركبن فوق راسكم وفالاخير انتوا تتبهدلون
حطوا حدود حمرا بينكم وبينهم
هم يايين يشتغلون مب يلعبون
واذا على التلفون افضل تعطينها تلفون خاص فيها
هي تخسر فلوسها عليه افضل من انج تتبهدلين معاها
وبعدين من حقها لو تبا ترمس أهلها كل شي انتي فكي عمرج من الصدعه
وهاتيلها تلفون نوكيا بو ليت الرخيص وخليها تراري فيه ليل ونهار مع اهلها لو تبا
بس الرصيد من معاشها مب من جيبج


والسموحه

[Ward-uae]

ما بخوفج لكن سالفة خدامتج شرات سالفة خدامة ربيعتي شردت بعد ما عرفت كيف تفتح الدريشه
انتي طنشيها واذا يايه تشتغل بتشتغل ما تبي رديها المكتب بعدها في فترة الضمان

[[..دانــة..]]

من أولها جي ينعاف تاليها
من اللي اجوفه الخدامة اللي هذا أسلوبها ما أطول
لأنها بتبدأ تفتعل مشاكل في هالسياق
دام ضمانها بعده رجعيها للمكتب نصيحتي لج

[Yazi.90]

اوفر هاي الصراحه كل مره تباج انتي تدفعين لها
انا خدامتي اللي كانت عندي من نفس الجنسيه ،
اخليها تدفع رصيدها من فلوسها بس ماكانت هالكثر تتكلم
اكيد ماشي وحده بتضيع راتبها كامل عالرصيد !

مثل ماقالن خواتي قولي لها رصيدج انتي تدفعينه
و اذا انتي حابه بين فتره وفتره تتصدقين عليها وتعطينها
يعني جي شرات المكافأه على شغلها بس لا تخبرينها بهالشي ،
لانها بتم تحشرج متى تعطيني . .

[ليندااااا]

اشحنيلها مرة بالاسبوع
واذا بغت تكلمهم تشحن من فلوسها علشان تحس وتختصر الكلام الي ما له لزوم
بس اذا حسيت فعلا عندها مشكلة هوني معاها

[فتنة الكون@]

يوم كلمتها عن سالفت البطايق واتصالاتها الأوفر جان تقول تباني اييب لها كل شهر ٣ بطايق من عندي ولو احتاجت زياده من راتبها ويوم عصبت عليها جان تقول نحن مسلمين ولازم تساعديني

[الــــدبـــــه]

اختي لاتسمعين لها عيل
هاي متبطره
قوليلها من الاساس مابعطيج وخلاص
كله بيكون من معاشج
انا اعطيج معاش عشان تشتغلين عندي مب عشان ترمسين فالتلفون
والتلفون ممنوع تتكلمين فيه الا في وقت فراغج
كلام وانتهى

[فتنة الكون@]

والله يختي قلت لها هالكلام بعطيج تليفون والبطايق من رصيدج ما عيبها اونه لازم اعطيها من عندي ثلاث بطايق

[Yazi.90]

لا تسمعين كلامها هذي شكلها حاسه انج ماترومين تستغنين عنها
شهالتعجيز نخسر فيهم وفوق هذا نعطيهم الراتب وبعد يتشرطون ؟
انا اقول لو تقدرين طبيها عنج