بوتكس المعدة

[بنت محمد 007]

تجربتي عن البوتكس مستعدة اشاركم فيها بكل صراحة

- - - Updated - - -

اول شي انشالله تجربتي تفيد اي اخت محتاجة او تفكر تسوي بوتكس المعدة
اول شي تكلفة العملية
17 الف درهم المنظار
1000 وكسور قيمة الابرة اللي فيها البوتكس
1000 وشي غطاها التامين اللي هي للفحوصات
300 درهم مراجعه على طول بعد العملية لدكتورة التغذية
المهم
انا سمعت عنها من فترة وحطيتها في راسي لانها تنفع للي يحتاج ينزل 20 كيلو مش اكثر لانها وقتية البوتكس يحتفي خلال الفترة من3 الى 6 شهور
المهم خذت موعد الموعد على طول العمليه ما سولي اي فحص قبل الفحوصات كانت بعد المهم الدكتور كان من عمليه لعمليه ما عطاني اي معلومات توكلت على الله ودخلت على طول بنجوني وما حسيت باي شي الى الممرضة تصحيني والدكتور يكلمني يقولي ان خلاص الحمدالله تمت العمليه وفي ان فيني جرثومة المعدة بيعطيني حبة اكلها في نفس الوقت وبعدين انزل الصيدلية في ابرة لازم اخذها ومعاها وصفت الجرعات المهم خذت الابرة وتوكلت على الله العملية خذت من الدكتور 20 دقيقة تقريبا وبعدين تميت نايمه شوي من البنج وعطاني الدكتور جدول التغذية وطلب مني امر على دكتورة التغذية احسن
المهم الاسبوع الاول كان كله سوائل فقط ولا نقطه طعام ابدا
نزلت 5 كيلو
الاسبوع الثاني مهروس
الاسبوع الثالث اكل طبيعي بس خفيف عباره عن رجيم 1000 سعرة حرارية
اللي صار انا من شهر ونص سويتها الحين نازلة 10 كيلو
اكبر مقلب ان البوتكس ما سوالي اي شي غير عسر هضم
لو ابا اكل قد ما ابي اقدر بس الحلو اني ما اجوع مش بسبب البوتكس بسبب الابرة
الابرة طلعت هي اللي تضعف
الابرة يوصفونها لمرضى السكر اسمها فيكتوزا
تحرق الدهون وتسد الشهيه
اكبر مقلب صارلي البوتكس ليش من الاول ما عطونا الابرة وخلاص !
المهم معاناتي ان سببلي امساك في شهر ونص ما رحت الحمام الا بمسهل
طول الوقت كل ثانيه اطلع الغازات من ثمي ما اقدر اقعد مع الناس من الاحراج
هل بسويها مره ثانيه لو احتاج الامر طبعا لا ومستحيل وانصح كل وحده ما تسويها لان من تجربتي والله اعلم اذا انا غلطانه ما تضعف كل اللي تسويه انها تسوي عسر هضم فقط هذي تجربتي والله على ما اقول شهيد انشالله افيد اي شخص لاني للاسف محد نصحني ولا لقيت اي معلومات عنها قبل لا سويها

المزيد من آخر المواضيع من نفس القسم:

• افضل نظام غذائي مضمون لتنحيف البطن امن وفعال
• رجيم الكيتو في رمضان
• اهم اخطاء شائعة في الرجيم
• افضل طرق تنحيف الارداف
• خطوات واسرار تنحيف البطن بسرعة
• افضل نظام غذائي للتنحيف بعد الولادة القيصرية
• افضل طرق تنزيل الوزن الثابت
• افضل رجيم سريع ومضمون للتنحيف
• افضل اكلات لتنحيف وشد البطن
• طريقة زيادة الوزن في اسبوع للنحيفات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماحد شراتي]

يزاج الله خير على عرض تجربتج

زميلتي فالدوام وربيعتي عانن منها وتجاربهن جدا سيئه

الحمدالله على سلامتج

[بنت محمد 007]

الله يسلمج انشالله يروح مفعولها في اقرب وقت

[الأحلام الملونة]

جزاك الله كل خير

الله يعافيك وتوصلي للوزن اللي تتمني بصحة وعافية

[حلم الجنة]

عندنا حد سوا العملية ما نفعت معاه وتنزيل الوزن صعب جدا معاه ما فرقت
لان هو اصلا مافي اكل اول اسبوع وثاني اسبوع طبعا بينزل الوزن مش من العملية من تخفيف الاكل
وبعدين رياضة يوميا الواحد يسويها بدون العملية
وبس حبينا نفيد الناس بدل ماتدفع بشي غير مفيد

[موززه^^]

الله يوفقني وياج ويحفظني وياج من السمنه والامراض ومن عين كل الناس

ويارب يقوم ربيعتيه بالسلامه ويسعدها هي الطبيب قالها مايصلح لج لان وزنج وايد زايد

- - - Updated - - -

الله يوفقني وياج ويحفظني وياج من السمنه والامراض ومن عين كل الناس

ويارب يقوم ربيعتيه بالسلامه ويسعدها هي الطبيب قالها مايصلح لج لان وزنج وايد زايد

[maryamba]

والله كلام بنت محمد صح نفس اللي قالتة صارلي بضبط ،،،،و في وقت الاستشارة الدكتور ابدا ماذكر اسم ابرة الفيكتوزا victoza ،،، كنت اتحسب هو فقط ملئ المعدة بالبوتكس ، و انا اصلن عندي فكرة عن ابره الفكتوزا قبل مايوصفها لي الدكتور و كنت شارتها من قبل،،، بس من بعد ماقريت التعليقات و اثار الابره قلت مستحيل استخدها لانها اتسوي سرطان في البنكرياس او الغدة،،،، و اتفاجات كيف الدكتور وصفلي الابره بعد ماسويت العمليه البوتكس،،،ليش ماكان صريح من البداية و قالي انة بعد العمليه لازم آخذ كورس فيكتوزا يعني صراحة اقوى مقلب في حياتي ..بس عند ربكم مايضيع... و اللي يقهر اني سالت الدكتور عن الاثار الجانبية قبل مااسوي العمليه و قالي مافي..ابدا ماذكرلي انها اتسوي سهال شديد ،،و تقيئ يومي ،،،و اكتآب،، و خموووووول،،، اخر شي اللي ينزل الوزن كله طلع من ابره الفيكتوزا مب من البوتكس اللي في المعدة ،،، حبيت اشارك معاناتي و يستفيد غيري ،،،،

[مسوية تسريحة]

قريبة لي توفت قبل كم شهر من هالعمليات صج انتبهو بنات

[(خيماويه)]

مستحيل توفت بسبب البوتكس لان وااااايدين مسوينه وهو مجرد منظار مش عملية جراحيه

[الوردة الجورية]

مادري ليش حسيت من اسمه بوتكس المعدة انه جذب
لو اتبعتوا الريجيم اللي مسوينه مع هذي العملية كان الوزن بروحه نزل طبيعي بدون عمليات

[maryamba]

بوتكس المعدة ينزل الوزن و بتلاحضون الفرق بعد اسبوع بس اهم شي تكونين قوية و تتحملين و اللي حولج لازم يشجعونج لانه مب سهل تغيرين في نضام حياتج مرة وحدة .... و اكثر شي مؤذي انه يسوي امساك و الم في البطن من ابره الفكتوزا،، بس اللي يبغي النتيجة تكون حلوة لازم يتحمل ،،،مب كلشي بالساهل

[كشكوشة منفوشة]

مريم وخيمارية صح

[Jimmy Choo]

هلا صباح الخير بنات
انا سويت بوتكس المعدة من اسبوع
و راح اشارككم بتجربتي علشان اللي حابة تعرف أكثر
هالنوع من العمليات بشكل عام حق اللي ما ينفع وياهم الريجيم ولا يقاومون الاكل

العملية بسيطة مثل ما ذكرت الاخت صاحبة الموضوع
تقريبا 20 دقيقة مافيها ألم مثل ألم الجراحه لانها مجرد منظار
نهائياً ما تحسون بشي صوب المعدة غير انها تسد الشهية و تسبب لوعة
في بنات قالولي انه هذا يشبه شعور الوحام والله اعلم

من سيئاتها اني

- كرهت الاكل من كثر ما ارجع
فصرت وايد اخاف اكل و افكر الف مره قبل لا اكل شي و بالتالي اكل شي قليل جدا و تنسد نفسي
- عسر الهضم و اللوعة و الترجيع والدوخه و في حالتي صارلي هبوط اكثر من مره
- الادوية ريحتها خايسة و تسد النفس لان لازم تاخذونها قبل الاكل لكن وايد مفيدة يعني فجأه لقيت اظافري و شعري احسن عن قبل
- الأبر غير مؤلمة لكنها تسبب دوخة و انا حاليا اخذ جرعتين الصبح والمسا


لكن مع هذا كله مب ندمانه على القرار اللي اخذته
لان انا من اللي ما ينفعلي ريجيم ولا اقدر اقلل كمية الاكل اللي احبه
واموت ع الفاست فود و المطاعم وكل انواع الاكل الغير صحي


النتيجة ممتازه و الصبر اهم شي
هذي كله فتره وبتعدي و عقب ما اخسر الوزن اللي اباه
راح انظم اكلي
بحيث ما احرم نفسي .... ولا بعد اسبح فالاكل شرات قبل !! ... باعتدال يعني
لان الواحد يوم ينزل وايد و يترتب جسمه وشكله
يحب النتيجة و يحاول يحافظ عليها



سويتها في مستشفى الدكتور سليمان الحبيب
عند الدكتور مهند مصطفى
تكلفة العملية تقريبا 15,800 درهم
تكلفة الادوية و الابر تقريبا 5,200 درهم تقريبا
المجموع حول ال 21,000 درهم
مدتها من 6 الى 8 شهور


واللي تبى تسوي تشد حيلها و تكون صبورة اهم شي

[maryamba]

انشالله تكون نتيجتها حلوة معاج و توصلين الوزن اللي تبينه، خبرينه بعد اسبوع كم نزلتي

[Om SoSo]

ربيعتي سوتها هي واخوها وما شا الله نزلو وايد عليها والحين في مرحله التثبيت بعد ٦ شهور من العمليه وصح قالت اول اسبوع بس دوخه وهالسوالف بس بعدين لا وكملت عادي والدكتور قالها الادويه والابر بس خذيهن ٣ شهور وما منهن مضره ...