اعتدل الجو: من بيبتدي معاي الزراعة خاصة من البذور؟؟!!

[تيوليب]

السلام عليكم

من فترة حطيت لكم عن ريحانتي وصباراتي

بعد ما نقلت الصبارات لاحظت وجود شتلات ريحان صغيرة اسفل الريحانة الكبيره

فنقلتهم لاحواض جديده ورتبتها بخطوط متوازيه

هنا كان اول ما نقلتهم وبعضهم ماتوا واستبدهم بمجموعة اخرى






وبعد مرور فترة من الزمن كبرت الريحانات بشكل جميل

هنا ظهرت على السيقان اوراق صغيرة جديده



وهنا بدأت الاحظ ان مجموعة نمت بشكل اكبر واحلى من الباقين

والسر كان اني اعتمدت على ماء المكيف في سقايتها

لاحظوا اول اثنين بالمقدمه بالنسبه للي بالخلف



وهني المجموعة الثانيه وحجمها اصغر



وللاسف بعد هطول الامطر وهبوب رياح قويه انهارت صبارتي الام ومالت



واجمل مافي زراعة الريحان انه نتج لي نوع جديد من لون الازهار

فالمتعارف عندنا اللون البنفسجي



لكن ظهر لي لون ازهار اخضر جميل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[تيوليب]

والحين براويكم الصبارات بعد مرور فتره


هنا الصبارات اللي نقلتهم من تحت الصباره الام ووزعتهم

بعض الصبارات ازهرت



وبعض الصبارات اظهرت براعم صغيره


وهنا الصبارة الام

[الوردة الجورية]

أوووووف حتى السبانخ توقف نموه شو السالفة هل يحتاج للشمس أصلا ؟؟؟ أنا حاطتنه في غرفتي جريب الدريشة

ههههه يمكن غرفتج وايد باردة عليه! عادي اذا توقف نموه، المهم اوراقه خضراء ماتصفر ولاتذبل، صار معاي في التفاح و جوز الهند نفس الشي توقفوا فترة وبعدين نموا عدل يمكن على حسب حرارة الجو لو كنت مهندسة زراعة كان فدتج اكثر

ما شاء الله عليكم

انا جربت ازرع ورد بالبذور

بس فشلت تجربتي لان ارضي طينية ومانبت معاي اي شي

وابو الشباب ما يحمس قلت له ابي تربه خاصه ولا ياب لي الا من يومين هههههههه

عادي الحين افدر ازرع شي بالبذور ولا خلص الموسم

عموما اللي نجح معاي زرعه الريحان

عندي ريحانه وطالعين تحتها شتلات صغيره نقلتها من تحتها لاماكن اوسع وما شاء الله كبرت

بنزل صورها وبعرضها لكم


وتجربتي الثاني هي زراعة الصبار

ما شاء الله طالعين صغار ونقلتهم لمكان اوسع

حلو انا اتمنى لو عندي مساحة طينية لأنها ممتازة لزراعة البطاط
برعمي بطاط و قطعيه تقريباً مكعبات حسب اماكن البراعم و عقب زرعيه خلال ثلاث اسابيع تقريباً او اربع تطلع له اوراق خضراء كبيرة من تطلع زهرته احصدي البطاط اللي تحت، تجففينه في مكان مظلم يومين (مثلاً تحت طاولة و تغطينه بمفرش قماشي كبير، المهم ابد مايتعرض للشمس يومين عشان مايخضر اذا اخضر صار سام وغير صالح للأكل) عقب يكون جاهز للأكل و التخزين

وفي طريقة اسهل لزراعة البطاط

تاخذين اكياس الجمعية البلاستيك الكبيرة وبالسكين تسوين فتحات صغيرة عشان يتصرف الماي الزايد، و تحطين الطين سمك اربع انشات و تغرزين فيه قطعة بطاط بالبرعم في كل كيس، و كل اسبوع زيدي طبقة طين و ممكن طين مخلوط بالسماد (كل اسبوع تقريباً عشان تغطين ساق البطاط اللي تطول و حتى لو فيها اوراق صغيرة عادي غطيها بالطين) هذي الساق اللي تطلع منها جذور فيها بطاط

مجرد مرور شهر او شهرين (ظهور زهرة البطاط ) حسب نوع الصنف اللي زرعتيه اذا يثمر بسرعة او يتأخر لحد ثلاثة شهور ممكن، تكبين الكيس على الارض و تجمعين البطاط و تحففينه مثل ماذكرت لج فوق، طريقة الاكياس اسهل للحصاد


الطين ممتاز و جد جربته في بيتي القديم بسرعة ابمر معاي البطاط و بعد البصل الاحمر العادي بعد ما احطه في كوب ماي و تنموا جذوره من تحت ازرعه و بعد اسبوعين ثلاث يصير عندي مجموعة بصل اخضر لكل بصلة وحدة مزروعة


و جد جربت طريقة الاكياس للبطاط بس استخدمت سماد بدل الطين و طلع عندي بطاط لكن مب مثل سرعة و جودة زراعته في الطين

[قلبي بزي]

حطيت السبانخ فوق السطح ويت القطاوة وخربوه

[عطر رومانس]

حسبي الله عليك يالقطو ،،،،،عبالي بس أنا اللي مبتلية فيه

[قلبي بزي]

حسبي الله عليك يالقطو ،،،،،عبالي بس أنا اللي مبتلية فيه

خخخخخخ بهائم شو نسوي

[الوردة الجورية]

حطيت السبانخ فوق السطح ويت القطاوة وخربوه

حسبي الله عليك يالقطو ،،،،،عبالي بس أنا اللي مبتلية فيه

ههههه مرة اختفى الببغاء عندنا و مالقينا غير ريل وحدة وكم ريشة من ريشه المسكين في الجراج تحت السيارة


بعد طريقة عشان الطيور ماتاكل من الثمار اللي زرعتيها تحطين عدال الزراعة اكواب صغيرة او ملال ماي، عشان اذا عطشانة الطيور يشربون من الماي اللي انتي حاطتنه مب يدورونه في عصير الثمار ويخربونه

[عطر رومانس]

هاي الطيور ....مو القطو العتوي اللي عندي مو قطو بعير هههههه يقعد يحفر ف التربة ويقضي حاجته

[حلم المزايين]

سبحان الله
و الحمد لله
و لا اله الا الله
و الله أكبر

[الوردة الجورية]

السلام عليكم و رحمة الله و بركاته


شحالكم خواتي و حال زراعتكم؟؟

الله يبارك هذي الطماطمات التشيري ابتدت تزهر


وهذي بعد الصنطرات "اليوسفي" او الليمون والله ناسية.. بس اذكر حطيت ثلاث بذرات في نفس الاصيص بس نبتوا ثنتين


وهذي المانجا الظاهر من البرد وااااايد نموها بطيييييء لو في الصيف اسبوعين ثلاثة بالكثير تورّق بسرعة، لاحظوا اوراقها مب خضراء



وهذي لاحد يسألني



باقي شتلات الاشجار خليت يزرعونهم برع البيت مثل التمر الهندي و غيره


بعد الطماطم الكبيرة نبتوا تقريبا اربع او خمس و طولوا ففرقتهم كل نبتة في اصيص،، بالرغم اني نقلت السماد اللي تحت كل نبتة معاها وكنت حريصة ماتتقطع الحذور الا انهن ماتن و ظلت بس اكبر وحدة ارتفاع قدمين تقريبا لكن ذبلت اوراقها بس غصنها بعده اخضر!! الظاهر زعلن اني فرقتهن!!!!

[الوردة الجورية]

السلام عليكم و رحمة الله و بركاته


الطماطم الكرزية ابتدت تكبر و تنضج

[قلبي بزي]

ما شاء الله أحب الطماطم الصغيرة
تصدقين كل النباتات ماتن مب عارفة شو السبب بس ما أدري شاكة بالسماد يمكن نوعية تعبانة ومغشوشة

[تيوليب]

كيوت حبات الطماطم


تذكرت طماطتي


ما شاء الله كبرت وطلعت طماط واترياها تحمر علشان اقطفهم


ويوم يت اتطمن عليهم لقيتهم محد


واجيك على باقي زهوري لقينهم مأكولين


صار لهم هجوم من ماعز سايبه دخلت بيتي وكلت طماطي وورودي ههههههه مفجوعه

[قلبي بزي]

كيوت حبات الطماطم


تذكرت طماطتي


ما شاء الله كبرت وطلعت طماط واترياها تحمر علشان اقطفهم


ويوم يت اتطمن عليهم لقيتهم محد


واجيك على باقي زهوري لقينهم مأكولين


صار لهم هجوم من ماعز سايبه دخلت بيتي وكلت طماطي وورودي ههههههه مفجوعه

ههههههه هذي مشكلة المهم ردي وازرعي مرة ثانية اممممم أعتقد الحر بيدمر الطماط !!!

[الوردة الجورية]

ما شاء الله أحب الطماطم الصغيرة
تصدقين كل النباتات ماتن مب عارفة شو السبب بس ما أدري شاكة بالسماد يمكن نوعية تعبانة ومغشوشة

السماد يفقد المواد المغذية لان النبات يمتصهن، و بعد كثرة السقي بالماي يغسل السماد من المواد المغذية.. كان ممكن تضيفين رشة سماد من فوق كل شهر.. او السماد السائل و في بعد حبوب عضوية بيضة تحطينها فوق السماد وكل ماسقيتي ماي ينزل منه لتحت بس مادري ماحسيته يغذي مثل السماد السائل.. السقي في الحو البارد مرتين في الاسبوع اذا الاصيص كبير.. اذا الاصيص صغير يوم و ترك لانه بسرعة يجف.. من يبتدي الحر نزيد مرات السقي و في الصيف يومياً العصر