حبيت افضفض

[Ward-uae]

السلام عليكم
ادري مستغربين من موضوعي ورد اللي تنصح صارت تكتب موضوع
من يومين فيني ارق وحمى اعرف هالأعراض لكن حاولت اطنش واليوم سويت تحليل وطلعت حامل ولدي توه مكمل 3 شهور
بتقولون ليش ما اخذ حبوب منع ما اقدر عندي القلب وهذي الحبوب ما تناسبني والدكتوره هي اللي منعتني اخذها اللولب يسبب لي نزيف
ريلي مستانس هو اكبر مني ب12 سنة وما كان معرس قبلي وهو يحب اليهال ويساعدني مب مقصر ويطلعني لكن اليهال يبالهم تربية عمري ما خليت واحد منهم تمسكه خدامه لا في بيت اهلي او اهل ريلي شكلي بييب وحده تساعد في التنظيف وغسيل الحمامات المهم سوالف البيت وتنظيفه مب مشكله المشكلة في الحب والتربية كيف بوزعه بينهم لما احضن واحد الثاني يزعل انتي ما تحبيني
ريلي يرقدهم عداله من أحطهم في غرفهم يسير يرقد عندهم الله يحفظه هو وايد متعلق بهم ويشتاق لهم ومن صباح الله يشلهم ويوديهم العزبة او البحر اتضايق ما احس شي وقت اقعد وياه
ومن ارمسه يحجز في فندق نطلع طلعه عائلية وبعد على نفس الموال انا وبنتي نسير الصالون وهو والاولاد في الالعاب او يسبحون
فيه وحده شرات حالتي؟ ما شاء الله اربع والخامس بالطريج
احس راسي داير

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غزالة AD]

ماشا الله مبروك حبيبتي ورد الله يتمم لج على خير وتقومين بالسلامة..طبيعي لو ما تمنعين لا بحبوب ولا بلولب اكيد بيصير حمل اذا ما عندج مشاكل.
لا تزعلين..العيال ذخر وعزوة.. وريلج ماشا الله حنون ومتفهم ويحبج ويحب يطلع عياله مب اناني وكله مع ربعه..استانسي بحملج وبعيالج حوالينج ماشا الله..بس بعد مثل ما قلتي هاتي وحدة تساعدج فتنظيف البيت عشان صحتج. الله يحفظج ويقومج بالسلامة ويخليلج عيالج وريلج.

[غلآ نفسي]

حبوبه هذي فرحه ونعمه

ناس يتمنونها ونحن الله معطينا بدون طلب وتمني

بالعكس استانسي

واذا ع التربيه صدقيني ما عطاج إياه الله الا ويعرف عن طاقتج وانج قدها ويعرف ان عندج ريال يساعدج بكل شي

حبيبتي مبروك وعقبالنا

لين ما الجنين يتشرف ف هالدنيا الحلوة ولدج بيكمل سنه ان شاء الله

مبروك مره ثانيه وتوكلي ع الله

بالتوفيق

[حرم الحميري]

لاتفكرين بهالطريقه السلبيه وقولي الحمدالله دام عندج ريال يحب عياله فاعرفي ان هذا بيحطج فعينه لانج امهم وبيخاف يزعلج والعمر مب مشكله اكبر عنج ب 12 سنه ما يغير شي تراج رضيتي فيه سوا كبير ولا من سنج اما عن الوقت وياه مافي احلى من يمعت الاسره واذا انتي تعبانه وانا اعرف انه تعب الاهتمام بالعيال والبيت هاتي لج خدامه ولا تقولين عمري ما خليت حد يداري عيالي غيري اهلج ترا لهم حق فعيالج واهله ما يضر اذا يو ولا يومين تمو عند الاهل بالعكس هذا يخلي اليهال ياخذون حريتهم شوي بعيد عن جو البيت مب انتي بس محتكره حتى العيال والريال شاري سعادتكم ومب مقصر واللي في بطنج الله كاتبله عمر لا تقولين توني مربيه اربج يكتب شي محد يوقفه هذا رزق الياهل مب عليكم على الله توكلي والتربيه اليوم لي تتعبين فيها باجر تاخذين ثمارها العيال تربيتهم متعبه صح بس التعب هذا وانتي ربج معطنج ريال والنعم فيه يتعبر ولا شي جدام لي عندها عيال وتشقى وياهم وريلها لاهي بحياته

[المعآني]

لا تتضايجين الغلا صحيح صعبة لكن بتعرفين قيمة تعبج يوم يكبرون سبحان الله وحدة يوم حملت بأصغر عيالها وهي ما تباه وتمت تصيح لأن ماتبا تحمل الحين عقب 20 سنة ماتم لها إلا هالضنى عقب مأ كل عيالها عرسوا وتموت فيه ويطلعها ويسأل عنها ويعزمها على المطاعم ماتعرفين الغلا شو الخير اللى ربج كاتبه غيري نفسيتج حبيبتي وحاولي تخفين الضغط بالخدامة بترتاحين والله يحفظ لج ريلج مآشا الله تبارك الله المفروض تطيرين من السعادة فيه أنا ريلي مب وايد يقابل ولده ومايبا عيال ومن تزيد حشرته ينزلني بيت أهلي عسب يلعب هناك .. يدامج تسع شهور ادعي ربج يرزقج طفل جميل وسالم ومعافى وبار وربي يسهل عليج

[المغتربة]

الله يسهل عليج اختي
تربية اليهال مب سهلة
المنع الطبيعي زين و في امور ثانية شرات اللصقات و الابر
اختي تاخذ ابرة مرة كل جمن شهر و ما شاء الله ما حملت
و اعرف حريم ياخذون لصقات و نفس الشي ولا حملوا
المهم هاي حرية شخصية و كل حرمة بكيفها


عن نفسي انا يبت اثنين ورى بعض و قلت توبه لان صدق تعب
و غير التعب اشيل النونو و الكبيرة تصيح
و تغار و ميتة قهر مسكينة والله تغمضني مع ان انا احاول اهتم فيها اكثر من النونو
لان بطبيعة الحال النونو ما يفهم !!
ف دخلت الكبيرة الحضانة و شوي شوي تعلمت ما شاء الله و تغيرت و بدت تتكلم و عقلت اهم شي << الله يهديها
و البيبي الصغير شوي معاي و شوي مع اهلي و شوي مع الخدامة و حاطة كيمرات و شوي مع ريلي

و شغل البيت ما يخلص ابدا خاصة بيوتنا كبيرة
الله يعينا

[Ward-uae]

ماشا الله مبروك حبيبتي ورد الله يتمم لج على خير وتقومين بالسلامة..طبيعي لو ما تمنعين لا بحبوب ولا بلولب اكيد بيصير حمل اذا ما عندج مشاكل.
لا تزعلين..العيال ذخر وعزوة.. وريلج ماشا الله حنون ومتفهم ويحبج ويحب يطلع عياله مب اناني وكله مع ربعه..استانسي بحملج وبعيالج حوالينج ماشا الله..بس بعد مثل ما قلتي هاتي وحدة تساعدج فتنظيف البيت عشان صحتج. الله يحفظج ويقومج بالسلامة ويخليلج عيالج وريلج.

مشكورة غزالة وهذا من طيب معدنج
ريلي مب اناني الحمدالله لكن وايد مشغول اليهال وشغله وتجارته

[Ward-uae]

حبوبه هذي فرحه ونعمه

ناس يتمنونها ونحن الله معطينا بدون طلب وتمني

بالعكس استانسي

واذا ع التربيه صدقيني ما عطاج إياه الله الا ويعرف عن طاقتج وانج قدها ويعرف ان عندج ريال يساعدج بكل شي

حبيبتي مبروك وعقبالنا

لين ما الجنين يتشرف ف هالدنيا الحلوة ولدج بيكمل سنه ان شاء الله

مبروك مره ثانيه وتوكلي ع الله

بالتوفيق

الله يبارك فيج الغلا وعقبالج
لكن مب عارفه كيف انظم وقتي معاهم ؟
كل واحد منهم يبيني العب وياه الحين صغار لكن من يكبرون يبون احد يساعدهم في الدراسة ويهتم فيهم
الحمدالله والله يسهل الامور

[Ward-uae]

لاتفكرين بهالطريقه السلبيه وقولي الحمدالله دام عندج ريال يحب عياله فاعرفي ان هذا بيحطج فعينه لانج امهم وبيخاف يزعلج والعمر مب مشكله اكبر عنج ب 12 سنه ما يغير شي تراج رضيتي فيه سوا كبير ولا من سنج اما عن الوقت وياه مافي احلى من يمعت الاسره واذا انتي تعبانه وانا اعرف انه تعب الاهتمام بالعيال والبيت هاتي لج خدامه ولا تقولين عمري ما خليت حد يداري عيالي غيري اهلج ترا لهم حق فعيالج واهله ما يضر اذا يو ولا يومين تمو عند الاهل بالعكس هذا يخلي اليهال ياخذون حريتهم شوي بعيد عن جو البيت مب انتي بس محتكره حتى العيال والريال شاري سعادتكم ومب مقصر واللي في بطنج الله كاتبله عمر لا تقولين توني مربيه اربج يكتب شي محد يوقفه هذا رزق الياهل مب عليكم على الله توكلي والتربيه اليوم لي تتعبين فيها باجر تاخذين ثمارها العيال تربيتهم متعبه صح بس التعب هذا وانتي ربج معطنج ريال والنعم فيه يتعبر ولا شي جدام لي عندها عيال وتشقى وياهم وريلها لاهي بحياته

ما افكر بسلبية بس حاسه بضغط وأحاول ما اقصر بحق واحد منهم
وعن عمر ريلي الحمد الله مب متضايقة بالعكس هو في الثلاثين الله يطول بعمره ويعطيه الصحة والعافية لكن اخاف اتعب الرضاعه من صوب واليهال
وعن اهلي ما عندي خوات انا وحيده اخواني الباقين كلهم شباب فشو عرفهم باليهال واهل ريلي حمياني وحمياتي صاروا يدود وعندهم احفاد وعمتي حرمة كبيرة ما فيني أعبل عليها عمي الله يحفظه يمر احيانا يشل ولدي وياه اما الباقين صغار ما بيقدر عليهم
الحمدالله ومشكورة

[Ward-uae]

لا تتضايجين الغلا صحيح صعبة لكن بتعرفين قيمة تعبج يوم يكبرون سبحان الله وحدة يوم حملت بأصغر عيالها وهي ما تباه وتمت تصيح لأن ماتبا تحمل الحين عقب 20 سنة ماتم لها إلا هالضنى عقب مأ كل عيالها عرسوا وتموت فيه ويطلعها ويسأل عنها ويعزمها على المطاعم ماتعرفين الغلا شو الخير اللى ربج كاتبه غيري نفسيتج حبيبتي وحاولي تخفين الضغط بالخدامة بترتاحين والله يحفظ لج ريلج مآشا الله تبارك الله المفروض تطيرين من السعادة فيه أنا ريلي مب وايد يقابل ولده ومايبا عيال ومن تزيد حشرته ينزلني بيت أهلي عسب يلعب هناك .. يدامج تسع شهور ادعي ربج يرزقج طفل جميل وسالم ومعافى وبار وربي يسهل عليج

آمين يارب
تسلمين معاني شكله ولدج صغير صبري من يبدي يرمس بياخذه وياه انتي حاولي تطقمينهم مع بدله
خليه يمسكه ويلاعبه بالتدريج بيشتاق له ودوم يبيج جدامه
مشكورة مرة ثانيه

[Ward-uae]

الله يسهل عليج اختي
تربية اليهال مب سهلة
المنع الطبيعي زين و في امور ثانية شرات اللصقات و الابر
اختي تاخذ ابرة مرة كل جمن شهر و ما شاء الله ما حملت
و اعرف حريم ياخذون لصقات و نفس الشي ولا حملوا
المهم هاي حرية شخصية و كل حرمة بكيفها


عن نفسي انا يبت اثنين ورى بعض و قلت توبه لان صدق تعب
و غير التعب اشيل النونو و الكبيرة تصيح
و تغار و ميتة قهر مسكينة والله تغمضني مع ان انا احاول اهتم فيها اكثر من النونو
لان بطبيعة الحال النونو ما يفهم !!
ف دخلت الكبيرة الحضانة و شوي شوي تعلمت ما شاء الله و تغيرت و بدت تتكلم و عقلت اهم شي << الله يهديها
و البيبي الصغير شوي معاي و شوي مع اهلي و شوي مع الخدامة و حاطة كيمرات و شوي مع ريلي

و شغل البيت ما يخلص ابدا خاصة بيوتنا كبيرة
الله يعينا

عن المنع الطبيعي هذا الحل الوحيد اللي عندي وقدر الله ما شاء فعل 
وعن اللزقات والإبر حالهم من حال الحبوب الدكتورة وصتني اتجنبهم يمكن يسبب لا سمح الله تجلط في الدم ويوقف القلب فما فيني أجازف 
ما عندي مشكله في اتسبيح وغسيل وحتى اكل اليهال مشكلتي التربية والحنان الحضانة ما يوفرون هالشي أودي عيالي ساعتين بين فترة والثانية يلعبون وعندهم أنشطه لكن التربية عندهم اكس بسرعه يلقطون الرمسة الوصخه وحركات وصخه يتعلمونها وهم من يشوفون اليهال كيف تصرفاتهم ويتعلمون منهم وانا ما احب جيه ادري انه جيه ولا جيه بيدخلون الروضه لكن أعمارهم بتكون كبيرة وخلاص علمتهم شو الصح وشو الغلط احاول أربيهم بطريقتي وقت الاكل ياكلوا بأدب
انا ربيت على ايد خدم وتعلمت رمستهم لكن مستحيل اخلي عيالي يمسوهم وهذي حرية شخصية وانا ارتاح جيه
مشكورة على مشاركتج

[uae girl22]

الله يسهل عليج ويباركلج فعيالج

انا حملت ببنتي يوم ولدي كان عمره 6 شهور وصحت وتضايجت وتضاربت وي ريلي

شوفي بيكون تعب عليج واول فتره قلبج واايد بيعورج عالكبير بس قبل ما تربين بالسلامه اشتري لعبه حق الكبير وخليها وي اغراض المستشفى ويوم بي عطيه اياه هديه من اخوه او اخته والنونو اول فتره حاولي ما تشلينه وجابلي الكبير اكثر لان البيبي بعده ما يفهم واذا تقدرين دخلي الكبير حضانه واايد بتتغير شخصيته وانتي الفتره اللي بيكون فالحضانه بتجابلين البيبي
الله بيسهل عليج ولا تحاتين هالموضوع بيكبرون مع بعض وبيستوون قراب من بعض لان سنهم وايد قريب

[مالتيزرس]

الحمدلله ع كل حال ..
كل شي مكتوب من ربج وهاي ارزاق من رب العالمين مقسمنها ع خلقه ..

يمكن خيرة من رب العالمين ..

وعسى أن تكرهو شيئا وهو خير لكم

الله يبارك فيهم

[love rak]

يبي شغاله لتنظيف والطبخ وكل شي بس لعيال لج انتي
تسبيح وأكل ولعب وكل شي .. دايما ادعي بصلاتج وبكل وقت الله يهديهم .. خليج هادي الامور بتنحل ولا تشيلين هم ..
ودايما خلي في نظام فالبيت ... الصبح نشي وي الي بي بطريق اول شي رضعيه وسبحيها وخليه يرقد .. بعدين أي دور الي أكبر عنه اشتري لهم ها الخيمه الي يسون والعابهم فيها .. طبع بعد ما اتسبيحنهم واتاكلينهم.. وإذا عندح حد في سن مدرسة اذا ب توصلين من الصبح شلي اليهال الصغار بجايمهم بيت امج أو اختج أو أي حد ساعه خليهم .. وروحي وي الي بالمدرسة أيلسي وياها احضنيها
من تجربتي انا لعيال ما تبغينهم يغارون خلي السانج عسل وي ها وها وها كلهم يعني حبيبي فديتك قلبي كلهم و24 ساعه حضن .. ها بيخلي فيهم تشبع .. وما بيحسون بالغيرة ... وعلى فكرة بالنسبة اتيبين 2 ورا بعض هم صغار أهون عن واحد كبير يفهم وصغير ما يفهم ..اسأليني مجربة ..
صدقيني وجود شغاله بتصل عنج شغل البيت بيكون عندج وقت تفضين لعيالج وأبو عيالج
وهي تنظيم الوقت بيكون له دور في يكون وقت حقج وحق ريلج
ريلج اشوفج ضايعه بينهم ما يبغي يزيدج انا مريت بكل ها السوالف صدقيني بعد ما تمر الأيام ب تعرفين هالشي
الحياة حلوة لو فيها صعوبة انتي خليها أحلى .. انا كنت جي كله الآتي وشو بسوي وشو بسوي بس قولي الحمد الله وبتتسهل امورج

[عساك تبقى لي]

ماشاءالله. . تبارك الرحمن ..الله يعطيج الصحه والقوه. . لعيال زينة الدنيا وربي يعينج على تربيتهم والحمدلله اللي رزقج زوج صالح وحنون ومتفهم. .الله يديم الحب والرحمة مبينكم. .