اللي عندهم تلفونات نظام ال android السمسونج صوركم تنتشر وانتوا خبر خير

[جدران ملتهبة]

السلام عليكم
تنبيه للبنات اللي يصورن اعمارهن قبل لا تصورا لازم تتاكدون انكم لاغين خصاية التزامن بين الاستيديو او البوم الصور ويا حسابكم في جيميل جوجل. لان من تصور صورة او فيديو تتخزن تلقائياً نسخة احتياط في حسابكم على جوجل وهذا في حالة استوى فورمات للتليفون او انسرق صوركم تكون مخزنه في الجيميل الخاص لكم.

لكن المشكلة شدرانا ان ما في حد يهكر الحساب باجر ويهف كل الصور والخصوصيات او حد من ادارة شركة جوجل يدش الحساب. الامير قد يكون خطير للبنات اللي يصورن اعمارهن ويصورن اهاليهن او يكون مفيد اللي يملكون صور عادية.

خطوات إلغاء التزامن
1. الضبط setting
2. حسابات accounts
3. Google
4. دشوا على حسابكم اللي هو Gmail

بتطلع لكم صفحة نفس جي



شيلوا الصح عن كل المربعات الا اذا تبى تخلون مربع جهات الاتصال يتخزن نسخة احتياطية على كيفكم. بعد ما تشيلوا الصح المزامنة بتنلغي.

ملاحظة اذا دخلتوا وجفتوا صح من قبل على المربعات وعدكم صور خاصة في الاستيديو. هنا عاد بتكون كارثة خايسة واللي هي صوركم تخزنت تلقائياً في حسابكم ولازم تحذفونها عمليا بنفسكم ويبالها لاب توب او كمبيوتر. وهاي لها شرح ثاني.

بس بغيت اطمأن البعض ما دام الايميل محد هكره ف الامور طيبه ان شاء الله تقدرون تحذفون الصور والفيديو.
لازم تنبهون اهاليكم خواتكم الصغار عن ها الموضوع

المزيد من آخر المواضيع من نفس القسم:

• شركة تنظيف فلل الكويت
• شركة مكافحة حشرات الكويت
• محمد بن راشد يشهد تخريج الدورة الـ48 من...
• أفضل صيدلية في السعودية
• مكاتب الخطابات
• تصلح ما أفسده الأخرون
• استقدام عاملات فلبينيات واندونسيات
• صيدلية كوم
• اقوي الطرق لنجاح مشروعك مع أفضل شركة تسويق...
• خدمات شركات نقل الموبيليا

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[hamoudmam]

يزاج الله خير على افادة كل من عندها عالنوع من الموبايلات ..

[أم عبـد الرحمن]

موضوع مهم يزاج الله خير على التنبيه

[اشراقة أمل]

اعرفه لما اشتريت سامسونج إي فاف حصلت هذه الخاصه اسمها synchronizing موجوده أيضا في الفيس بوك كخيار ومرتبطه بغوغل

جربتها في البدايه ومب عارفه وكان في صور لبنات صديقات بس طبعا بعباياتهن وحصلته يسوي نسخ احتياطيه وانصدمت على سريع كنسلت

قلت مب ناقصني مشاكل !!!! لو صورتي بتحمل الغلط غيري مشكله

هذه الأشياء غلط .. الحين يحاولون يخلون كل شي سحابي او cloud عشان يقللون التكلفة ويحصلون على بيانات الأشخاص ويتاجرون بها!

مااعرف نحن حق وين تاخذنا التكنولوجيا ... أتصور بتصير شي مب زين .. وامن المعلوماتيه بيصير تخصص مطلوب بكثره يمكن أي واحد لازم يتعلمه!


الحين لما الواحد يبي يخلي كمبيوتره مسجل على الانترنت كسيرفر ... ويدخل له من أي مكان .. اكيد الاتصالات او مزود الخدمه بيصير له حق يطلع عليه!

صار مب كمبيوتر شخصي!

ونفس الشي المواقع التابعه لجوجل كلها كلاود الحين سحابيه ....

حتى مايكرسوفت نسخ ويندوز والافس بتصير أيضا سحابيه ومن مواقعهم التجديد فقط ...

هم يجبرون الناس على الانترنت ... وينتقلون لمرحله ان الناس تصير كلها على الانترنت ..

خطر كبير هذا!!! الحين سمعت حتى عن استخدام الطيارات من غير طيار عشان تبث النت عن طريق اشعة الليزر!

بيصير النت منتشر في كل مكان ونصير نحن داخله بكل مافينا!

هذا هو الانتشار الحقيقي للانترنت بدأ مب الأشياء التافه أيام زمان .. تشات وماسنجر .. كانت بس البدايه!


لاحظوا ان الهواتف الحين صارت مب هواتف كمبيوترات محمولة هذه هي الاستراتيجه المثله عشان يدخلوا الانترنت بكل شي ..

حتى حجم الهاتف يكبر والكل يريد شاشه كبيره! صار مب تلفون صار أي باد .. حتى الايفون تغير...

الايفون الحين بيفتح برامجه اكيد ويخليها مفتوحه المصدر عشان يطور اكثر مع الوقت ... بسبب الانترنت ... مثل الويندوز وغيره

...

تعرفون ان البرامج التنزل من خلال البلاي ستور play store

في هواتف جالكسي تطلب طلبات عند التثبيت مثل الدخول للكاميرا واستخدامها او الدخول لمعرض الصور او الدخول لمعلوماتك على الفيس بوك او مواقع التواصل الاجتماعي وأرقام تلفونات ...

في برامج تحتاج وفي برامج .. لا ! ونحن موافق موافق على كل شي المهم شو ؟ ان ثبت!


والواتس اب أيضا عباره عن برنامج له سيرفر .. والله اعلم درجه الحمايه فيه!


الحين البرامج حتى الادب فوتوشوب ممكن تنزليه من الانترنت بعد دفع فلوس الليسن وتجديد والعمل على الانترنت وعلى كمبيوترك ..

يعني منصه كامله سحابيه معموله له !

والافس الحين في خيار التحزين على السحاب موقع مايكروسوفت ...!

ولما تشترين نظام جديد بيكون خيار تسجيل في السحاب الخاص بالنظام ضروري !

صرنا في العالي! الله يستر


والدوائر الحين بتحاول تخفف الموارد من الكمبيوترات وغيرها .. وتحمل العميل موضوع ان جهازه يصير منصه للبيانات

ويدخلون عليها .. في أي وقت ... هذه فائده أيضا ..!!

[مزااني]

الله يعين ياغافل لك الله

[أم محمد بلال]

6فعلا النوضوع صار كبير و كل ما جاه يكبر و يكبر
الوحدة خنا عليها احرص ع نفسها و عرضها

موضوع الصور كبيييير جدا
و هم دوم يقصدون انه تكون لكم اكثر من نسخة للصور علشان
لو تلف جهاز مايضيع التعب و الملفات و الصور

يعني تلاقيها ف مكان ثاني ع نفس الحساب

انا استخدمها للاشياء المهمة و الاوراق الضرورية اللي انطلب للمعاملات دووم

الله يستر علينا جمعين يارب

[أم محمد بلال]

الاخت حياة بائسة
عجبني تحليلج
اصبتي كبد الحقيقة
و هذا اللي كنت اريد اقوله بس ماعرفت ارتب الكلام

[اشراقة أمل]

الاخت حياة بائسة
عجبني تحليلج
اصبتي كبد الحقيقة
و هذا اللي كنت اريد اقوله بس ماعرفت ارتب الكلام

مشكوره اختي .. وايد أشياء تصير والنت خطر ..صح له فوائد بس صرنا فعلا عايشين فيه بدل ماهو مسخر لنا ولفائدتنا

[رنا عابدين]

ان هذا الموضوع رائع ونال اعجابى
وجعله الله في ميزان حسناتك
مشكوره ع موضوعك المميز
وصفات الموضوع انه وصف جمييل

[كراميلا1]

مرحبا اختي انا كله عندي صح
مشكوره على التنبيه في ميزان حسناتج

[Ro0o07y.ss]

جزاگ الله خير ..❤️

[مس ميم]

يخييج شو هالنظام

الله لا يسامحهم اذا بيسوون أشياء مب زينه

و خصوصا انه نحن مب فاهمين شسالفه

الله يعين والله

الكل حاط ف باله انه مستور و ان هالتلفون شخصي

ما توقعت مثل هالاشياءءءء

[عساكرة]

يزاج الله خير على افادة كل من عندها عالنوع من الموبايلات ..

[جدران ملتهبة]

مرحبا اختي انا كله عندي صح
مشكوره على التنبيه في ميزان حسناتج

هل كان في صور شخصية ؟
اذا صور عادية طاف ام صور شخصية فلازم تمسيحها من الايميل وهذا هو الشرح وشيلي الصح من المربعات
https://m.youtube.com/watch?feature=...&v=7fCSYYSbCPQ

[ملكة الاحاسيس]

انا عشان هالشي استحاله استعمل تلفون بدون ميموري كارد
وللاسف حسابات فوقل مككن تتهكر ان شاء الله مايصيى تهكير لس فعلا ماله داعي انهم يحتفظون بالصور والخصوصية والبيانات