بسبوسة من ايدي

**رسايل غلا** · 2015-07-04, 03:55

السلام عليكم ورحمة الله وبركاته

مساكمـ/صباحكمـ ورد

اليوم حبيت اعرض لكم بسبوستي اللي سويتها اليوم ومع اني ما احب البسبوسة وايد بس كانت في خاطري والحمدلله طلعت لذيذة:

المقادير, انا كنت ماخذة الوصفة من النت بس غيرت فيها شوي:

كوب سميد
كوب سكر <<< انا نقصت منه شوي ما حطيت كوب كامل
جوز هند الكمية اللي تحبينها
بيضتين
فانيليا حطي ربع ملعقة صغيرة انا استخدم البودرة واذا سائل لا تكثرين منه
ملعقة بيكنج باودر كبيرة ممسوحة
حطيت وياهم برش برتقال شوي
كان المقدار الأساسي كوب زيت بس انا بدلته بشوية سمن تقريبا فوق عن ربع الكوب شوي
علبة قشطة
للتزيين اي نوع مكسرات تحبينها.

الطريقة:
جهزي الفرن وخليه يحر.
تخلطين البيض والشكر والفانيليا وبرش البرتقال والقشطة مع بعض.
في طاسة ثانية او صحن اخلطي السميد مع البيكنج باودر وجوز الهند.
عقب اخلطي كل المكونات مع بعض وحطيهم في صينية مدهونة شوي سمن.
وحطي الصينية فالفرن لين تحمر.

كوني مجهزة القطر وعشان يكون كل شي مضبوط لازم يا البسبوسة حارة والقطر بارد او العكس لا تحطينهم مع بعض وهم باردين
او حارين عشان ما تخترب البسبوسة.
ومعلومة صغيرة انا استبدلت الزيت بالسمن لانه حسب معلوماتي انه يخلي بعض الحلويات يابسة.

هذا شكلها عقب ما طلعتها الديزاين اللي فوق اختفى من ذكائي ههههههه:

وهني يوم قطعتها طبعا انا مب شيف ومستحيل اضبط كل شي فلا تعلقون عالتقطيع خخخخخخخ

المهم بسبوسة دي ولا مش بسبوسة يا متعلمين يا بتوع المدارس << لازم تعلق

ان شاء الله تكون نالت اعجابكم.

الموضوع: بسبوسة من ايدي

أدوات الموضوع

عرض

بسبوسة من ايدي

المزيد من آخر المواضيع من نفس القسم:

رد: بسبوسة من ايدي

رد: بسبوسة من ايدي

المواضيع المتشابهه

مفرش من شغل ايدي .. واكيد ايدي ما تسوي الا الزين..

بسبوسة

بسبوسة بطة

هلا بالغوالي اليوم حبيت اعرض لكم شغل راقي للحمام طلبية احدى الاخوات من ايدي ضحى

وفاة احدى الفتيات السعوديات وهي عارية في احدى غرف البالتوك؟؟؟؟؟؟