قررت أنفصل عن زوجي

[روح النقاء]

بنات مشكلتي بدأت من بداية الزواج ما صار بيننا توافق وانسجام
لي سنتين متزوجة والحين حامل

وجربت جميع الحلول الي اعرفها
وكلها ما فادت لانها كلها من طرف واحد احاول اصلح وهو انا

وسبب الانفصال الاساسي هو خيانة زوجي لي باتصالات وعلاقات غير شرعية وهو
متعود عليها من قبل الزواج والاسباب الثانية ما لقيت عنده الاشباع العاطفي والجسدي والشراكة الزوجية

وما عرفت بهالشي الا بعد فترة من المشكلات والازمات طول عمر الزواج وصبرت وتصبرت ع اساس الكل ينصحني بداية الحياة الزوجية كذا
فالاخير فهمت انو السبب تشبعه بالعلاقات وللاسف بعد ما كنت حامل
والحين قررت انفصل قبل الولادة لجل تنتهتي العدة مع الولادة باقي لي شهر عالولادة


فضفضة والي عندها حكمة ونصيحة تفيديني وشكرا

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[غلآ نفسي]

اذا خياناته سطحيه وتضييع وقت ما انصحج بالطلاق لان ممكن الله يهديه وعليج بالدعاء

اما اذا خياناته ممكن ينقل لج الامراض ف من حقج الصراحه

بس بعد احس انج في حاله حمال وضغوط ونفسيتج داون

عطي عمرج فرصه لين بعد الولاده

وشوفي بعد ريلج قوليله فهميه ان هذا الشهر فرصتك الوحيده يا انك تتغير يا ان مع السلامه

بالتوفيق

[Diana Sy]

الله يعينك على اتخاذ القرار الصح ويهديك لأقرب من هذا رشدا

[بسمة أمـل]

الله يكون في عونج حبيبتي حاولي تكوني حكيمة في قرارج انتي الحين حامل وفترة الحمل مأثرة عليج بعد ما تقومين بالسلامة تناقشي وي ريلج وحاولي تلاقي معاه حل

[ام زايدالغالي]

صلي الاستخارة
وادعيله بالهدايه
وحاولي حد من اهلج يكلمه يلسة رياييل أبوج اخوج

[ربنا يوفقني]

الله يهديه كلميه بصراحة بشو قررتي واكيد النفسية مع هرمونات الحمل بتكون داون لا تتسرعي

[ام ينوله]

اختي
لا تفكري في الطلاق وانسي انك فكرتي فيه اصلا
اجلسي مع زوجك جلسة مصارحة قولي كل شي يزعجك وخليه يقول كل شي لك
تفاهموا على كل شي بود
الله يوفقكم

[عواش2015]

الله يعينك على اتخاذ القرار الصح ويهديك لأقرب من هذا رشدا

[مكلارين]

الله يكتب لج اللي فيه الخير

[ام رشوودي]

الله يصلح حالج

[شعاع امل]

الله يهديه ... اختي الحين انتي يمكن نفسيتك تعبانه... استني لييين الولاده ... ولييين ماتتعافين ... يمكن يوم يشوف المولود يتغير شانه

ويمكن انتي تتغيرين معاه وهو بعد ... في حال بعد الولاده وتعافيتي وماحصلتي فايده... عادي ... طلبي الطلاق انتي صبرتي سنتين

صبري لك كم شهر او على الأقل سنه بس لا تخلفي عيال زياده ... الولد او البنت نصيبه وخلاص....

بس كلميه وكلمي ناس تفهم في العلاقات الاسريه .... يمكن الله يهديه

ولازم تعرفي حجم المشكله ... يمكن تساعدينه على الأقل حتى لو تم الطلاق يمكن تسوين جميله فيه

انك نبهتيه لنفسه

[فطمطم طمطم]

اختي
لا تفكري في الطلاق وانسي انك فكرتي فيه اصلا
اجلسي مع زوجك جلسة مصارحة قولي كل شي يزعجك وخليه يقول كل شي لك
تفاهموا على كل شي بود
الله يوفقكم

[فطمطم طمطم]

عقب مايصير اب بيتغير عطيه فرصه لين عقب الولادة خل يشوف البيبي ويتعلق فيه بيتغير للاحسن ان شاء وبعدين بصراحه لو تطلقتي منه هل تظمنين تتزوجين شخص مخلص مايخون مايحط حرمه على راسج يعاملج بحب ورومانسية اكثر سالي نفسج هالسؤال وحاولي تشوفين مميزاته اكيد رغم عيوبه فيه اشياء ايجابية يمكن انتي نظرتج عن الزواج كانت رومانسية بزيادة والله يوفقج للخير والصلاح

[sarah161]

الله يعينج ما الومج بصراحه. بس الأفضل لو قررتي قبل ما تحملين. انا اقول اصبري لين ما تولدين يمكن يتغير. احسن الولد يعيش بين امه وابوه. اذا ما تغير وزاد وقتها قرري الانفصال وشوفي حياتج مع ولدج.

[نبض الشارقة]

لا تفكرين بالطلاق وانتي على ويه ولاده بمكن الله يصلح حاله يوم لله يرزقه ياهل