بكرية وخايفه

[.pure.]

السلام عليكم ورحمة الله وبركاته


أنا بكريه و وآيد خايفه من الحمل و الولادة بشكل مرعب


عندي اسأله ياليت المجربات يفيدوني بها

شو رايكم بابره الظهر ! هل بتخفف عني الالم ! ابغي اخذها


الخياطة بعد الولادة هل تخرب شكل المنطقة ولا ترد بعد النفاس لوضعها عادي ؟


شو رايكم بمستشفيات دبي للولادة مثل الويلكير ..


اترياكم ويزاكم الله. خير

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[tooota]

السلام عليكم ورحمة الله وبركاته


أنا بكريه و وآيد خايفه من الحمل و الولادة بشكل مرعب

- لا تخافين ولا شي فترت الحمل الوحده ما تفكر كيف بتربي لازم تريحين عمرج من التفكير


عندي اسأله ياليت المجربات يفيدوني بها

شو رايكم بابره الظهر ! هل بتخفف عني الالم ! ابغي اخذها

- انا ما جربتها ولا ابي اجربها ابد احس الوحده لازم تستحمل الالم قد ما تقدر عشان تحس بالياهل عقب ما يكون سهل وعادي عاد ما اعرف شو رد البقية

الخياطة بعد الولادة هل تخرب شكل المنطقة ولا ترد بعد النفاس لوضعها عادي ؟


- على حسب الي تخيط انا اول مره كانت الخياطه ممتازه بس المره الثانية قالت ما يحتاي وسمعت كلامها وحسيت بالفرق ان كنت لازم اخيط والمره الي بتي لاااااازم اخيط وان شاء الله اتيني وحده تخيط عدل وما تخرب المنطقه

شو رايكم بمستشفيات دبي للولادة مثل الويلكير ..

- اول مره ربيت فالقاسمي وما حبيت رباهم

المره الثانيه ربيت في مستشفى دبي ووايد ارتحت من اهتمامهم ونظافتهم وكل شي

والمره هاي بعد بربي في دبي ان شاء الله


اترياكم ويزاكم الله. خير

والله يوفقج ويتمم عليج حملج وتقومين بالسلامه من غيييييير تفكير كيف بيكون ولا شو بيستوي

[Honey Mona]

الله يسهل عليج اختي اناا ولاداتي قيصرية بس حبيت ارفع معنوياتج لا تخافين
بالنسبة لابرة الظهر انا خذيتها باخر قيصرية الحمدلله ما شفت منها الا الخير لكن الناس أرائها تختللف حد يمدح وحد يذم انتي صلي استخارة لو ناوية تاخذينها
في ناس كانوا يولدون طبيعي بدون أبرة، وبعد ما جربوا الأبرة وااايد استانسوا عليها وندموا لانهم ما خذوها من قبل لانها صدق نعمة من رب العالمين
ولو مو ناوية تاخذينها خذي المسكنات الثانية الاكسجين وجي لو كنتي وايد تعبانة
بالنسبة لمستشفيات الولادة فدبي لو تقصدين خاص ، وايد اشوفهم يمدحون القرهود بس عن نفسي ما جربتها
بس لو بتربين بحكومي نصيحة خلي حد شخصيته قوية يروح معاج أمج او أختج واذا محد بيروح معاج خل شخصيتج قوية لا يلعبون فيج
انا ربيت بمستشفى دبي من زمان وعلى حظي طحت بدكتورة مافيها ذمة ولا ضمير بهدلتني بهدلة الله أعلم فيها لليوم ما نسيت اللي سوته فيني لان شافتني ساكتة و أستحي مشكلة طبعي جذي وما اعرف اغيره
فأنتي خلج حازمة و اي شي ما يعجبج قولي لامج او زوجش يتكلم
ونصيحة لج ولكل وحدة بتربي ضروري تعرفين اسم الدكتورة والممرضة اللي تتعامل معاج، عسب لو صار شي ما عجبج تقدرين تشتكين
مو بس الدكتورة اللي بتولدج حتى اللي يجون يفحصونج لان اللي تفحص يمكن ينتهي دوامها ويمكن تكونين شفتي تصرف ما عجبج منها، وبعدين تجيج وحدة غيرها تولدج
فانتي اي دكتورة تييج اسألي شو اسمها و احفظي
وان ما عجبج شي اشتكي سواء بالتلفون او في موقع للشكاوى الاكترونية
انا اقول جي عسب محد يلعوزج و يظلمج