اجازة في اغسطس شهر 8

**ماسة شرجاويه** · 2015-04-12, 15:11

السلام عليكم بنوتااات

طبعا من فترة كنت منزله موضوع وين تنصحوني اروح ف اجازه سريعة غير مخطط لها ؟؟
والحمدالله رحت ورديت وكانت الحمدالله رحلة موفقه لولا اجازة الايستر ههه اللي خربت علي الشوينق .. رحلتنا كانت ل ميونخ تميت فيها بس أسبوع وما كفوني
بغيت اروح وايد اماكن بس ما مداني للاسف الوقت قصير
ف للحين في سفرة باذن الله ع شهر 8 وحابه اخطط لها عسب احللها واستمتع من قلب

ومحتاره ما بين النمسا وسويسرا نروحها بدون اليهال .. ف خاطري أروح زلامسي وسالزبروق من كثر ما سمعت عنهم
أو نروح ماليزيا مع الصغار للعلم عندي ولدين 4 ونص سنوات وسنتين ونص طبعا مع بشكارتي

طبعا الخطه ف كل حالة تختلف بس انصحوني شو أحسن
الرحله بتكون من 10 لين 14 يوم اما مع الاولاد او بدونهم او النمسا وسويسرا او ماليزيا

واللي عندها مخطط أو جدول بليييز تفيدني لان للحين ما رتبت ولا شي قاعده أسال قبل لا اقترح وأعزم وأحجز ..

المزيد من آخر المواضيع من نفس القسم:

**misslord** · 2015-04-12, 17:01

اذا بتاخذين عيالج روحي ماليزيا وايد مسليه للأطفال انا اوروبا لج بدون أطفال بس من رأيي خذي عيالج ترتاح ين نفسيا ما تحاتينهم عن نفسي مره رحت بدون عيالي ومول ما استمتعت احس لهم حق بعد يطلعون يغيرون جو ويستانسون

**أم الشيوخ** · 2015-04-13, 13:40

انا عن نفسي رحت اوروبا و شليت عيالي معاي .. الله يحفظهم 5 اكبرهم بنتي عمرها 15 و اصغرهم عمرها 2 .. فيها تعب شوي ولكن استمتعنا و الحين حاشريني يبون يروحون مره ثانيه..

**munamoor** · 2015-04-13, 14:02

السلام عليكم ورحمة الله و بركاته
اولا الف الحمد لله على سلامتج ،،، و إن شاء الله تروحين رحلة ثانية و ثالثة لاوروبا
بالنسبة لاوروبا او اي دولة اجنبية روحيها مع بعلولتج و استانسي

أما اذا تبغين الوناسه لليهال سيري وياهم صن واي لاقون الالعاب جداََ حلوة و رهيبة
طبعا العاب مائية حلوة ،،، ووايد أماكن حلوة و مناسبة للأطفال

**ماسة شرجاويه** · 2015-04-13, 16:27

misslord
أم الشيوخ
munamoor

حبيباتي اشكركم وااااااايد ع مروركم وردكم والله يسلمكم من كل شر يارب
.
.
هو الصراحه من ناحية ان يوم عيالي وياي ارتاح اكثر بس فالسفر احس الوضع شوي يختلف
أحس عباله وركيض وانا ابا استانس وارتاح جي يعني تغير م
ن جي اقول لو رحت ماليزيا بوديهم لان يمدحونها لليهال ولازم مع بشكارتي
لو ان بعد وهم عند قوم امي ومع خواتي الصغار بعد يستانسون وايد
ومن ناحية الطلعة والله جدولنا دوم ممتلئ دايما اسوي لهم اكتفتي ورحلات ونحجز
حتى عقب ما ارد من اوروبا ان الله راد ورحتها ناوين ع صلالة اسبوعين
.
.
اللحين انا محتاره بين النمسا وسويسرا ولا ماليزيا وكيف الجو بيكون ابا اتحمس
وكيف ارتب ووين اروح وجي يعني ابا خطه
حد يقولي ان ماليزيا كل بتكون عرب ومعاريس ههه خبركم دولة الفتوحات الاسلامية لوووول

**وكفى بالله** · 2015-04-17, 02:59

هلا اختي. ماسة وانا بعد مثلك محتارة وين اسافر ف اوربا وبالنسبة لصلالة هلا والله بتنورينها وصلالة ف الصيف جنة تعرفين اقولي لزوجي ابغى اذا سافرت لاوربا ماابا اشوف الشمس لاني صلالة ف الصيف طول الوقت مطر وخضرة كيف اتركها واروح للشمس ههههههه بس المشكلة ماعنده اجازة الا ف الصيف

**Intisar** · 2015-06-19, 17:19

النمسا احسن...

عندج فيينا. لييز.. سازبورج.. كيتزبول.. انسبروك شلالات كريمل..اشينزي.. كلاجينفورت.. سيفيلد .. سنت انتون واروع اروع اروع مكان في قمة الجبل وتاخذين احلى كوفي منطقة جليد بيتزال

**احتاجك..** · 2015-07-13, 17:39

تركيا حلوة بس حررررر بتكون
سيري اوروبا شوي ابرد

الموضوع: اجازة في اغسطس شهر 8

أدوات الموضوع

عرض

اجازة في اغسطس شهر 8

المزيد من آخر المواضيع من نفس القسم:

رد: اجازة في اغسطس شهر 8

رد: اجازة في اغسطس شهر 8

رد: اجازة في اغسطس شهر 8

رد: اجازة في اغسطس شهر 8

رد: اجازة في اغسطس شهر 8

رد: اجازة في اغسطس شهر 8

رد: اجازة في اغسطس شهر 8

المواضيع المتشابهه

حوامل شهر اغسطس

غره رمضان 11 اغسطس فلكيا

صرف رواتب اغسطس غدا الخميس

اجازة الاتحاد + اجازة عيد الاضحي .. وين بتسيروون

شنط ماركات لشهر اغسطس .....