ميلسنا 2015

[Yazi.90]

عزيزتي اكتبي في اليوتيوب
حكم استعمال حقن البوتكس لشد الوجة والرقبة | الشيخ د عبدالعزيز الفوزان

يزاج الله خير اختي
ماقصرتي ،،

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[mischocolat]

موجوده اتابعكم

[munamoor]

يالله متابعينكــن ،،، شــو يديدكـــن ؟

[mischocolat]

ااه اليديد يا بنت الحلال هالحر اللي من اول ما وصل ذبحنا
نار الجو امس الحرار في بوظبي وصلت 43 من أولها؟؟؟؟ يبالي أقيظ عند عمي في الاسكيمو ههههههه

[مكلارين]

انا بقول لكم شو يديدي .....انا دوووم احط كريمات عبشرتي اشكال والوان ..عاد انا قلت بتفلسف بحط هالمره شي طبيعي اذا ما فاد ما راح يضر قمت ادور عشي لشحوب البشره وللخطوط الويه (تجاعيد الخفيفه) لقيت اكثر شي طبيعي بيرفكت هو زيت الزيتون النقي وبما انه هالزيت متوفر عندي قلت خلني اجربه اسبوع وانا اعرف معلومه انا الزيوت يوم تنحط علبشره لازم في الليل وما نتعرض للشمس او اشعه )(بس ما اعرف اذا هي معلومه صحيحه او لا)..المهم انا حطيت هالزيت لمده اسبوع لاحظت تحسن طفيف في التجاعيد خفت بس الشحوب ما في تحسن كنت احطه بالمسا وابند الليتات بس يتم ليت التلفزيون او الايباد او التليفون بس لاحظت اني اسمر يوم عن يوم صرت يوم انش الصبح واطالع بالمنظره بشرتي مسمره مع اني اغسل ويهي بالصابون من الزيت بس بصراحه صرت محتاره انا صدق اسمر من هالزيت والا المعلومه اللي عندي بغض النظر صحيحه والا لا هي اللي تخليني اتوهم هالشي ..ياليت اهل الخبره يفيدوني

[مراسيل الوفاآ]

^

ماعرف اذا صحيحه هالمعلومه ولا لكن
استخدمي بداله زيت جوز الهند الطبيعي
عليه مدح بانه يوحد لون البشره + ترطيب

بس حق التجاعيد اذا كنتي 30+ ف الاشيا
الطبيعيه ما بتفيدج وايد لانه يبالها وقت والنتايج
ما تبين بسرعه ف هني لازم تحافظين ع بشرتج
بالكريمات عشان تمنعين زياده هالتجاعيد وتكثرين
من الماي

[مكلارين]

^

ماعرف اذا صحيحه هالمعلومه ولا لكن
استخدمي بداله زيت جوز الهند الطبيعي
عليه مدح بانه يوحد لون البشره + ترطيب

بس حق التجاعيد اذا كنتي 30+ ف الاشيا
الطبيعيه ما بتفيدج وايد لانه يبالها وقت والنتايج
ما تبين بسرعه ف هني لازم تحافظين ع بشرتج
بالكريمات عشان تمنعين زياده هالتجاعيد وتكثرين
من الماي

مشكوره اختي اول مره اسمع عن جوز الهند للبشره اعرف انه ينعم الشعر ..بس بعد هذا زيت واذا المعلومه صحيحه معناته بسمر ..ومن وين احصل الصبيعي بحصله عند العطار

[munamoor]

عن نفسي حاليا استخدم قناع الأرز و قناع الطين ،،،،
ووصيت على زيت الارقان من محل معروف في كوريا ،،، ووصلت لي وايد شفت يمدحونه
اختي استخدمته ووايد نفعها ،،،

[مراسيل الوفاآ]

مشكوره اختي اول مره اسمع عن جوز الهند للبشره اعرف انه ينعم الشعر ..بس بعد هذا زيت واذا المعلومه صحيحه معناته بسمر ..ومن وين احصل الصبيعي بحصله عند العطار

بتحصلينه عند التاجرات او اطلبيه اونلاين من امازون
اما المحلات اذا تعرفين محل يبيع اشيا طبيعيه ف بتحصلين
عندهم هالزيت

[ماحد شراتي]

استخدمي قناع البحر الميت الاصلي مب التجاري

يبيض + يشد + نظاره

واستخدمي كريمات فيها نسبه الكولاجين عاليه فيه كريم كوري

المنتجات الطبيعيه احس يبيلها وقت اطول لين تشوفين النتيجه

[mischocolat]

انا بقول لكم شو يديدي .....انا دوووم احط كريمات عبشرتي اشكال والوان ..عاد انا قلت بتفلسف بحط هالمره شي طبيعي اذا ما فاد ما راح يضر قمت ادور عشي لشحوب البشره وللخطوط الويه (تجاعيد الخفيفه) لقيت اكثر شي طبيعي بيرفكت هو زيت الزيتون النقي وبما انه هالزيت متوفر عندي قلت خلني اجربه اسبوع وانا اعرف معلومه انا الزيوت يوم تنحط علبشره لازم في الليل وما نتعرض للشمس او اشعه )(بس ما اعرف اذا هي معلومه صحيحه او لا)..المهم انا حطيت هالزيت لمده اسبوع لاحظت تحسن طفيف في التجاعيد خفت بس الشحوب ما في تحسن كنت احطه بالمسا وابند الليتات بس يتم ليت التلفزيون او الايباد او التليفون بس لاحظت اني اسمر يوم عن يوم صرت يوم انش الصبح واطالع بالمنظره بشرتي مسمره مع اني اغسل ويهي بالصابون من الزيت بس بصراحه صرت محتاره انا صدق اسمر من هالزيت والا المعلومه اللي عندي بغض النظر صحيحه والا لا هي اللي تخليني اتوهم هالشي ..ياليت اهل الخبره يفيدوني

زيت الزيتون وبعد تجربتي له وقت طويل للبشره او الشعر اقتنعت انه غير مفيد ابدا بالعكس مثل ما قلتي سمر الجلد وخلى شعري نافش
اكتفي به الحين بالأكل كل يوم ويا اللبنه او ويا البيض او ورق العنب وهالاشيا المهم تحطينه اخر الطبخه يعني ما يسخن وايد

[mischocolat]

الزيوت اللي ممكن تستخدمينها لتنعيم الخطوط او الشعر زيت السمسم او زيت جوز الهند او زيت اللوز
الارغان ما حسيت له فايده وايد واصلا ما شفت له فايده بالعكس حسيت الزيوت اللي فوق احسن عنه بمليون مره

[شروقه]

صباااااااااااااااااحوووووووووووووووو

ليش الموضوع سار ثاني صفحه



انزين انا مشغوله حاليا ما روم ادش وايد
بس عندي موعد يوم السبت ويا دكتورة تجميل
بخبركم شو بسوي عندها وعن اسمها
عقب ما اخلص موعدي تبون اكتب الموضوع اهنه والا موضوع منفصل

اوني عاد

هههههخخخخخخخخه

تولهت عليكم والله سوولي طاف هههه
مع السلامه الى لقاء قريب

[mischocolat]

شروقه نحن بعد اتولهنا عليج
خبريني عن شو الموضوع بيكون وبقولج اذا تحطينه هنا واللا تفتحين له موضوع خاص به
ما فهمت اي موضوع سار ثاني صفحه

[الساحرة]

زيت جوز الهند ما يخصه بباقي الزيوت من حيث التسمير ، لأنه اساسا يعتبر واقي من الشمس ،