احتاج حبوب تقوية وكلام سنع ساعدوني

[خبايا سنين]

خواتي العزيزات في المنتدى الغالي خلوني اطرح لكم مشكلتي اللي احتاج فيها مساعده معنوية و وقفه حريمية
اليوم نزل البونس حقي وزوجي العزيز طبعا عارف وهو كان مسافر وراجع من السفر قبل يومين لكن الحبيب راح عند امه بالاول ( لكن قلنا بر الوالدين وسكتت) المهم جا عندي البارحة ويقولي عن مصاريف السفر و التكاليف وووو واخته عرسها عقب اسبوعين وهو الاخ الاكبر وما ساهم في شي وقصص ما تخلص !!!!
طبعا انا جدا حز علي وحسيت اني المفروض اساعده لكن تميت ساكته وما رديت...... انا بروحي حامل احينه و وراي مصاريف ولاده ولما طلبت منه اني اولد في مستشفى خاص رفض الفكره مع اني والله ما ابغي اروح عشان اتفشخر ولا غيره عندي مشاكل في الحمل والسكري والضغط و اريد أولد في مستشفى يهتم فيني وانتوا عارفين وسامعين قصص وسوالف المستشفيات الحكوميه عندنا ............
لكن انا عارفه نفسي احينه بطلع اغلاطه لكن عقبها بطلع مليون عذر وفي النهاية اساعده ....... خواتي تعبت من شخصيتي الطيبه وضفعي قدام زوجي شو اسوي؟ اختي الكبيرة دايما تنصحني وتقول يوم تطيحين ريلك اول واحد بيتخلى ويترأ منج لا تعتمدي عليه في اي شي لكن انا ما اتعلم من اغلاطي....... انتو شو سياسيتكم في صرف فلوسكم عن ازواجكم ولو طلب منج زوجك شو تقولين وشلون تتصرفين بدون ما تثيرين مشاكل ولا خلافات؟
ارجوا منكم النصيحه بارك الله فيكم

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[هنايف35]

هلا حبيبتي في زمنا هذا الطيبه ما تنفع مع الريايل والدلع الزايد بيخليه يركب راسج هو ريال خليه يعتمد على نفسه وقوليله انج داشه جمعيات والبيزات ما تكفيج ولازم تحطين له حد ف الموضوع وما يعتمد عليج بالصرف شكلج من البداية علمتيه على هالشي انا كنت شراتج بس الحين تعلمت اني اقول كلمه لاء ومحد جابرنه يسافر يوم ما عنده بيزات ويعتمد على بيزات الغير وبرري موقفج بكل ذكاء واختج معاها حق وبعدين انا 3 يهال ربيت فيهم في مستشفى حكومي وكانت معاملتهم زفته بس تحملت الا يوم وبتتطلعين تحملي ولا تصرفين على اشياء يمكن اتكون معاملتهم اخس عن الحكومي توكلي على الله وربي بيسهلج امورج كلها وعن ريلج الله يهديه لج يارب ويصلحه ومثل ما قلت لج قولي لاء عشان ما يتمادى وربي يوفقج ان شاء الله

[$*ملكه*$]

الغاليه اهم شي تكلمي وحقك اخذيه قوي شخصيتك ولما تقولي لهم الكلام خليك واثقه وماتترددي عن الكلام اللي قلتيه

اهم شي القووه والجراه بسس باحترام وخلي لك شخصيه قويه ناجحه ربي يوفقك

[مناية النعيمي]

من البدايه ليش خبرتيه نزلج لج بونس لا تقولين كل شي عن امورج الماديه

[khaleejiya]

كيف عرف عن البونس؟

- - - Updated - - -

لو انتي قلتي له عيل غلطانه مب كل شي لازم يعرف عنه

[الجوري1991]

مب لازم اصلا تخبرينه كم عندج ومتى نزل البونس!!! دام هو جي طبعه خلي فحياتج مساحه من الخصوصيه وبعدين هو ريال المفروض يدبر عمره ماقلنا شي ان الحرمه تساعد ريلها بالطيب ويوم تشوفه مب مقصر ومب طمعان ففلوسها لكن يوم محطي عينه ع فلوسها وحتى مايخليها تسوي الي فخاطرها هاي انانيه حتى لو عطيتيه اشرطي عليه تربين فالمكان اللي يريحج ..
اشتري راحتج بفلوسج احسن من يتمتعبها غيرج وانتي تعانين

الله يحفظج واييسر امرج ويقومج بالسلامه

[بســـــكوته]

حبيبتي انا مااشوف فيها ي لو انتو تحبون بعض ومتفاهمين عادي سوي اللي يريح ظميرج ولاتنتظرين منه أي رد او مقابل سوي لوجه الله فقط لاغير

[لحنْ #]

حبيبتي انا مااشوف فيها ي لو انتو تحبون بعض ومتفاهمين عادي سوي اللي يريح ظميرج ولاتنتظرين منه أي رد او مقابل سوي لوجه الله فقط لاغير

[ميثه زايد]

كل المشاكل بين الازواج سببها الأساسي الفلوس
سوي عمرج مب فاهمة شو الغرض من قصصه اسكتي او تعاطفي معاه فقط
اذا طلب منج صراحة قوليله ماعندي بيزاتي بسوي فيهن استقبال عقب الولادة وبربي في خاص وعدديله اللي ناويه تسويه ولا تنسي تقوليله ادري لو عندك مابتقصر فيني بس يالله شو أسوي العين بصيرة واليد قصيرة وإلا تبا يقولون حرمة فلان اقل من غيرها
وسوي عمرج مسكينه

[ميثه زايد]

مشكله الررياييل لو اتعودوا انج تسوين كل شيء بالبيت وتساعدين بيلزمج بكل شيء حتى قطية عرس اخته
أنا أقول حملوهم شوي المسؤلية ولا تساعدين الا بحدود وكفايه ان من شغلنا نصرف على عمرنا
الريال لي بغى يدبر يعرف كيف لكن هو عنده بنك متنقل يصرف منه
شوفوا الوافدات لي خذن مواطنين خلوهم يصرفوا عليهم وعلى اهلهم بعد

[هجير الشمس]

مشكلتج عودتيه
الحينه عطيه كااااش
قوليله مابحط فلس باي شي وفلوسج حطيها في حساب توفير ما تعرفين الزمن شو ممكن يصير فيه
واخته هو ملزوم فيها انت جان بتهدينها هدية اوكي لكن يقعد يحسب حساب كل شي بفلوسج
لا والف لا المفروض الرياييل ما يرضونها على اعمارهم ولا حق شو فاتحين بيوت؟؟؟
كوني قويه وبس ترى سهله جدا

[(خيماويه)]

مب لازم اصلا تخبرينه كم عندج ومتى نزل البونس!!! دام هو جي طبعه خلي فحياتج مساحه من الخصوصيه وبعدين هو ريال المفروض يدبر عمره ماقلنا شي ان الحرمه تساعد ريلها بالطيب ويوم تشوفه مب مقصر ومب طمعان ففلوسها لكن يوم محطي عينه ع فلوسها وحتى مايخليها تسوي الي فخاطرها هاي انانيه حتى لو عطيتيه اشرطي عليه تربين فالمكان اللي يريحج ..
اشتري راحتج بفلوسج احسن من يتمتعبها غيرج وانتي تعانين

الله يحفظج واييسر امرج ويقومج بالسلامه

[Ward-uae]

من موضوعج مب مبين انه طلب منج فلوس انتي فرضتي هالشي
عن زيارة امه ما اشوف فيها شي بالعكس الريال اول شي قبل السفر او حتى دوام يسلم على امه وتدعيله
تعديلج للولادة وولادتج في مستشفى خاص هالشي يبالج تستخيرين انا وحده اشوف الحكومي احسن بوايد مسؤولية وملفي من الولادة عندهم فهذا الشي راجع لج واذا ناقشج ريلج اسمعي منه يمكن هو ما مركز على المصاريف كثر انه يحاتيج
واذا قعد يشكيلج اسمعيه لا تحسسيه انه يبي فلوس الحياة بين الزوجين مب فلوس مشاركه في الافراح والاحزان
عن فلوسج انتي حره فيهم واستثمري فيهم او دخلي جمعيات مع انه الموضوع ما يستاهل
الريال يفضفض اسمعيه اذا ما يشكي لزوجته بيشكي لمن؟

[يسوووورة]

من موضوعج مب مبين انه طلب منج فلوس انتي فرضتي هالشي
عن زيارة امه ما اشوف فيها شي بالعكس الريال اول شي قبل السفر او حتى دوام يسلم على امه وتدعيله
تعديلج للولادة وولادتج في مستشفى خاص هالشي يبالج تستخيرين انا وحده اشوف الحكومي احسن بوايد مسؤولية وملفي من الولادة عندهم فهذا الشي راجع لج واذا ناقشج ريلج اسمعي منه يمكن هو ما مركز على المصاريف كثر انه يحاتيج
واذا قعد يشكيلج اسمعيه لا تحسسيه انه يبي فلوس الحياة بين الزوجين مب فلوس مشاركه في الافراح والاحزان
عن فلوسج انتي حره فيهم واستثمري فيهم او دخلي جمعيات مع انه الموضوع ما يستاهل
الريال يفضفض اسمعيه اذا ما يشكي لزوجته بيشكي لمن؟

و اذا ما كان طلب لسا بالصريح

حطين بسرعة بجمعية مثلا

ولما بيطلب بالصريح

قولي له

ياريت كنت خبرتني قبل

وأختي انت لست مجبورة أبدا امام الله انك تدفعيله مصاريف سفره
ولا عرس أخته

اذا فعلا فعلا ماعنده بيعتذر من أخته وخلص

[الجوهرة_1980]

حبيبتي بيزاتج لج ما فيه قوة في الدنيا تجبرج على انج تعطينه حتى الشرع لزم على الريال الصرف على بيته مب انتي الا اذا انتي كنتي حابه اتساعدينه ومب شرط اتقوليله كل فلس يدخل في مخباج وفي حسابج ما تدرين يمكن تحتاجين في يوم من الايام ومب مجبور يعطي اخته لو ما عنده وقفته بعرسها تكفي ..وهذا رايي