عطوني حل لاربيعتي كسرت خاطري

[دواء مستخدم]

بناات بدش فالموضوع على طول
عندي اربيعه عندها 3 اولاد الله يحفظهم
اتقولي :

ريلي دوم اييمد ايده علي و جدام عيالي و عيالي صح انهم بعدهم صغار بس اخاف يتعقدون ، اخر مرة عطاني كف بسبب تافه جدا و سب اهلي اني مب متربية و لا محترمة ، اللحينة صارلي 3 ايام ما اكلمه و ثاني يوم بعد الصفعه بعد بغا يصفعني لسبب تافه بس جفته نظرة و طلع ، ما اعرف شو اسوي اطلق ولا اتم على ذمته و اتحمل قلة مسؤوليته و فقره و اهماله و الضرب ، و فوق هذا بعد ما يسمعني كلمة حلوة والله اني،مشتهية كلام حلو ، انصحوني شاورا علي









.


.



بنات انا نصحتها ... انها ما اتكلمه و لا تقعد معاه و نسوي له طاف عسب يحس و يندم حتى لو اتأسف تتجاهله

المزيد من آخر المواضيع من نفس القسم:

• مخاطر كثرة ممارسة الجماع على الزوجين
• اسباب عدم الوصول للنشوه اثناء الجماع
• صفات الزوج المتنمر وكيفية التعامل معه
• الفرق بين الضعف والعجز الجنسي
• اهم فوائد الزنك السحرية للصحة الجنسية للرجل
• طريقة تنظيف المنظقة الحساسة بعد الجماع
• طريقة التعامل مع الزوج الصامت
• نصائح لحياة زوجية ناجحه
• فوائد الضحك للعلاقة الحميمة
• الزواج الثاني بين الأيجابيات والسلبيات

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[الاحلام العظيمه]

خل تستخير أتم معاه و لا لا
و خل تخف عليه و تبداء هى في كلام طيب و تعوده ع جي

[غرنوووقة]

كيف الحرمه تهين عمرها لهالدرجه وتخليه يتمادى وع فكره الياهل من سنتين يستوعب ويفهم وين احترامها كام جدام عيالها خليها تكلم اي ريال ف العايله لاتسكت عنه

[مغليك]

الغلط راكبنها ..لانها من اابداية ماوقفته عند حده وخبرت أهلها ..المفروض من البداية تراويه العين الحمرا وماترضى ع عمرها يعينها ويسبها ليش نحن وين قاعدين ..خلها تخبر اهلها لانه جذا راح يتمادى ويزيد وباجر عياله بيكبرون وبيقلدون ابوهم ماراح يحترمونها

[دواء مستخدم]

هي خبرت اهلها بس ماشي فايدة .. ودوم علامات الضرب علي جسمها .. اتقول مرة بغت تستغل الفرصة قالت ودني المستشفى فيني صداع و كانت بتشتكي بعد اترددت و ما اشتكت ... و هي اتقول ان اخر مرة صفعني قلتله طلقني و ما طلق

[ريم العسووله]

لا حول و لا قوة الا بالله العظيم
الله ييسر أمورها

[ميميه88]

والله يو يمد ايده تزخها وتقوله والله وتمدها ثاني مره بستويلك شي تندم عليه وان رامت بعد تصفعه
ودام تقولين فيها كدمات تروح وتاخذ تقرير وتحطه عندها عشان لا استوا شي يكون عندها دليل وبعدين وين اهلهاظ يعني كيف يدرون وساكتين؟

[ورقة ناعمة]

عايبنها الكف ولا لها درجات قياسية من الضرب

دام انها سكتت بالبداية على اول كف او اول اهانه فله الحق يزيد ويزيد وينوع بعد على حسب القوة وزيادته

دام انها عايبنها وساكته خل تتحمل منه ...

الريال اذا غلط من اول مره مب نسامحه بسهوله حتى لو اعتذر ,, لازم يكون له حد لو بتدخل الاهل واذا ماتبين الاهل يدخلون

انتي تصرفي لو حتى تطلعين برع البيت وتروحين اهم شي يوقف عند حده ....

[هجير الشمس]

مب ريال اللي يمد ايده
وعشان يصير ريال لازم ابوج او اخوج يربونه من يد ويديد

[انا و الشوق]

لازم تعرف السبب
مافي حد ايمد ايدينه بلا سبب..
خلها تتفادى الأسباب و تستخير
الموضوع مب سهل عندها اختيارين
يا اما تنفصل أو تنضرب..
و الاختيارين صعبين

[لحظة شروووق]

لو هو يخاف من الطلاق قوليلها تهدده او تروح بيت اهلها وما ترجع له الا برضوة
لو هو ما يخاف من الطلاق و مستعد يطلق خليها تزعل منه ولا تكلمه تسوي واجباتها واللي عليها بس ما تكلمه ابدا تيلس ويا عيالها وتلاعبهم لا تزعل جدامه تضحك و تلعب ويا العيال بس ما تكلمه

[Satay]

خليها تصلي صلاه الاستخارة

[مالتيزرس]

اختي بنات المنتدى ما راح يسون شي او يمنعن ريلج من انه يمد ايده عليج ..انتي قومي اتلحلحي شوي لاتمي ساكتة هدديه اذا انه يمد انه ..علمي ابوج اخوج العود ..ابد لا تسكتي ع الضرب هاي اهانة جايفنج ساكتة عليه وطايح بج ضرب ..قوليله بصراكة اذا مديت ايدك علي مرة ثانية بتجوف شي ماجفته وما اسمح لاأي مخلوق يمد يده علي ..وحبيبتي ليش تخافي تاخذي تقرير من المشفى خذي ولا يهمج عسب دليل ضده يكون خلج حارة

[سامية22]

للرفع

[بسمة أمـل]

الله يهديه الرجولة مب بالضرب والي ما يخاف الله في بنات الناس بيي يوم وبنته تنحط في نفس الموقف مع ريلها خليها تحاول تتعامل معاه بالتي هي احسن وتتجنب المشاكل معاه خصوصاً يوم يكون معصب