شو احسن مانع حمل

[دواء مستخدم]

شخبااركم حبايبي
انا حملت مرتين ورا بعض
وربي احس ان جسمي خلاص
جربت قبل الحمل الاول منع طبيعي و حملت
بعد ما ربيت جربت الحبوب و سبب لي اعصاب
جربت االلصقات تعبت .. و استمريت عليه
بس خليت اسبوع و شليته وعقب حملت

تنصحوني باللولب ولا .. و شو احسن لولب
شو افضل مانع حمل 4 الى 5 سنين
وانا اللحينة ارضع ولدي عمره شهر

ابي احسن عيادة نسائية في راك لاهنتو

السموحة طولت بس كل يوم يالسة على اعصابي ..

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[(خيماويه)]

انا كنت استخدم عزل طبيعي وحملت عسب جي مفكره اركب لولب بعد الوﻻده ولو اني خبروني يخربط الدوره بس احسن عن ارد احمل وافضل دكتوره سهاد ونورميلا
بالتوفيق والله يسهل علينا

[دواء مستخدم]

للرفع

[الــــدبـــــه]

بصراحه انا عن نفسي ما اشجع اللولب له مشاكل واااااااايده
مثلا عادي تحملين واللولوب فيج مثل وااايد اعرفهن حملن واللولوب موجود
او عادي يشق لج بطانة الرحم مثل ما استوى لختيه
او عادي تحسسين منه
دورتج عادي تكون طول الشهر
وايد بلاوي انا عن نفسي استخدمت حبوب منع حمل لمدة سنه و7 شهور
اول شهر من الاستخدام كانت نفسيتي زفت بسببهن بس من تعود جسمي عليهن خلاص
عادي الامور طيبه ولله الحمد
الافضل ترجعين تستشيرين دكتورتج عسب تغير لج نوع الحبوب
يمكن ماناسبتج اللي كنتي تاخذينهن قبل
وتمي عالرضاعه يقولون الرضاعه المستمره تمنع الحمل والله اعلم


استخيري اختي والله يكون في عونج

[دواء مستخدم]

بصراحه انا عن نفسي ما اشجع اللولب له مشاكل واااااااايده
مثلا عادي تحملين واللولوب فيج مثل وااايد اعرفهن حملن واللولوب موجود
او عادي يشق لج بطانة الرحم مثل ما استوى لختيه
او عادي تحسسين منه
دورتج عادي تكون طول الشهر
وايد بلاوي انا عن نفسي استخدمت حبوب منع حمل لمدة سنه و7 شهور
اول شهر من الاستخدام كانت نفسيتي زفت بسببهن بس من تعود جسمي عليهن خلاص
عادي الامور طيبه ولله الحمد
الافضل ترجعين تستشيرين دكتورتج عسب تغير لج نوع الحبوب
يمكن ماناسبتج اللي كنتي تاخذينهن قبل
وتمي عالرضاعه يقولون الرضاعه المستمره تمنع الحمل والله اعلم


استخيري اختي والله يكون في عونج

شو اسم الحبوب.؟

[أحاسيس 85]

ياليت تذكرين اسم الحبوب .. ؟

واسم الدكتورة النسائية اللي راجعتي عندها ومن أي إمارة؟

[brave heart]

عني أنا أفكر أركب لولب لمدة 5 سنين
يعتمد عند أي دكتورة تركبينه ولازم تشيكين بين فترة وفترة لان احيانا يتحرك من جيه يصير حمل
فيه الذهب والنحاسي هذول يمدحونهم وايد والهرموني ماناسب الكل يلخبط هرموناتهم
ان اافكر النحاسي
بآخر الاربعين أفكر اركبه على طول مابي أتريا أحسن وأظمن

[الــــدبـــــه]

مارفيلون اظن جي اسمه اللي كنت استخدمه
بس للعلم انا ماكنت ارضع طبيعي
الأفضل تسوون فحص دم عسب تعرفون شو الانسب لكم من ادوية المنع

[بنت الشوامخ]

بصراحه وايد اسمع عن مشاكل اللولب من اللي حولي
بعضهم يمشي وياهم صح ماتحمل بس سبحان الله لابد له بعض المضاعفات

اكثر شكوى سمعتها من اللي ركبوه انه يسوي نزيف
يعني يوم تنزل الدوره تنزل بغزاره وبكميه كبيره تتعب وعلى طول لازم تغيرين
و الثانيه مشكلتها انه الدوره تنزل عندها اسبوعين يعني نص شهر عليها الدوره تقريباً
وغيره من المشاكل اللي تخوف احيد وحده كانت حاطه موضوع هني انه تحرك ومادري وين دخل يباله عمليه عشان يطلعونه ><
وبعضهم قالو يضايق الزوج !

المهم انصحج تصلين استخاره وتشوفين


حرمة اخوي قالت اريح شي اللزقه وكل اسبوع تبدلينها اظن
الحبوب كانت وياها اوكي حبوب ياسمين

بس مادري ليش عقب فتره وسنين خربطت عندها الدوره و ماكانت توقف


والله الواحد يخاف مايعرف شو يسوي انا هذا اول حمل لي
وشكلي بتوكل على الله ومابجرب الا الطبيعي

[أم عذور]

سمعت عن الكبسوله او الامبلانين

في حد يمدح وفي حد يذم

اعتقد تعتمد على طبيعة جسم كل وحده

بس للحين اهي احسن مانع وإن شاء الله اجربها

[um fa6amy]

أنا مركبه الامبلانون .. وااااايد مريحه ووتساعد في انقاص الوزن وفكتني من الالتهابات


وايد انصح فيها عند دكتوره عفاف في الهلث بلس

[ام_البدر]

العزل ....الواقي الذكري

[princess_smile]

في لولب اسمه nova T الكل يستخدمه و يمدحونه موجود في الصيدليات ممكن تاخدي وياكي على العيادة بتركبلك اياه الدكتورة

[عيون الغلا 26]

أنا مركبه الامبلانون .. وااااايد مريحه ووتساعد في انقاص الوزن وفكتني من الالتهابات
حبيبتي ممكن توضحين شو هذا اول مره اسمع فيه

وايد انصح فيها عند دكتوره عفاف في الهلث بلس

[ام احلى بنتين]

اخاف من اللولب بس هو افضلهم
وكنت استخدم حبوب وتعبتني عصبية وتمتني بس استمريت
والان الكوندوم
والله يستر