محتاااارة انصحوني آربي طبيعي ولا عملية؟؟

[[..دانــة..]]

كروشات وأمهات أبا خبرتكم ونصيحتكم
انا في بجربي ولدت بعمليه كنت بربي طبيعي بس الله ما كتب
والرحم ما فتح غير ٢ سانتي والبيبي تعب ،ونبضه نزل فاضطروا يسوون لي عملية

والحمدلله ع كل حال

الحين دكتورتي تخيرني بين الطبيعي أو العملية
وتقولي شي راجع لي
بس انا وااااايد خايفه من الطبيعي خصوصا آن تجربتي الآولى حطولي طلق صناعي تعبني وايد وهللكت
ونفسيتي كانت زفت وصياح ووو فلم هندي

مرات أقول بسوي عملية لاني مجربتها وعارفه التبعات
بس أحيان أتردد وأقول الطبيعي أحسن بس عندي فوبيا من الويع والخياطة والقص

والمشكلة الدكتورة تقولي نسبة نجاح الطبيعي ٥٠٪
يعني انا بين خيارين إما العملية أو ولاده طبيعية بس في الولادة الطبيعية احتمال الرحم ما يتعاون معايه واضطر أربي بعملية واحتمال تمشي الآمور ع خير وأربي طبيعي من غير تعقيدات

بصلي استخارة بس ابا راايكم
منوه مجربه قيصري وعقب طبيعي؟ من تجاربه خواتكم ربيعاتج شوه تنصحووني؟؟؟

وايد قريت مواضيع فالمنتدى وفي مواقع أجنبية
واستشرت أكثر من دكتورة
بس للحين مب عارفه أقرر؟

الوالدة تقولي جربي عطي نفسج فرصة ونفس الشي عمتي
بس والله عايشه حالة رررعب مادري شوه فيني *ـ*

انصحووووني
وادعوولي الله يسهل علي ولادتي وييسر أمووري

المزيد من آخر المواضيع من نفس القسم:

• روتين العناية بالبشرة بعد الولادة
• افضل خضروات مفيده للحامل
• اسباب تغير لون البول اثناء الحمل
• كل ما تحتاجين لمعرفته عن اكتئاب بعد الولادة
• افضل طرق علاج حرقة المعدة اثناء الحمل
• اسباب وطرق علاج الامساك اثناء الحمل
• ابرز اعراض الحمل في اول اسبوع
• افضل طرق علاج غثيان الصباح اثناء الحمل
• اهم اعراض نقص الحديد اثناء الحمل وافضل طرق...
• تقرير شامل عن ارتفاع ضغط الدم اثناء الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[ماسه حساسه]

الله يسهل عليج وييسرلج

[غلاي ميمو]

انا رايي من راي الوالده ان شاء الله الله ايسرلج و تربين طبيعي تراه ويع يوم ولا ويع شهر او اكثر بعد .. انا ربيت طبيعي في ولدي الاول و تميت اتويع 24 ساعه كامله الين الله يسر و طلع بس في ولدي الثاني الله راد و ربيت قيصري لانه الحبل السري و ايده كانوا مجدمين .. المهم ان شاء الله بإذن الله اربي هالمره طبيعي لانه مابغي اعيد تجربة القيصريه للابد سوتلي اكتئاب واملي في رب العالمين كبير .. توكلي على الله و تمي اندعي ان الله ايسرلج و ان شاء الله الامور تعدي على خير

[mmm_22]

جربي حبيبتي الطبيعي لانه بالعمليه ايقولون بس مسموح 5 اتيبين، عادي اربيعتي ربت الاول بالعملية والثاني طبيعي استخيري والتساهيل من رب العالمين

[ام الودايم]

نصيحتي لج جربي الطبيعي .واذا خايفة من الويع ظربي ابرة الظهر ..والله يسهل عليج حبيبتي

[junoOon.al3in]

حبيبتي الطبيعي طبعا نعمه الحمدالله تعب كم ساعه ولا تعب شهور
ماتعرفين هالمره شو بيصير صح كلامج يمكن تتيسر ولادتج و يفتح
عندج اكثر و تتسهلين و تربين كل ولاده غير عن الثانيه ، انا الحمدالله
ماجربت القيصري بس كل ولاده غير عن الثانيه شي ولاده تخبلت و
تعقدت و شليت فكره الحمل من راسي من كثر الالم و الويع و عقب
الحمدالله حملت و ولدت قبل اسبوع و تسهلت ولادتي ، تفائلي بالله
و اقري التساهيل و توكلي ع ربج و حطي ف بالج انج بتتويعين كم
ساعه و بتطلعين و ضناج ف حضنج مستانسه و مرتاحه الله يسهل
عليج حبي ..

[صفوويه]

دانه نصيييييييييييييحه خلج على الطبيعي

ياختي ويع ساعتين و3 ولا ويع شهرين والا شوورايج ؟؟

اختي في بجرها عطوها طلق صناعي وعذبووووووووهااا وخلاص الياهل بيطلع وآخر شي الحبل السري لف على رقبته واضطروا يولدونها عمليه وماكمل ولدها سنه ونص وحملت وخيروها بين الطبيعي والعمليه قالت ان شاء الله طبيعي والحمدلله ربت طبيعي ويابت بنوته من اسبوعين

وتقول الحمدلله مايعورني شي وفي ولدها كانت ماتروم حتى تمشي ولا ترقد ولاترضعه والحين تحمد الله وتشكره على الصحه

خلي آخر قرار فبالج هو العمليه .. وتحملي الويع علشان ترتاحين آخر شي
والله يسهل عليج يااااااااااااااااااااااااااارب ويقوومج بالسلامه ^^

[شهرزاد30]

(والمشكلة الدكتورة تقولي نسبة نجاح الطبيعي ٥٠٪)
معروف انه الطبيعي اذا كانت وضعيه الولد صحيحه و راسه في الحوض بتكون الولاده مضمونه أكثر من العمليه اللي ممكن تكون لها مضاعفات وايد
رايي شوفي دكتوره ثانيه شو بتقوللج. شكلها دكتورتج ناويه على عمليه.
اذا كل شي اوكي توكلي على الله و ان شاء الله بتتسهل ولادتج اذا قالولج الحبل ملتف او البيبي لا سمح الله او وضعيته غلط و راسه فوق عاد مافي غير العمليه. بالتوفيق ان شاء الله

[susu]

انا ولدت أول بيبي عمليه في الشهر السابع لأن البيبي تعبان....والبيبي الثاني ولاده طبيعيه الحمدالله الله يسرلي الأمور مع ان راس البيبي كان فوق لين الشهر الثامن بس سرت عند الدكتورة زينب ولفتلي البيبي لان لو المستشفى شافو راس البيبي فوق على طول بيقولون عمليه...
عطي عمرج فرصه انج اتربين طبيعي مع ان ماأعتقد نسبة نجاح الطبيعي 50% اذا أمورج كلها ماشيه بشكل صح....

[مشتاقه لربي]

أهييي أهييييي الله اختر لنا ولا تخيرنا… .مثلج انا بس مخليتنها عالله

[الورقا]

طبعا وبلاشك ان الولادة الطبيعية افضل تمي ادعي الله ليل نهار ان ايسر لج الولادة الطبيعية اذا كان فيها خير لج .. والولادة تيسير من رب العالمين الام والطفل تحت رحمة ارحم الراحمين واكرم الاكرمين .. والله يجدم لج اللي فيه الخير ..
بالنسبة للولادات بشكل عام اي حرمة معرضة لاسمح الله لانفجار الرحم اثناء الولادة بنسبه قليلة جدا يمكن موب متذكرة النسبة بالضبط .. اما للي سبق لها الولادة بقيصرية فهاي النسبة اتكون اكثر بشوي موب ابوايد .. وهاي النقطة اللي يخافون منها الاطبا فالحرمة اللي سبق لها ولادة قيصرية يتمون يراقبونها بشكل ادق من اي حرمة ماسبق لها الولادة بقيصرية فاذا ظهر نزيف اثناء المخاض بزيادة وبشكل غير طبيعي على طول يحولونها على العملية او لو شافوا دم يظهر عقب ما فتحوا الكيس المحيط بالجنين بعد على طول يحولونها على العملية الله ايسر امورج وايسهل عليج ..

[الدرةالمصونة]

هلا اختي
اولا ربي ييسرلج الولادة

ثانيا
شوفي انا ربيت 3 طبيعي وما حسيت فيهم وعقب 9 سنوات حملت والطبيبة خبرتني انو كل شي طبيعي وعلى قولة الطبيبة بس اعطس اربي هههه

وسبحان الله شفت الالم والتعب في هالولادة
جربت الم الطبيعي وحطولي محفز وصار عندي نزيف وما سيطرت عليها الطبيبة والجنين وضعه تعب وبالاخير سوت لي عملية والنونو بقى في الخدج 3 ايام من التعب

سبحان الله لو كنت اعرف اني راح اتألم كل هالالم كان سويت عملية من البداية

وبعد الطبيبة قالت لي اعطيج مجال لانج والدة طبيعي من قبل

نصيحة يا اختي سوي عملية
اللحين العملية صارت شي عادي وكل البنات يطلبونها
وانت مجربتها ليش تتألمين وتعانين الامريين

وربي ييسرلج يارب

[[..دانــة..]]

خواتي والله ما تتخيلون فرحتي يوم جفت التجاوب الكبير منكم ع الموضوع
اشكركم كلكم دون استثناء
.
.

يارب يسر لي ما هو خير لي ولجنيني
اللهم أمين

.
.

دعواتكم الطيبه
وربي يسهل ع الحوامل وينولكم فرحه ضناكم
واللي مرت بدعوة ونصيحة الله يكتبلج كل خير

[[..دانــة..]]

الله يسهل عليج وييسرلج

أمين
مشكوره ع دعوتج الطيبة

انا رايي من راي الوالده ان شاء الله الله ايسرلج و تربين طبيعي تراه ويع يوم ولا ويع شهر او اكثر بعد .. انا ربيت طبيعي في ولدي الاول و تميت اتويع 24 ساعه كامله الين الله يسر و طلع بس في ولدي الثاني الله راد و ربيت قيصري لانه الحبل السري و ايده كانوا مجدمين .. المهم ان شاء الله بإذن الله اربي هالمره طبيعي لانه مابغي اعيد تجربة القيصريه للابد سوتلي اكتئاب واملي في رب العالمين كبير .. توكلي على الله و تمي اندعي ان الله ايسرلج و ان شاء الله الامور تعدي على خير

آشكرج ع مشاركتج تجربتج
والله يجدملي اللي فيه الخير
ما قصرتي الغالية

[غزالة AD]

الله يسهل عليج حبيبتي وتربين بالسلامة وانتي والنونو بخير.
الدكتورة قالتلج 50 بالمية لانه الحرمة اللي تكون مربية بعملية اول مرة..يعطونها فرصة تربي طبيعي المرة الثانية لكن ما يتريون عليها مثل البجر لانهم يخافون على الرحم..عشان جي ما يعطونها وقت وايد.. عشان جي الدكتورة قالتلج 50 بالمية. انا مريت بنفس الحالة وخيروني بالثاني قلت ابغي عملية لاني وايد تعبت فالاولى واخر شي ربيت بعملية بعد تعب 48 ساعة. عشان جي فالثاني اخترت عملية بدون مقدمات والحمدلله ما ندمت على قراري. الدكتورة ما بتقولج هالكلام الا لانها تعرف انه العملية احسن لج. وفالنهاية القرار راجعلج. وشي معروف انه اغلب الولادات مش الكل طبعا بس الاغلب لو كانت الاولى عملية الثانية بعد تكون عملية.
الله يسهل عليج حبيبتي وتربين بالسلامة وتشوفين ضناج بخير.