للتنازل خادمة بنغالية العمر 30 و الراتب من 650 و فوق

[خياطة]

السلام عليكم و رحمة الله و بركاته ،
الاخوات الكريمات عندي خادمة بنغالية للتنازل وبطرح لكم جميع المعلومات عنها والتنازل يكون ابتداء من أول شهر أبريل يعني شهر 4

أسباب التنازل : اول مرة اجيب خادمة بنغالية و عيالي أبدا ما تقبلونها ويضربونها و هم تعودو على الفلبينية لنها صار لها معانا سنين و الفلبينية في إجازة و بترجع إن شاء الله .

الوضع الحالي للخادمة و مدة إقامتها : انا يبتها في منتصف شهر 12 تقريبا و كانت الفلبينية تعلمها الشغل وما عندها خبرة و حاليا اوراقها وإقامتها وكل شي مرتبين لها إياه .


الإيجابيات و المهام اللي تضبطها :
تنظف الثياب ولكن علموها على غسالتكم ، تكوي الثياب بطريقة مرتبة ، وتنظف المطبخ بطريقتي انا اللي علمتها إياها ، و البيت و عادي تنظف الصالة حتى 10 مرات لنه عيالي يوسخون
عادي تسوي سلطة و تقطع خضار ، و تنظف الثلاجة مثلا و تمسح المواعين و الصحون و الارضية و الحمامات و انتو بكرامة ،
يعني خلنا نقول التنظيف 10/10 بالرغم انها ماكانت تعرف ولا أي شي نهائيا .
تسوي شاي وقهوة و تنزل الفطور على الطاولة مثلا و تسوي لج بيض أو فاصوليا و فول : يعني الريوق تشله .
تحب تشتغل و من اييب لها سيرة السفر تزعل ، و تبغي تشتغل حتى لو سنوات طويلة و ماعندها اهل غير خالتها كل اسبوع تتصل عليها مرة تقريبا .
ماعندها موبايل وانا ما اريد اعطيها نهائيا و أصلا ما تعرف له ،
نظافة شخصية نظيفة تتسبح و مافيها ريحة والحق ينقال و مرتبة و لكن لازم مراقبة .
البسها يونيفورم ، و من تعطينها العين الحمرة تصطلب على طووووول .
ما قد حصلت عليها سرقة و لله الحمد بس انا محاسبة بعد وما أضمنها .
تحب تتقرب من اليهال ووايد تستانس من أقولها سوي شي حق عيالي ، لكن كلهم مش متقبلينها نهائيا و من تقرب منهم يقزون منها ويضربونها .
العربي بدت تفهم شوي بس مب وايد مثل : لكن من اطلب منها شي تسويه بس مب كل شي تم تسألني شو ووين و كيف بس تبغي تتعلم .

نتكلم شوي عن سلبياتها :ما تتحمل حد يهزبها وايد عادي ترد عليج الكلام ، واحسها مرات تجذب بس السبب اللغة انتي تقولين شي وهي تفهمه شي ثاني .
إذا تاخرنا فالريوق مثلا لين الساعة 10 تيي تسأل وين الخبز أبغ أتريق ههههه.
مرات تتحرطم تعصبني لكن ترد تشتغل ولا كانه في شي وانا احسها تستهبل لكني عصبية ما اتحمل هالأسلوب .
التعلم معاها يباله صبر وهي مب متعلمة يعني حتى أرقام ما تعرف تقراها فهذا سبب لي شوية ضغط معاها .
مرات اطلب منها تدور على الشي ولكن تقعد تتحرطم إذا ما حصلته اونه دورت و ما حصلت او كان هني وماعرف وينه .
ما تصبر على اليوع و ما تاكل لحم ومرات تقول عادي آكل صمون و مرات تقول ما احبه ، وانا ما يعيبني هالشي .

منو الأنسب انها تاخذ هالخادمة : تاخذها وحدة عندها خادمة فالبيت عشان تتعلم منها وتساعدها ، ولازم راعية البيت يكون بالها طويل وتصبر عليها ما تعتمدون عليها اذا تبونها حق المدارس وتجي ، يعني لازم توعينها او تحطين لها منبه ، عادي عندها الوقت ما تحسب له حساب عايشة على الله هههه ، لو بيت كبير تكرف تنظف و تخم و الدري وتمسح و تجي يعني
يعتمد عليها فالتنظيف اكثر من أي شي ، واللي تبا تعلمها الطبخ برايها . ومعاملتها مع اليهال الحق ينقال ما شفت منها شي تبتسم و تضحك لهم لكن لو ضربوها تشتكي أنا ذبحتني بالشكاوى
لدرجة صرت اقولها زين زين و خلاص ما اتدخل .

للامانة خبرتكم كل شي وبالتفصيل الممل ، سعر التنازل 6800 درهم ، و راتبها ، 650 بس انا اعطيها 800 و انتو برايكم معاها ، هي ما تسأل تبغي تشتغل وبس .
عمرها 30 سنة مب معرسة ولا عندها عيال .

المزيد من آخر المواضيع من نفس القسم:

• ممكن مساعدة عن تبيض
• أحتــاج معلمة في بوظبي
• خادمة للتنازل
• محتاجة خادمة اندونيسية بسعر رخيص
• لمن يبحث عن معلمة متميزة في اللغة العربية...
• ساعدوني لوجه الله ارجوكم
• أنا ارمله احتاج شغل
• بنات تجربتي في عمليات التجميل مع الدكتورة...
• رجاءا من تعرف راقي شرعي
• مساعدة جمعيات و مؤسسات خيرية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[روح_الإمارات]

بعدها موجودة كنت أباها للوالدة

[خياطة]

اليوم بس أنا نزلت الإعلان أختي هي موجودة بس مثل ما خبرت الجميع بعد شهر اتنازل عنها حاليا احتاجها لين ما توصل خدامتي ولني قدمت على بنت خالتها تيي معاها .
فماراح احتاج البنغالية عقب ما أقدر ادفع رواتب 3 خدامات .

[هجير الشمس]

حبييت صراحتج بالموضوع
وسعرج وايد حلو
مب مثل اغلب البنات خذوها تجاره خخخخخ
موووقفه يالغلا

[خياطة]

الغلاااا انا صرفت عليها اكثر و الصراحة مطلوبة في كل شي ،
لو الخدامة ما تبغي تشتغل عن نفسي بسفرها لنه ما اقدر ادفع راتب 3 خادمات و بالنهاية راح اختار مبينهن و انا اخترت خدامتي الجديمة و بنت خالتها
لنهم بالنهاية راح يمشون مع بعض ويتفقون على كل شي فالبيت عكس البنغالية و الفلبينية أبدا ما يمشي الحال عشان تجي قلت بتنازل عنها حق اللي يبغيها

[أحاسيس 85]

حرام ليش تسمحين ل عيالج يضربونها !!!!!!!!

[علايـــــه]

موجوده؟

[mahhani]

انا بعد قاعده ادووور ،، بربي عقب كم شهر وماعندي خدامه وابا بنغاليه ،،
اذا محد خذها ياريت تخبريني ع الخاص وانا بشاور هليه وبرد عليج

[خياطة]

حرام ليش تسمحين ل عيالج يضربونها !!!!!!!!

الغلااا مع احترامي لرأيج ,,!

الموضوع تنازل عن خادمة و مش عن الخادمة نفسها ؟
نقطة اخرى أنا منو قالج اني سمحت لهم ، معناه كلمة سمعت اني عطيتهم الضوء الأخضر وقلت لهم اضربوها .أنا ما أرضى بالظلم و لو كان على نفسي ، شي طبيعي يوم الخادمة يديدة و تحب تتقرب من الياهل ، ممكن تكون ردة فعله انه يدزها او يعايرها او أقل شي بيقول لها ابعدي عني .
وهذا اللي حصل مع عيالي انهم تعودو على خادمة تقربا 8 سنوات فهم مش مستوعبين انه خادمة اخرى تقرب منهم و خاصة أنها سمراء ، و ما تشبه الآسيويين ،
الخادمة السابقة كلهم فتحو عينهم عليها ، لنه عيالي بعدهم صغار و أنا ما قد جبت غيرها ولا عمري غيرتها ، وهذا السبب اللي خلاهم يتعودون عليها .
وهذا بعد سبب قوي يثبت اني على قولتج " ما أسمح لعيالي بضرب الخدم " لأنه لو كانت الأولى تنضرب جان ما تمت كل هالسنين . و سلامتج .

[خياطة]

انا بعد قاعده ادووور ،، بربي عقب كم شهر وماعندي خدامه وابا بنغاليه ،،
اذا محد خذها ياريت تخبريني ع الخاص وانا بشاور هليه وبرد عليج

الغلااا انا ما اطرش حق حد العرض موجود و اللي في نصيبه بياخذها