الاكل خارج المنزل؟! المطاعم

[almal3ka1]

التغيير لازم و مطلوب لآن النفس تعاف الروتين

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[sa7el]

بالنسبة لي أنا والله احيانا بسبب تغيير الجو او الملل،، بس نبا نطلع من البيت وما نعرف نسير اقول خلاص ما بطبخ وبناكل برع بس طبعا مب وااايد

اللي اشوفه حاليا عند البعض تقريبا شبه يومي اكل المطاعم،، جنه هوس عندهم والمطاعم استوت حدث ولا حرج

[ندى الصبار]

سلام
لا نخرج للمطاعم إلا تلك التي على شاطئ البحر ولا نتناول غير السمك و فواكه البحر لما نختاره بانفسنا طازجا يعني حوالي 4 مرات في السنة. نفضل الخروج بعد العشاء في البيت للسهر خارج البيت او ناخذ اكلا خفيفا معنا

[Jimmy Choo]

بصراحه ملينا من اكل البيت و مع كل هالمطاعم الواحد صار صعب انه ما يطلع ويجرب
و انا بالذات وحده ما استمتع بأكل البيت
احب اكل و أجواء المطاعم و معظم اكلنا حتى لو نحن فالبيت يكون مطلوب من برع
و ماشالله كل يوم و الثاني فاتحين شي يديد

[ام احلى بنات]

اشتقت لاكل "قصر الهند" ،،،،

يبالنة روحة عن جريب ان شاء الله،،،

[Ward-uae]

اسير لانه ما عندي خيار ثاني
لكني اختار مطعم نظيف ويناسب اليهال لو غالي اهم شي يكون نظيف وفيه اكثر من خيار
مثلا رايحه المول ما عندي غير مطاعم المول واكون في طابق معين ما فيني احوس وادور اقرب مطعم لي اسيره
وغير حاجزه في فندق او منتجع نفس الحال ما بطلع من الفندق ادور لي مطعم
في الفندق فيه مطعم وبوفيه وبأكل اليهال

[تفاحتي]

ماحب وايد اكل المطاعم لاني اسوي احسن عنهم واستمتع ب اكلي
بس لازم مره ف سبوع عشان اعيالي بس مو شرط اكل معاهم يكفيني عصير او سلد المهم اللي ف خاطرهم