موقع سوق !!

[.Noura.]

السلام عليكم بنات وحريّم
بغيت اسالكم من جرب موقع سوق !
طلبت من عندهم عطور وصلني واحد لي طالبتنه و 2 واحد مفتوح بدون بدون كرتون و الثاني مكرتن ومقرطس قرطاس معفن
طاف المهم العطر لي طلبته حسيت ريحته محومظه وهو عطر دوم اخذه من المحل لكن من العيازه طلبته بس هذا الموقع شو سالفته سوق النصابين ولا ايش نفس امازون كذا تاجر !

المزيد من آخر المواضيع من نفس القسم:

• الشارقة
• ممكن مواقع تبيع شنط DKNY
• موقع يرجع نسبه اذا طلبتي من المواقع
• سويتوو sweetoo
• هل هذا الموقع موثوق؟
• الشحن للامارات ومكسب
• كيف طريقة الشراء من موقع I herp
• ترجيع ملابس مت موقع كوزي كوكون
• عطوني مواقع اتشرا منها للعرس
• اكواد خصم

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أدور حل]

فيه وايد تجار نصابين.. معروف هالموقع. سوي عليه اكس

[zozo zooz]

انا مره طلبت منهم باليت شدو من كوستال سنس
وصلني واحد غير يلي طلبتو بس من نفس الماركه
ومكسر
وروج من بورجوا وصلني غطايته خربانه
بضاعتهم قديمه كتير

[ام عنوده]

الله المستعان

[.Noura.]

بدق لهم بكره بلغي باقي العطور وبرد هايلا

[أم زمرده]

حسبي الله ونعم الوكيل فيهم ، نصابين ما تشترون من عندهم

[Pretty $oul]

ما احب اتعامل مع المواقع العربيه ابدا ..

[.maryam.]

انا جربت اشتري راوتر من عندهم لكن ماوصلني للحين
بيبين عقب

[.Noura.]

بريتي سول
انا بعد لكن الحايه بنت حرام قلت بيوصلني اسرع وندمت

[كتكوتة حبيبي]

ماعندي فكره

[لحنْ #]

انا اتعامل معاهن دوم وها اكثر موقع ارتاح له ، تجار وف تجار مب اوك
يعني انتي وحظج وشطارتج بعد .. اللي ماتفهم لا تقول موقع مب اوك :\

[حـ uae ـلا]

انتي و حظج اختي ^^

ربيعاتي يتعاملوا مع هالموقع و مرتاحين له ,, و الاغراض اللي يطلبوها توصلهم خلال يومين بالكثير

و الاغراض اصلية و مضمونه بعد

بس انا شخصيا ما جربته ,, كنت بطلب منه مرة و للحين اتشاور لان الغرض اللي اباه ما احتاجه حاليا

رجعي الاغراض و كنسلي الباقي

[.Noura.]

انا اتعامل معاهن دوم وها اكثر موقع ارتاح له ، تجار وف تجار مب اوك
يعني انتي وحظج وشطارتج بعد .. اللي ماتفهم لا تقول موقع مب اوك :\

ترى هذي هيه حرام اخسر فلوسي ع الحظ .. انا عاد لو مالي بارض اقلع الشي مارجعه .. هالشي خايس فيني .. والحين متبرضه لهم ههه

[شعاع امل]

تعاملت معه مره .... وصلني جهاز الكتروني من عندهم وكان الوضع تمام بس يمكن في ناس واجهتهم مشكله

عندي ربيعه تطلب منه موبايلات اشترت جالاكسي بالف وستمائة من عنده.... وعادي وصلها تمام ....

فمااعرف يمكن..... حسب التجربه بس بعد الطلب من هذه المواقع مانصح به دائما بضاعه عينك ماشتفها

يمكن تصيب يمكن تخيب .....

بس هذه المواقع مع الوقت تتطور ....

[غمضه عين]

جربته من قبل عروض رائعه تصدر منه