زوجي يريد الطﻻق ودخل علي .. ساعدوني

[جوري5]

بسم الله الرحمن الرحيم. .
السلام عليكم ورحمة الله وبركاته. .

بدخل فالموضوع على طول

أنا عقدة القرآن قبل 6 أشهر مع رجل خلوق ويصلي كل الصلوات
أول شهرين من ملجة كنت مرتاحة مع زوجي كنت أحس انه مهتم فيني. . وانا أحبه وايد. . عقب حسيته تغير ما يسأل عني و بس مرة يتصل فيني فاليوم. . و يوم سألته تم يقولي ماشي مافي شي. . وعقبه صارحني وقالي مايبا يكمل حياته وياي. . مايبا يتزوجني. . حاولت وياه أبا اعرف السبب بس ما في فايدة مايقول شي ..يقولي انتي ماقصرتي وياي فشي تستاهلين واحد احسن عني ويحبج. .
انا أحبه وايد وقلت له اباك انته .. وهو مصر على قراره
صبرت عليه وتميت ادعي ربي يسخره لي ويغير قراره
مر شهر حسيته تغير يزورني يضحك معي ويسولف ..وفاتحني الموضوع مرة ثانية انه مآ غير قراره ويبا يطلقني. . وايد حاولت وياه اقنعه بس هو مايبا ..

آخر مره زارني كان يداعبني وانا اصده ﻻني كنت حاطه فبالي انه يبا يطلقني بس ماقدرت عليه يقولي بس بداعبج ..و دخل علي بالغلط..انا كرهت هاليوم وتميت أصيح ..زوجي يقولي عادي ترى هالشي حلال

والمشكلة بعد ما دخل علي بعده مصر يبا يطلقني ..كلمت أمه عن السالفة ..انصدمت وتمت تفهمه الي يسويه غلط ..هو مب راضي يسمع كلام حد

انا ماعرف شو اسوي اميه ماروم أقولها أن زوجي دخل علي ويبا يطلقني ﻻنها تعبانه وبتتعب أكثر

الوضع الحين انا الي دوم أسأل عنه ..إذا مآ سألت عنه ما يسأل عني ويبا يودرني

انا ماعرف شو اسوي تعبت نفسيا تعبت ..ارجوكم ساعدوني

المزيد من آخر المواضيع من نفس القسم:

• طرق تجنب الزوجة تدمير حياتها الزوجية
• افضل الطرق للتعبير عن حبكِ لزوجكِ
• جارتهم فرقت بين اخي وبين زوجته
• طرق التعامل مع الزوج الذي يتجاهل زوجته
• افضل طرق التعامل مع الزوج الذي يهين زوجته
• افضل طرق التعامل مع غضب الزوج بذكاء
• اجمل افكار لاستقبال زوجك من السفر
• اهم العادات التي تؤدي الى تدمير الحياة...
• افضل طرق التعامل مع الزوج المستفز
• نصائح مفيدة لنجاح العلاقة الزوجية

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أنا بدر البدور]

الله يعينج اختي ..
لازم تدخلين حد بالسالفه ..
الدنيا ما فوضه ��..

[فنون الحب]

كيف اختي يعني دخل عليج !!

صرتي حرمة يعني !!

من كلامج عنه يبين انه مب جدي ولعاب

حافظي على عمرج واتخذي قرار من الحين ولاتعطينه اي فرصة انه يتقرب منج لو انتي بعدج بنت !

في شباب يستغلون البنات في هالفترة عشان يوصلون للي يبونه ويعقونهم !

[جوري5]

دخلت أمه وأبوه فالسالفه يحاولون معاه بس مب راضي يغير قراره
من دون سبب يبا يطلقني

ومن صوبي انا يتيمه ماعندي حد غير اميه
ما اعرف شو اسوي..

[kaki92]

الصراحه انتي السبب يقول ما يباج وانتي تبينه , وهو غلطه اكبر ,,مم مادري ولله لازم اهله يجبرونه بطريقه قويه عشان يوافق

[جوري5]

كيف اختي يعني دخل عليج !!

صرتي حرمة يعني !!

من كلامج عنه يبين انه مب جدي ولعاب

حافظي على عمرج واتخذي قرار من الحين ولاتعطينه اي فرصة انه يتقرب منج لو انتي بعدج بنت !

في شباب يستغلون البنات في هالفترة عشان يوصلون للي يبونه ويعقونهم !

هيه صرت حرمة للأسف

[جوري5]

الصراحه انتي السبب يقول ما يباج وانتي تبينه , وهو غلطه اكبر ,, لازم تخبرين اهلج واهله عشان يجبرونه يتزوجج , احس هذا الحل الافضل

خبرت أهله وهم يحاولون وياه ..يقولي مابي أخذج وعقب اطلقج يوم بتحملين. .

[[..دانــة..]]

خلاص الحل تصارحين الوالدة وتحتسبين عند الله
مافي شي بالغصب دامكم ع بر وما بينكم عيال

اللي نصيبج بتاخذينه ولازم تحطين انه دخل عليج
وانتي الله يهديج ما في فايده الومج ع هالشي
بس نصيحه للمقبلات ع الزواج لا تعطين ريلج راحته بزيادة
صح ملجة وحلالج وفي عقد بس هالآمور تسبب مشاكل عقب

[kaki92]

حسبي الله عليه هذا ما يتسمى ريال

[مغربية بدبي]

والله حرام عليه اللي يسويه فيك , حاط ببالو يبا يطلقك ومع هيك دخل عليك , اسفة عالكلمة بس هو اناني ما يفكر غير في نفسه الله يعينك حبيبتي ,
لا تخبري امك الحين مدام لسا ما بلش اوراق الطلاق استعيني بالله عز وجل استخيري مرة واثنين وثلاث واكثري من الاستغفار ومن قول اللهم أجرني في مصيبتي واخلف لي خيراً منها ربي رح يحلها ان شاء الله لا تشيلي هم انت ما غلطتي بشي نهائيا انت متزوجة على سنة الله ورسوله هذا ابتلاء من الله اصبري ,

[ساحره العين]

هذا مب ريال ولا ينطبق عليه مسمى الرجوله
الله يفرج همج
من رايي انه يحافظ عليج قبل ما يعاقبه ربي ويسلط على خواته واحد بسوي مثل ما سوا فيج
الدنيا دواره
لازم حد عاقل من اهلج يتدخل لانج بنت ناس مب ماخذنج من الشارع

[طيبة*قلب]

وليش دخل عليك وهو بيطلقك
خلاص الحين الموضوع يختلف
اول كنتي بنت وانتي الله يهديك كيف رخصتي نفسك قلك مايبك تميتي تجرين وراه
والله مو رجال الله يهديه
حسبي الله عليه نفسي اخذلك حقكك

كلمي خوالك عمانك شيخ قبيلتك

[فنون الحب]

هيه صرت حرمة للأسف

حسبي الله عليه

ليش سمحتي له من البداية كنتي وقفتيه عند حده !!

الله ينتقم منه صدق الرياييل مالهم امان !

روحي المحكمة واثبتي انه دخل عليج

[مالتيزرس]

حبييتي اذا تم يلعب بج يمين ويسار ..وماشي فايدة من أهله روحي المحكمة نعم لا تسكتين عن حقج وعلميهم انه باليوم فالفلاني دخل عليج ولاتكوتي باردة هامواقف يبالها حزم ..
وانتي الحين مانقدر نلومج لأن اللي صار صار ..
وريال بايعج ع شو تركضين وراه الله يهديج هو من البداية ترا يبا يطلقج ع شو فارة عمرج فر عليه ..ترا مب اول ولا آخر ريال هو فالكون د.ربي بيعوضج خير عنه

[صلاتى حياتى]

الله يسهل امورج بس انت غلطتى وايد من اول مقال ماابيج كان فريتى عليه كل اشياءه ونفذت بعمرج مستغربه كيف امنتى له وهو كان مصر على الطلاق
الانسان ضعيف للاسف بس حقج لا تضيعينه ابدا وتمى وراءه وخديه ترى مهب فوضى هى مايخاف ربه