تجاربنا في الولاده والاخطاء اللي سويناهاا

[الوردة الجورية]

وعليكم السلام والرحمة

احب هذي المواضيع

انا من النوع اللي احب اقرى وايد واستفسر عن كل شي و احط الاحتمالات وادور لها على حلول

لكن تظل التجربة غييييييير

و جداً مؤمنة بمقولة " إسأل مجرب و لا تسأل طبيب "


أخطائي كانت في حملي الأول

اهمالي عن شرب الماء بكميات كافية وعدم شربي للعصائر الطازجة (ريجيم سكر حمل)
طبعاً بين سكر في اختبار تحمل الجلوكوز والا هم ماعطوني ادوية تضبط السكر بس ريجيم وكان ريجيمي بس 1200 سعرة حرارية .. عدم الترطيب الداخلي بشكل كافي أدى لظهور تشققات فظييييعة على البطن بالرغم من كثرة الزيوت والكريمات اللي استخدمتها على بطني صبح و ظهر وعصر و قبل النوم

شرب شاي ورق التوت لتقوية التقلصات!!!! الشاي جاهز ينباع في الصيدليات و بعض محلات الامومة.. مكتوب على العلبة يستخدم في الاشهر الثلاث الاخيرة

اي وحدة ما جربت الولادة ما تعرف ان اصعب شي في الولادة هي التقلصات
انا تقلصاتي عدت الحد اللي في الجهاز!!! و القابلة تبحلق في ويهي كل ما صك الخط أعلى نقطة اللي ماوراها اي قراءة!!!!

الشي الثاني بعد " سورة الزلزلة " ابد ما انصح فيها بنية الولادة.. والله حسيت اني تزلزلت زلزلة والله كنت اتمنى الموت بس افتك من الآلام اللي فيّ

المشي لساعات قبل الولادة.... راحت الطاقة

"بوش.. بوش... بوش.. " خمس ساعات متواصلة؟؟؟!!!!! طبعاً ضعفت العضلات بشدة و هذي قصة ثانية

هذا اللي يسمع حق كلام القابلة بدون تفكير والاعتماد على توجيهاتها
كنت منهاااارة جسدياً و نفسياً،،

غاز المخدر في البداية بس كان مساعد،، عقب صار لي منه دوار و غثيان و تحول صوتي " ريّال" هههههههه

طبعاً قطعت كل الوايرات والاسلاك وحتى غاز التخدير اللي بالغصب امسكيني اياه عقيته و عقيت حتى ملابس الولادة!!!
ملابسهم كأن مال مستشفى المجانين اكمام طويلة والفتحة من ورا و منقطعة الربطة خخخخه.. يعني ابد ماكنت متحملة اي شي يجس جسمي

ولدت

قعدت أصييييييييييح
يابوا لي ولدي يراووني اياه ما قدرت اشله "زعلانه قعدت ابكي بكاء ... تغيرت نغمة بكاء ولدي وصار يبكي على نغمة بكائي!!!!
عقب حطيته في حظني وعلى كرسي متحرك ودوني الغرفة و انا اصيح...


يتبع...

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[أم عيالها]

وعليكم السلام والرحمة

احب هذي المواضيع

انا من النوع اللي احب اقرى وايد واستفسر عن كل شي و احط الاحتمالات وادور لها على حلول

لكن تظل التجربة غييييييير

و جداً مؤمنة بمقولة " إسأل مجرب و لا تسأل طبيب "


أخطائي كانت في حملي الأول

اهمالي عن شرب الماء بكميات كافية وعدم شربي للعصائر الطازجة (ريجيم سكر حمل)
طبعاً بين سكر في اختبار تحمل الجلوكوز والا هم ماعطوني ادوية تضبط السكر بس ريجيم وكان ريجيمي بس 1200 سعرة حرارية .. عدم الترطيب الداخلي بشكل كافي أدى لظهور تشققات فظييييعة على البطن بالرغم من كثرة الزيوت والكريمات اللي استخدمتها على بطني صبح و ظهر وعصر و قبل النوم

شرب شاي ورق التوت لتقوية التقلصات!!!! الشاي جاهز ينباع في الصيدليات و بعض محلات الامومة.. مكتوب على العلبة يستخدم في الاشهر الثلاث الاخيرة

اي وحدة ما جربت الولادة ما تعرف ان اصعب شي في الولادة هي التقلصات
انا تقلصاتي عدت الحد اللي في الجهاز!!! و القابلة تبحلق في ويهي كل ما صك الخط أعلى نقطة اللي ماوراها اي قراءة!!!!

الشي الثاني بعد " سورة الزلزلة " ابد ما انصح فيها بنية الولادة.. والله حسيت اني تزلزلت زلزلة والله كنت اتمنى الموت بس افتك من الآلام اللي فيّ

المشي لساعات قبل الولادة.... راحت الطاقة

"بوش.. بوش... بوش.. " خمس ساعات متواصلة؟؟؟!!!!! طبعاً ضعفت العضلات بشدة و هذي قصة ثانية

هذا اللي يسمع حق كلام القابلة بدون تفكير والاعتماد على توجيهاتها
كنت منهاااارة جسدياً و نفسياً،،

غاز المخدر في البداية بس كان مساعد،، عقب صار لي منه دوار و غثيان و تحول صوتي " ريّال" هههههههه

طبعاً قطعت كل الوايرات والاسلاك وحتى غاز التخدير اللي بالغصب امسكيني اياه عقيته و عقيت حتى ملابس الولادة!!!
ملابسهم كأن مال مستشفى المجانين اكمام طويلة والفتحة من ورا و منقطعة الربطة خخخخه.. يعني ابد ماكنت متحملة اي شي يجس جسمي

ولدت

قعدت أصييييييييييح
يابوا لي ولدي يراووني اياه ما قدرت اشله "زعلانه قعدت ابكي بكاء ... تغيرت نغمة بكاء ولدي وصار يبكي على نغمة بكائي!!!!
عقب حطيته في حظني وعلى كرسي متحرك ودوني الغرفة و انا اصيح...


يتبع...

يالله صراحه اتخيلت الموقف لاني من أربع شهور مربيه بعده كابوس الولاده في بالي

[أم عيالها]

انا جربت الحبه السوده والعسل بس ما نفعت معاي انا ماكنت اولد كنت احاول اجهض لان الجنين ميت له اكثر من شهر وطلبو مني اجهضه بدون ادويه بس مانفع شي الايوم سرت المستشفى سوولي عمليه والله اني جفت الموت بعيني الله يكون بالعون

الله يعوضج بغيره أن شاء الله
طير من طيور الجنه

[الوردة الجورية]

..رجعت أكمل لكم

في حملي الأول الأشياء اللي ما ندمت عليها و عدت اسويها في حملي الثاني:

تمارين كيجل

تمارين الحامل اذكر منها جلسة الخياط وبعض التمارين الثانية اللي تزيد ليونة المفاصل و توسع الحوض وتساعد على نزول راس البيبي في الحوض
(بالرغم ان ولادتي كانت طويله حوالي 12 ساعة منها بوش بوش خمس ساعات الا الحمد لله ماعانيت من آلام الرجول او الحوض)

المشي على الرمل

دهن المنطقة تحت من الشهر الثامن بزيت الزيتون مع مساج لتليين المنطقة و تهيأتها للولادة وتجنب التمزقات او الشق أثناء الولادة

شرب زيت الخروع على الريج ( الغرشة الصغيرة كاملة الا شوي) قبل بدأ التقلصات لتنظيف البطن في البيت قبل الدخول لغرفة الولادة، تجنباً للإحراجات أثناء الولادة
(اذا جت التقلصات خلاص متأخر.. لا تشربون خروع)

[الوردة الجورية]

الأخطاء في حملي الثاني؟؟!!!!!

الحمدلله كنت مستعدة نفسياً و جسدياً و تجهيزياً

تجنبت كل الأخطاء في حملي الأول
جهزت شنطتي و شنطة البيبي من الشهر السابع
جهزت مشترياتي و كل شي لعنايتي بشعري و وجهي و جسمي و لطفلي و للبيبي حق فترة النفاس أثناء حملي
حطيت في بالي ماشي تسوق اول ست شهور من الولادة

جهزت عدة الحبل السري والخلايا الجذعية

اهتميت بشرب الماي والعصاير والفيتامينات والعناية بالزيوت والكريمات

(فترة الحمل أفضل فترة لترميم البشرة و الشعر و تصليح اي ضرر من الحمل السابق) اذا تغذيتي عدل و رطبتي جسمج داخلياً عدل)

شربت أشياء تساعد على الولادة (خلطة الحلبة و اليانسون....) ذكرتها في هذا القسم في موضوع مشابه تنشرب لمدة ثلاثة أيام و خلاص اوقف

خذت ابرة الظهر. تسكن الألم بدون ماتمنع الحركة يعطونها في مستشفى الكورنيش

اشتريت ملابس خاصة للولادة

فانيلا حرارية فوقها قميص قطني طويل لين فوق الركب وفيه زراير من جدام (للرضاعة في غرفة الولادة) و جوارب صوفية طويلة لين فوق الركب

طبعاً أبداً أبدا ما سويت بوش لين آخر لحظة اتفقن الدكتورتين يعطوني مهلة للولادة الطبيعية وعقب يدخلوني قيصري
حزتها بس سويت بوش مع التقلص.. يوقف التقلص أوقف بوش.. يرجع التقلص ارجع اسوي بوش و طلع الحمدلله في خمس دقايق تقريباً بس من البوش

ومع الاهتمام ما شاء الله تبارك الرحمن طلعت من النفاس كأني لا حملت و لا ولدت

[الوردة الجورية]

الاخت اللي ذكرت المحلب لتسهيل الولادة!!

المحلب يفصل المشيمة عن الرحم
ونفس الشي الزعفران المركز مع ماي الورد
ونفس الشي الكافيين والخيلة (الحلتيتة)


بنات راجعوا المواضيع المشابهة في نفس القسم ذكرت انا و غيري من الخوات تجاربنا و تفاصيل اكثر عن الموضوع

[فوااغي 11]

سبحان الله الولاده فلم رعب لا ينسى بس في ناس الله يسهل عليهن ايربون بدون ويع كل التساهيل من الله

تجارب ونصااايح حلووه تسلمووون ع الافاده
والباقيات وينكم نبى اكثر واكثرررررررر

[أم زمرده]

اللهم صلِّ على مُحمّد وعلى آل مُحمّد، كما صليت على إبراهيم وعلى آل إبراهيم، وبارك على مُحمّد وعلى آل مُحمّد، كما باركت على إبراهيم وعلى آل إبراهيم، في العالمين إنك حميد مجيد

[صفوويه]

..رجعت أكمل لكم

في حملي الأول الأشياء اللي ما ندمت عليها و عدت اسويها في حملي الثاني:

تمارين كيجل

تمارين الحامل اذكر منها جلسة الخياط وبعض التمارين الثانية اللي تزيد ليونة المفاصل و توسع الحوض وتساعد على نزول راس البيبي في الحوض
(بالرغم ان ولادتي كانت طويله حوالي 12 ساعة منها بوش بوش خمس ساعات الا الحمد لله ماعانيت من آلام الرجول او الحوض)

المشي على الرمل

دهن المنطقة تحت من الشهر الثامن بزيت الزيتون مع مساج لتليين المنطقة و تهيأتها للولادة وتجنب التمزقات او الشق أثناء الولادة

شرب زيت الخروع على الريج ( الغرشة الصغيرة كاملة الا شوي) قبل بدأ التقلصات لتنظيف البطن في البيت قبل الدخول لغرفة الولادة، تجنباً للإحراجات أثناء الولادة
(اذا جت التقلصات خلاص متأخر.. لا تشربون خروع)

اختي انتي قلتي في حملج الاول انه سورة الزلزله ماتنفع بنيه الولاده كيف ؟؟؟
هذا كلام رب العالمين ماله دخل فالي صاار لج ... وسورة الزلزله تنقرا وقت الطلق

ومن كلامج الي ريحج هو زيت الخروع مع انه هو سبب الي صاارلج وشوفي تجارب 90% من الحريم تقول انه زيت الخروع يزيد الطلق لانه يسوي الاسهال وانتي حتى لو فيج طلق الرحم مايتوسع اصلااا .. وجسمج يضعف آخر شي من ورا هالاسهال

[الوردة الجورية]

اختي انتي قلتي في حملج الاول انه سورة الزلزله ماتنفع بنيه الولاده كيف ؟؟؟
هذا كلام رب العالمين ماله دخل فالي صاار لج ... وسورة الزلزله تنقرا وقت الطلق

ومن كلامج الي ريحج هو زيت الخروع مع انه هو سبب الي صاارلج وشوفي تجارب 90% من الحريم تقول انه زيت الخروع يزيد الطلق لانه يسوي الاسهال وانتي حتى لو فيج طلق الرحم مايتوسع اصلااا .. وجسمج يضعف آخر شي من ورا هالاسهال

زيت الخروع استخدمته في الولادتين الأولى و الثانية

الأولى آلام فظييييعة مثل ما وصفت سابقاً
الولادة الثانية ما شاء الله تبارك الله دخلت غرفة الولادة وانا مبتسمة والقابلة علقت تقول أول مرة تشوف وحدة داخلة ولادة وهي تضحك
طبعاً كانت في تقلصات بس مب مثل قبل


حملي ثاني تميت فترة حملي اقرا سورة يس يومياً بنية تسهيل الولادة
الحمدلله تسهلت وااايد وبفضل الله الهمني اطلبه انه يسخر لي الدكاترة والقابلات والحمدلله الله سخرهم لي في غرفة الولادة حضرن دكتورتين و رئيستهم و قابلتين و رئيستهم كلهم كانو واقفين عندي أثناء الولادة بالرغم من ان عنبر الولادة كان مليان و كل شوي وحدة تولد

سورة الزلزلة كلام رب العالمين هذا أكيد بس تدبري الآيات.. والله اني حسيت اني تزلزلت بس الحمدلله انه عدا على خير انا و ولدي بخير وصحة و ماعانيت من اي مشاكل صحية او بدنية من اي نوع

[الوردة الجورية]

تذكرت شي بعد


في شي سويته في ولادتي الاولى و ارتحت له و ما سويته في ولادتي الثانية وتندمت

ولادتي الأولى بعد ما فتح الرحم عندي ستة شربت منقوع الزعفران مع ماي الورد والسكر (ثلث كوب زعفران و ثلثين ماي ورد وملعقة سكر) تجهز في البيت وتنأخذ المستشفى و ماتنشرب الا بعد التأكد ان الرحم فاتح 6 +

فايدتها تفصل المشيمة عن الرحم وتنظف الرحم عدل
صار نفاسي بس اسبوعين عقب طهرت كمن يوم عقب نزلت الدورة

ولادتي الثانية جهزته لكن ماخذته معاي المستشفى نسيت من حشرة الوالدة الله يحفظها كانت هي وااايد متوترة،، لس للأسف المشيمة ماطاحت كاملة وطاحت قطعة كبيرة اليوم الثاني من الولادة وطولت اربعين يوم او اكثر شوي

[çϋтê мéмë]

ومنكم نستفيد

يزاكم الله خير

[Um M7ammad]

حلو الموضوع و يعطيكم العافية على طرح تجاربكم ونتريا المزيد من التجارب عشان نستفيد

[الدرةالمصونة]

موضوع رائع ..
انا اعيش بعيدة عن اهلي ..
وما عندي حد هنا لا اخت ولا ام ولا حتى صديقة ..
ولادتي الثلاث سبحان الله ..
ربي يسرها لي ..
بعد اسبوعين من دخولي التاسع احس بالم مثل الم الدورة وينزل علي سائل ابيض وبس
اعرف اني راح اولد
وفعلا اروح المستشفى وبعد 6 ساعات اولد
طبعا هذا الكلام بثلاث اولاد نفس الحالة والحمدلله
لا شربت اعشاب ولا سويت شي ..
بس بهذا حملي الرابع وبعد 9 سنوات عانيت جدا
وولدوني قيصري وكنت حتى مشي ما امشي بسبب الم الحوض الفظيع
والحمدلله على كل حال ..

[Cobon]

الاهتمام بالصحة

1- الحامل المفروض ترتب جدول اكلها و يكون فيه كل انواع الاكل :
بيض لحم دياي اسماك سلمون + حليب و لبن و مشتقات الاجبان + فواكه و خضار + عصاير فرش + مكسرات خفيفة عاد مب 24 ساعه
ابتعدوا عن الاكلات الدسمة حتى لا تمتنون عن العيش و الخبز الابيض

2- الادوية اول بأول و خاصة الفيتامينات قبل الولادة و بعد الولادة

3- الحامل لازم تهتم تسوي رياضة

المشي 3 مرات مشي بسيط عادي
رياضة اليوغا
اكوايروبيك
السباحة

لا تقولين والله يوم بربي بروح النادي
ترى والله منطقة الارداف صعبة تنزلين فيها لو ما اهتميتي اول بأول

انا هاي كانت غلطتي الفادحة

4- الاجهاض : لو كان سبب اجهاض الجنين ان الاكل و الدم ما يوصل له
الحل : اسبرين تاخذين حبة كل يوم ( الدكتورة نصحتني فيه للي اجهضت لو مرة )
انا ربيعتي صار لها تجهض 4 مرات و نصحتها تغير دكتورتها
و عقب خلاص تمت تاكل اسبرين لمدة 4 شهور من الحمل
وانا نفس الشي من احمل ع طول اكل
و ما شاء الله ربت و الله يسعدها ان شاء الله


5- انا في فترة الاربعين
سويت مسح لجسمي و الله خربت لي الخياطة الله يسامحها
ندمت ندم عمري اني سويت
و كنت اتحرك شوي اروح الصالة
قلت المرة الياية بحط تلفزيون في الحجرة و برتب كل شي أول بأول و بجهز

6- تجهيز الولادة
توهقت يوم ربيت لان ربيت في الشهر الثامن و مب مجهزة شي
دايما جهزوا قبل الاغراض و رتبوا كل اموركم بنهاية السابع و الغرفة اللي بتباتون فيها سواء ف بيوتكم او بيوت اهاليكم