تجمع المقبلات على التلقيح الصناعي

[دكتووره]

كيف حالكم عزيزاتي ..حبيت افتح هالموضوع عشان نشجع بعض و نشوف تجارب بعض
انا ان شالله مقبله على التلقيح الصناعي هذا الشهر و ليس اطفال الانابيب
هو عملية ادخال السائل المنوي داخل الرحم بواسطة انبوب رفيع عبر فتحة عنق الرحم ..
الحين انا في اليوم الرابع من الدوره و اخذ حاليا تنشيط للمابيض
اي وحده مقبله عل التلقيح الصناعي تتفضل

المزيد من آخر المواضيع من نفس القسم:

• تأخر الحمل بسبب الاجهاد والتوتر
• طريقة حساب ايام التبويض لزيادة فرص الحمل
• اشهر اسباب تأخر الحمل عند السيدات
• اخطاء تدمر النفسية في حالة تأخر الحمل
• فوائد التغذية السليمة لعلاج تأخر الحمل
• كل ما تحتاجين لمعرفته عن البطانة المهاجرة...
• ابرز اسباب واعراض العقم عند السيدات
• اعراض العقم عند النساء قبل الزواج
• اهم اسباب وراء تأخر الحمل
• افضل اعشاب طبيعية لزيادة فرص الحمل

للحصول على تفسير لحلمك .. حمل تطبيقنا لتفسير الاحلام :
اجهزة الاندرويد : تفسير الاحلام من هنا
اجهزة الايفون : تفسير الاحلام من هنا

[امراه]

بعدني مااقبلت ع شي بس حبيت ادعي لج ربي ايتتم لج على خير ويرزقج بالذريه ويرزق كل محروم يارررب

[الأمل هنا]

انا تجربة امل جديده..

ربي يوفقنا

نصيحه ابدى بكتابه يومياتج بتفاصيلها الجميله

واستمتعي ومتعينا

[بســـــكوته]

مرحبا اختي وانا نفسج ان شاء الله مااعرف شو بيسوون لي باالظبط وللحين مابديت بشي بس ان شاء الله اول ماببدا بخبركم بيومياتي وكل وحده ياليت تفيدنا
انا شوي متخوفه بس الفرحه والامل اكبر بكثيير
ربي مابيخيبنا ان شاء الله وبعطينا بدال الواحد عشره

[دكتووره]

هلا فيكم عزيزاتي الي ردوا ..و مشكورين على الدعوات الطيبه ..الله يسمع منكم و نحمل جميعا في اسرع وقت
بالنسبه لي انا في اليوم السادس من الدوره و خلصت التنشيط ..هو كان عباره عن حبوب الفيمرا 5 ملج ..و ثلاث ابر من ال follistimon و باجر ان شالله بيكون عندي تصوير ..هو شوي بدري بس ان شالله يكون مثل ما تتوقع الدكتوره ..و ابي دعواتكم لي بالتوفيق ..
بسكوته انتي كيف نظام علاجك ها المره ؟

[دكتووره]

يا ودود يا ودود يا ذا العرش المجيد يا فعالا لما تريد ..لك الحمد و لك الشكر على جميع النعم ..اللهم لك الحمد كما ينبغي لجلال وجهك و عظيم سلطانك..اللهم يا حي يا قيوم صلي على محمد و على ال محمد كما صليت على ابراهيم و على ال ابراهيم انك حميد مجيد..يا رب يا رب يا رب ..اسالك بعزك الذي لا يرام و بملكك الذي لا يضام و بنورك الذي ملأ أركان عرشك ..يا مغيث أغثني ..يا مغيث أغثني (اللهم فرج همي و يسر لي حملي و وفقني و بشرني بالخير )

[بســـــكوته]

حبيبتي انا للحين مابديت شي لان المشكله نحن نراجع فتوام وتعرفين مواعيدهم كيف بعيده ونحن ساكنين فبوظبي يعني شغله وظرب خطوط
حااولت واايد مع ريلي نحول عند الدكتور وليد مركز هيلث بلاس بس ماطاع لانه يقول توام حكومي وموثوق مااعرف كيف يفكر

انا لان عندي تكيس المبايض العادي والدوره مب منتظمه فقلت خلني ابدا اعالج روحي ف البيت لين مايي الموعد
طبعا مب هذا سبب عدم حملي
السبب قلة او تقرييبا انعدام الحيوانات عند ريلي والحين مالنا الا الحقن المجهري او اللي بيقرره الدكتور

حاليا احاول اكثر من متجات الصويا لاني قريت انها واايد زينه وترفع الهرمون الانثوي
واشرب ميرميه ع طول استبدلها عن للماي تقريبا
وااخذ كل يوم حبه جلوكوفاج وحبه فوليك اسيد
هاااذي اسباب وربي كريم ورحيم
بيرزقنا جميعا فوق مانتمنى وبدال الواحد عشره يااارب

[الأمل هنا]

انا اخذ فيتامينات وفوليك اسيد واشرب ماء المرقدوش
سويت حجامة
واتبعت حمية من الاغذية التي تسبب لي حساسية

لكن للاسف كنهاية كل عام
هناك ضغط في العمل

مفروش اشرب ماي وايد وامشي نص ساعه
لكن انا هاليومين لازمة فراشي تعبانة

ويارب يتيسر الامر وتضبط هالمرة واحمل

اما بخصوص الاخت الي زوجها يشكك في الخاص ويثق في الحكومي


فلازم تراعين نفسيته لانه الوسواس مشكلة

ويارب ييسر لكم

اعرف تجربة ناس ضربو خط لتوام عشان هالعملية

في هالمنتدى الطيب

[دكتووره]

هلا خواتي ..الامل هنا الله يرزقج ان شالله بالحمل السليم عاجلا غير اجل
انا احس الحميه وايد مهمه للحريم الي عندهم تكيس المبايض لانه يساعد المبيض يستجيب للعلاج باذن الله تعالى ..و كل ما نقص الوزن تنتظم الهرمونات اكثر
بالنسبه لي ..الدكتوره قررت لي ابرتين زياده و عندي موعد الاحد و ان شالله خير

[بســـــكوته]

انا الحمدلله وزني وعمري اووكي عشان جي متفاائله واايد وربي ان شاء الله ما بيخيبنا ابد

دعوااتكن خواتي كل وحده تدعي للثانيه

[الأصالة]

السلام عليكم ورحمة الله وبركاته

وانا بدأت التلقيح المجهري هذا الشهر وتعتبر اول تجربة حقي

نوعين من الإبر المنشطة


والله يكتب الي فيه الخير ����

[خشموشة]

موفقة اختي وربي يتمملك على خير وتبشرينا بحملك

[دكتووره]

مرحبا حبيباتي ..حبيت اخبركم اخر التطورات ..انا بعدني في مرحلة تحفيز المبايض و اخذ الابر ..و ان شالله موعدي الاربعا باذن الله

[الأمل هنا]

الله يتمم ع خير
انا للان مانزلت الدورة . خلصت هرمون الي ينبلع عشان تنزل الدورة . بلعتها 10 ايام

والحين خلصت هالحبوب من يوم 25/12/2014

دعواتكم

[امراه]

الله يحقق لكم امنياكم واتحملون كلكم امين يارررب